Tin-Hungh Dingc
I^saa^laa^en Nyei Zuiz
1 O I^saa^laa^en Mienh aac, meih mbuo oix zuqc muangx Ziouv
gorngv meih mbuo naaiv deix waac, se gorngv zuqc yie yiem I^yipv dorh cuotv daaih nyei yietc fingx mienh. Ninh gorngv,
-
2 “Yiem lungh ndiev fingx-fingx mienh mbu'ndongx
- yie kungx ginv meih mbuo hnangv.
- Weic naaiv yie ziouc dingc
- meih mbuo baamz nyei yietc zungv zuiz.”
-
3 Se gorngv i laanh mienh maiv dunx ziangx gapv doic,
- ninh mbuo haih juangc jauv yangh nyei fai?
-
4 Se gorngv sienh zorqv maiv duqv orv nyanc,
- ninh yiem wuov lomc heuc nyei fai?
- Se gorngv sienh lunx zorqv maiv duqv ga'naaiv,
- ninh yiem ninh nyei kuotv heuc nyei fai?
-
5 Se gorngv yiem ndau zaeng koux maiv an gaeng,
- norqc haih daaih zuqc koux hlopv nyei fai?
- Se gorngv zaeng yaac maiv maaih ga'naaiv bieqc,
- yiem ndau nyei koux haih nzitv nyei fai?
-
6 Se gorngv yiem zingh biomv mborqv jaax nyei nzatc mbui,
- zingh gu'nyuoz nyei mienh sin zinx nzengc maiv zeiz?
- Se gorngv maaih norm zingh zuqc zeqc naanc,
- se Ziouv
bun zuqc maiv zeiz?
-
7 Ziouv Tin-Hungh
za'gengh maiv zoux haaix nyungc
- cuotv liuz ninh zorqv gem jienv nyei sic
- mbuox ninh nyei bou, douc waac mienh.
-
8 Sienh njunh nyei ziangh hoc,
- maaih haaix dauh maiv gamh nziex?
- Ziouv Tin-Hungh
gorngv waac,
- maaih haaix dauh maiv tengx ninh douc waac fai?
Saa^maa^lie Zuqc Zeqc Naanc
-
9 Mingh zunh mbuox Atc^ndotc weih wuonv nyei dinc nyei mienh,
- yaac mingh mbuox I^yipv weih wuonv nyei dorngx wuov deix,
- gorngv, “Meih mbuo oix zuqc gapv zunv yiem Saa^maa^lie nyei mbong,
- mangc gaax zingh gu'nyuoz faanv lunc,
- maaih laanh hoic laanh nyei sic.”
10 Ziouv
hnangv naaiv gorngv,
- “Ninh mbuo zungv maiv hiuv duqv zoux horpc nyei jauv.
- Ninh mbuo weih wuonv nyei dinc dapv buangv
- zoux doqc, caangv daaih nyei ga'naaiv.”
11 Weic naaiv, Ziouv Tin-Hungh
hnangv naaiv gorngv,
- “Win-wangv oix daaih weih gormx deic-bung,
- caeqv meih mbuo weih wuonv nyei dorngx,
- luv nzengc meih mbuo nyei dinc.”
12 Ziouv
hnangv naaiv nor gorngv,
- “Hnangv mangc yungh mienh yiem sienh nyei nzuih
- caangv cuotv i norm zuih fai yietc nqanx m'normh,
- yiem Saa^maa^lie nyei I^saa^laa^en Mienh oix duqv njoux,
- caux jienv yietc norm coux-gorqv caux diqv dien suangx-dimc.”
13 Ziouv Tin-Hungh,
se Nernh Jiex nyei Tin-Hungh, hnangv naaiv gorngv. “Muangx maah! Yaac zoux zorng-zengx gox Yaakopv nyei zeiv-fun.
-
14 “Dongh yie dingc I^saa^laa^en nyei zuiz wuov hnoi,
- yie oix mietc Mbetc^en nyei norm-norm ziec-dorngh.
- Norm-norm ziec-dorngh nyei jorng
- oix zuqc hngaqv ndutv ndortv njiec ndau.
-
15 Yie oix caeqv ninh mbuo dong-gen nyei biauv
- caux ninh mbuo nqaai gorng nyei biauv.
- Longc zaangz-nyaah zorng wuov deix biauv oix zuqc mietc,
- hlo hlang nyei biauv yaac oix zuqc baaic nzengc.”
Naaiv se Ziouv
gorngv nyei waac.
