สีง ฑูง 90

เหยียด ลิ์ว เฒี่ยง เญย ทิน-ฮู่ง เหธา ไฮ่ ไต่ เญย ป้าม เมี่ยน

ทิน-ฮู่ง เญย เมี่ยน, โม^เซ, เต๋า เก๋า เญย หว่า.

• ¹ เฒี้ยว อ่า, หม่าน โก๊ว หม่าน ต่อย
• เม่ย โหฒว เยีย บัว เยียม เญย ต๋อง. * ม่าย เต๋ย ฟาน ต้าย ก๊อง ด้าว เขา เญย ต๋อง.
• ² ฒิ่น ด่าง เม่ย ไม้ แก้ง เหฒย ธ้วด บง,
• หย่า ไม้ แก้ง เหฒย เดา-เป้ย เหธา
  ป้าม เกน,
• เยียม โล์! ฮนอย เถา ฆะฮ้า ฮี้ง เม่ย มต้าย โหฒว ทิน-ฮู่ง เถา เหยียด ลิ์ว.
• ³ เม่ย ปุน เมี่ยน หฑวน เป๋น เนีย-บูง.
• เม่ย ก๊อง, ``ป้าม เมี่ยน เญย น่าม โญ์ว อ่า,
• อ๋อย หฒุ หฑวน เป๋น เนีย-บูง.''
• ⁴ เหว่ย หฒุ หฒิว เม่ย หมั่ง,
• เหยียด ธิน หฮญัง เซ ฮนั้ง เจี๋ย ลิ์ว เญย เหยียด ฮนอย,
• ไฟ ฮนั้ง ลู่ง ม์วน หฒั่น เหยียด แกง นอ. * 2 ปี^เต 3:8
• ⁵ เม่ย กว๊าด เมี่ยน มี่ง หมี่ อ๊ะ.
• นิ่น บัว ฮนั้ง เบ๋ย นอม เบ๋ย นอ,
• หย่า ฮนั้ง ลู่ง ดอม เฑี้ยว ธ้วด ต้าย
  เญย เมี้ย,
• ⁶ ลู่ง ดอม เฑี้ยว แป๊ด ธ้วด โฮล ต้าย,
• ลู่ง ม์าน-หฮมวัง เหญา, โคว ฆาย หมี่ อ๊ะ.
• ⁷ เยีย บัว หฒุ เม่ย เฉีย เจี์ย, เหมียด เหฑ่ง
  เยีย บัว.
• หฒุ เม่ย โน์ว ฯฒฯ แฮะ เยีย บัว กั้ม เหฑีย ไห่.
• ⁸ เม่ย เฒาะ เยีย บัว เญย ฒุ์ย ป๊าย เจี๊ยน เม่ย เญย หฑะเฮมียน,
• เฒาะ เยีย บัว ปี๋ง เจี๊ยน โหฒว เญย ฒุ์ย อัน เม่ย เญย หฑะเฮมียน, ฌัง เญย ต๋อง.
• ⁹ เยีย บัว เฒี่ยง เจี๊ยน เญย เหยียด ฒู้ง ฮนอย-เหญียะ หฒุ เม่ย โน์ว.
• เยีย บัว เฒี่ยง เญย หฮญัง-ต้าว เจี๋ย ลิ์ว ฮนั้ง เท้า หฑุ่น เฉีย-โดะ นอ.
• ¹⁰ เยีย บัว เญย หฮญัง-ต้าว เฒี่ยง ตุ๊ เถา เธี้ยด เหฒียบ,
• เฮ้น เญย นอ, ไฮ่ เฒี่ยง เถา เป๊ด เหฒียบ,
• มป่า น้าย เต๋ย เฒี่ยง โห่ กะญั์ว ขูง ล่าว หลุ่ย, เฑ่า โค้ว ฮนั้ง,
• ไม้ เล่า เจี๋ย ลิ์ว อ๊ะ. เยีย บัว หย่า ฟี่ ฮนั้ง เญย เจี๋ย หมี่ อ๊ะ.
• ¹¹ หาย เต้า เม่ง แปะ เม่ย เฉีย เจี์ย เญย ชะ?
• หาย เต้า ฮิ้ว เม่ย โน์ว เญย เจ๊า ฮนั้ง ท่าย เม่ย เญย เมี่ยน?
• ¹² โท้ หฌาว เยีย บัว ซ้าว กั้น เญย ฮนอย-เหญียะ,
• เหว่ย ปุน เยีย บัว ไฮ่ ม่าย ธง-เม่ง เญย เฮญี้ยว.
• ¹³ โอ เฒี้ยว อ่า, เม่ย อ๋อย เฉีย เจี์ย
  ด่ง หาย เล่า?
• โท้ ฮวิน หฑวน ต้าย.
• โท้ ค้อ-เลี่ยน เม่ย เญย โปว.
• ¹⁴ โท้ ปุน เยีย บัว ดอมๆ ปวั๊ง เอ๋ย เม่ย เหฒียบ ฒัวะ ฮนั้ม เญย เฮญี้ยว,
• เหว่ย ปุน เยีย บัว เหยียด เสย เฌียน-โย่ว อะเฮน้ย.
• ¹⁵ โท้ ปุน เยีย บัว ตุ๊ เฌียน-โย่ว
• ด่ง เม่ย ปุน เยีย บัว หฒุ โค้ว เญย
  ฮนอย-เหญียะ เล่า,
• หย่า ด่ง เยีย บัว หฒุ เธี้ยว เญย
  เหฒะ หน่าน เญย หฮญัง-ต้าว.
• ¹⁶ โท้ ปุน เม่ย เญย โปว ปวัด เม่ย โหฒว
  เญย สี่,
• หย่า ปุน นิ่น บัว เญย เฒ้ย-ฟุน ปวัด เม่ย เญย ฌัง-หล่าง เญย ชะ.
• ¹⁷ โท้ เฒี้ยว, เยีย บัว เญย ทิน-ฮู่ง, ปุน เยีย บัว ตุ๊ หลง.
• โท้ เหลียบ ว้วน เยีย บัว เญย ปั์ว โหฒว เญย กง.
• โท้ หฒะเก้ง เหลียบ ว้วน เยีย บัว เญย ปั์ว โหฒว เญย กง.