I^saa^laa^en Mienh
Maiv Nzuonx Daaih Lorz Ziouv

• ¹ Meih mbuo yiem Saa^maa^lie Mbong nyei m'sieqv dorn aah!
• Muangx naaiv deix waac maah!
• Meih mbuo se hnangv Mbaasaan nyei ngongh nyeiz.
• Meih mbuo zeix mienh jomc mienh yaac zatv dangx-donx mienh.
• Meih mbuo zunc meih mbuo nyei nqox gorngv,
• “Dorh a'ngunc diuv bun yie mbuo hopv maah!”
• ² Ziouv Tin-Hungh se cing-nzengc nyei.
• Ninh houv jienv gorngv,
• “Meih mbuo nyei hnoi-nyieqc oix taux aqv,
• mienh oix longc ngau kuangx jienv meih mbuo mingh.
• Taux zengc njiec wuov dauh ninh mbuo oix longc diux kuangx jienv mingh.
• ³ Meih mbuo gorqv-mienh oix zuqc baeng zaqc gan
• gorqv-mienh nyei zingh laatc tong nyei kuotv cuotv.
• Meih mbuo yaac oix zuqc zoi bieqc Haamon.” * Haamon naaiv joux Hipv^lu waac se maiv nangc mengh.

Naaiv se Ziouv gorngv nyei waac.

• ⁴ “I^saa^laa^en Mienh aac, daaih taux Mbetc^en baamz zuiz,
• mingh taux Gin^gaan aengx jaa baamz zuiz.
• Gunv dorh meih mbuo ndorm-ndorm fongc horc ziec nyei ga'naaiv.
• Mouz buo hnoi * Fai buo hnyangx. dorh meih mbuo ziepc gouv nyei yietc gouv.
• ⁵ Gunv zorqv an bingv nyei njuov fongc horc ziec bun Tin-Hungh,
• yaac zunh meih mbuo cuotv fim fongc horc nyei ga'naaiv ceng mbuox mienh.
• O I^saa^laa^en Mienh aac,
  meih mbuo a'hneiv hnangv naaiv zoux.”

Naaiv se Ziouv Tin-Hungh gorngv nyei waac.

• ⁶ “Yiem meih mbuo nyei norm-norm zingh
• yie bun meih mbuo ngorc hnaangx. * Faan zaqc gorngv “bun meih mbuo nyei nyaah cing-nzengc”.
• Norm-norm dorngx maiv maaih laangh ziqc,
• meih mbuo corc maiv nzuonx daaih lorz yie.”

Naaiv se Ziouv gorngv nyei waac.

• ⁷ “Yiem meih mbuo maiv gaengh siou gaeng-zuangx buo hlaax nyieqc,
• yie bun lungh hlorngx maiv duih mbiungc.
• Yie bun mbiungc njiec naaiv norm zingh,
• maiv bun mbiungc njiec wuov norm zingh.
• Naaiv nzong ndeic duqv mbiungc,
• wuov nzong ndeic maiv duqv mbiungc ziouc nyaux nqaai nzengc.
• ⁸ I buo norm zingh nyei baeqc fingx youh jienv mingh ganh norm zingh
• lorz wuom hopv mv baac maiv duqv hopv beuv.
• Meih mbuo corc maiv nzuonx daaih lorz yie.”

Naaiv se Ziouv gorngv nyei waac.

• ⁹ “Yie bun nziaaux-jorm buonc hoic mbiauh butv latc douz.
• Meih mbuo nyei huingx caux a'ngunc biouv,
• meih mbuo nyei ngongh nyorx biouv caux ga'lanv biouv
• zuqc jopv-nyeic nyanc nzengc.
• Meih mbuo corc maiv nzuonx daaih lorz yie.”

Naaiv se Ziouv gorngv nyei waac.

• ¹⁰ “Yie bun zeqc naanc yiem meih mbuo mbu'ndongx
• hnangv zinh ndaangc yiem I^yipv nor.
• Yie longc nzuqc ndaauv daix meih mbuo nyei mienh lunx mienh,
• bun meih mbuo nyei maaz zuqc caangv mingh. * Fai “daix meih mbuo caangv daaih nyei maaz”.
• Yie bun meih mbuo nyei ndopv-liuh ciangv zueix nyei qiex
• congx zuqc meih mbuo nyei mba'zorng.
• Meih mbuo corc maiv nzuonx daaih lorz yie.”

Naaiv se Ziouv gorngv nyei waac.

• ¹¹ “Yie oix mietc * Fai mbienv. meih mbuo
• hnangv zinh ndaangc yie * Se Tin-Hungh. mietc So^ndom caux Go^mo^laa Zingh. * Tin Deic Douh 19:24
• Meih mbuo hnangv nqanx zaangh yiem douz-nzauc baeng cuotv daaih,
• meih mbuo corc maiv nzuonx daaih lorz yie.”

Naaiv se Ziouv gorngv nyei waac.

• ¹² “O I^saa^laa^en Mienh aac,
• yie oix hnangv naaiv zoux bun meih mbuo.
• O I^saa^laa^en Mienh aac,
• weic zuqc yie hnangv naaiv zoux bun meih mbuo,
• meih mbuo oix zuqc liuc leiz buangh meih mbuo nyei Tin-Hungh.”
• ¹³ Tin-Hungh zeix mbong yaac zeix nziaaux,
• ninh zorqv ninh yiem hnyouv hnamv nyei sic mbuox baamh mienh.
• Ninh tiuv lungh ndorm benx lungh hmuangx,
• yaac caaiv jienv ndau-beih hlang nyei dorngx.
• Ninh nyei mbuox se Ziouv,
  Nernh Jiex nyei Tin-Hungh.