สีง ฑูง 78

ทิน-ฮู่ง ต้อ นิ่น เญย แปะ ฝีง ไม้ กุ๊น
นิ่น บัว ไม้ เหฒียบ ฒัวะ

อา^สาบ โหฒ่ เญย มัด^คิน ฑูง.

• ¹ โอ เยีย เญย แปะ ฝีง อ้า! เม่ย บัว อ๋อย หฒุ หมวัง เยีย หฌาว เญย เจ๊า,
• อ๋อย หฒุ แปง มน่อม หมวัง เยีย เญย ฑุ่ย ก๊อง เญย หว่า.
• ² เยีย อ๋อย ก๊อง หว่า-เป๊ย,
• หย่า อ๋อย ก๊อง ธ้วด โล์-ฮนอย เกม เจี๊ยน เญย สี่. * มัด^ทาย 13:35
• ³ เซ เยีย บัว ตุ๊ ไฮ์ ตุ๊ ฮิ้ว เญย เจ๊า,
• ต้ง เยีย บัว เญย อง-ถาย ก๊อง บั๋ว เยีย บัว เญย สี่.
• ⁴ เยีย บัว ไม้ เฒาะ น้าย เต๋ย สี่ ปี๋ง เยีย บัว * ฮิบ^ลู หว่า ก๊อง นิ่น บัว. เญย ตอน-เจว๊ย,
• ฒู้ง อ๋อย บั๋ว เจี๋ย มี่ง วั้ว ต่อย.
• อ๋อย ก๊อง เฒี้ยว โหฒว ผุย ตุ๊ เธง เญย สี่,
• หย่า ก๊อง เถา นิ่น เญย ชะ
• เหธา นิ่น โหฒว บัวะ ฮ่อง เญย สี่.
• ⁵ นิ่น เยียม ยา^โค้บ เญย เฒ้ย-ฟุน บุด๋ง เหลียบ เล์ย-เหญ่ย,
• เยียม อิ^สะ^ลา^เอน เหฌี่ย หลี่ง,
• ต้ง นิ่น หัด เยีย บัว เญย อง-ถาย
• อ๋อย หฒุ หฌาว นิ่น บัว เญย ฟุน-ฟะ,
• ⁶ เหว่ย ปุน ฆะฮ้า วั้ว ต่อย เฒ้ย-ฟุน, ต้ง ไม้ แก้ง ธ้วด เสย วั้ว เต๋ย, ฮิ้ว ตุ๊
• ฯฒฯ หฑิบ เจี๊ยน ก๊อง บั๋ว นิ่น บัว กั้น เญย ตอน-เจว๊ย เฒ้ย-ฟุน.
• ⁷ ฮนั้ง หน่าย นิ่น บัว ฯฒฯ เขา ทิน-ฮู่ง ม่าย ลั่ม ฮนั้ม ต๋อง,
• หย่า ไม้ หละคุ ทิน-ฮู่ง โหฒว เญย สี่,
• มป่า เอย เจี๊ยน นิ่น เญย เล์ย-หลัด โหฒว.
• ⁸ นิ่น บัว ฯฒฯ ไม้ ฮนั้ง นิ่น บัว เญย อง-ถาย นอ,
• ต้ง เฮญี้ยว แหง่ง ฟ้าน หลุ่น วั้ว ต่อย เมี่ยน.
• วั้ว ต่อย เมี่ยน ไม้ เขา ว้วน ทิน-ฮู่ง,
• นิ่น บัว เญย เฮญี้ยว หย่า ไม้ เหฒียบ ฒัวะ กัน ทิน-ฮู่ง.
• ⁹ เอ^ฟา^อิม เมี่ยน นั้น เจี๊ยน จวัง-หฒิน ฟอง-ธัง,
• มป่า เถา เบ๊าะ จ๋า เญย ฮนอย-เหญียะ ถุย ฆาง หฑวน.
• ¹⁰ นิ่น บัว ไม้ เอย ทิน-ฮู่ง เหลียบ เญย
  แหง่ง หว่า,
• หย่า ไม้ คั้ง กัน นิ่น เญย เล์ย-หลัด.
• ¹¹ นิ่น บัว หละคุ นิ่น โหฒว เจี๋ย เญย สี่,
• เหธา นิ่น ปุน นิ่น บัว ปวัด เจี๋ย วั้ว เต๋ย
  บัวะ ฮ่อง เญย สี่.
• ¹² เยียม อี^ยิบ เต่ย-ปูง, โส^อัน เญย เดา-แป้ง,
• ทิน-ฮู่ง ตอง เจี๊ยน นิ่น บัว เญย อง-ถาย โหฒว บัวะ ฮ่อง เญย สี่. * ธ้วด อี^ยิบ 7:8-12:32
• ¹³ นิ่น เฒาะ ค้อย ปุน ฆอย,
  ปุน นิ่น บัว เจี๋ย มี่ง,
• แอ๋ง ปุน ววม ดุย เจี๊ยน ฮนั้ง ฒี่ง หลาด นอ. * ธ้วด อี^ยิบ 14:21-22
• ¹⁴ ลู่ง ฮนอย หฒั่น นิ่น หล่ง บ๋วน,
• เฒี่ยง ม์วน หล่ง โต์ว เญย ฌัง ต้อ นิ่น บัว. * ธ้วด อี^ยิบ 13:21-22
• ¹⁵ นิ่น เยียม เต่ย-ปูง-ฮวาง เบ๊าะ บ๋าย หละเปย๊ย,
• ปุน ววม ธั้มๆ เญย นิ่น บัว ฮบ,
• ฮนั้ง เยียม โด ไห่ เญย ต๋อง ธ้วด. * ธ้วด อี^ยิบ 17:1-7 ;
  ซ้าว เมี่ยน 20:2-13
• ¹⁶ นิ่น ปุน ววม เยียม หละเปย๊ย เบ๋ว ธ้วด
  เป๋น โด๊ะ,
• ปุน ววม เหลี่ยว เหฌี่ย ฮนั้ง ด้าย นอ.
• ¹⁷ มป่า นิ่น บัว หธ่อ ป์าม ฒุ์ย ต่อง ทิน-ฮู่ง.
• นิ่น บัว เยียม เต่ย-ปูง-ฮวาง แหง่ง เจี๊ยน
  เยียม ฮลัง เจี๋ย วั้ว เต้า.
• ¹⁸ นิ่น บัว เยียม เฮญี้ยว ตุ๊-เอ๋ย เสย ทิน-ฮู่ง,
• แหง่ง เจี๊ยน เธ้ว นิ่น บัว หง่อ อ๋อย หญั่น เญย กะน้าย. * ธ้วด อี^ยิบ 16:2-15 ; ซ้าว เมี่ยน 11:4-23 , 31-35
  
• ¹⁹ นิ่น บัว ก๊อง โตะ ทิน-ฮู่ง ฯฒฯ ก๊อง,
• ``เยียม น้าย เต่ย-ปูง-ฮวาง
• ทิน-ฮู่ง ไฮ่ ปุน หญั่น ฮบ ไฟ?''
• <sup>20</sup> นิ่น เบ๊าะ หละเปย๊ย-ฒอง ปุน ววม
  แป๊ด ธ้วด,
• ววม เหลี่ยว มี่ง เป๋น โด๊ะ ปวั๊ง เมี์ยน เหฑ่ง.
• นิ่น แอ๋ง ไฮ่ เหธย ล่าง หฒิ
• ไฟ ล์อ อ๊อ จวัง นิ่น เญย แปะ ฝีง ไฟ?
• <sup>21</sup> เฒี้ยว หมวัง ไฮ์ นิ่น บัว เญย หว่า ฯฒฯ เฉีย เจี์ย ไห่.
• นิ่น หล่ง โต์ว ปั๊ว ยา^โค้บ เญย เฒ้ย-ฟุน.
• นิ่น เหยียด เฒย เก้า ฟัด เฉีย เจี์ย อิ^สะ^ลา^เอน เมี่ยน,
• <sup>22</sup> เหว่ย หฒุ นิ่น บัว ไม้ เสียน ทิน-ฮู่ง
• หย่า ไม้ เขา นิ่น เญย เหฌียว เอน.
• <sup>23</sup> มป่า นิ่น หัด ลู่ง,
• หย่า คอย ฆอย ลู่ง แก้ง.
• <sup>24</sup> นิ่น ปุน มา^นา ตุ้ย เหฌี่ย ปุน นิ่น เญย แปะ ฝีง หญั่น,
• หย่า ปุน ลู่ง เญย ล่าง หฒิ นิ่น บัว. * โย^ฮัน 6:31
• <sup>25</sup> ป้าม เมี่ยน ตุ๊ หญั่น ฟิน-เมี่ยน เญย ล่าง หฒิ,
• ทิน-ฮู่ง ปุน นิ่น บัว ตุ๊ หญั่น ฮบ ปู๋ง-หฒัวะ.
• <sup>26</sup> ทิน-ฮู่ง ปุน ตง ปูง เญย หฑยาว
  เยียม วั้ว ลู่ง ป่วน ต้าย,
• แอ๋ง หล่ง นิ่น เญย ชะ ต้อ น่าม ปูง เญย หฑยาว ธ้วด ต้าย.
• <sup>27</sup> นิ่น ปุน อ๊อ เหฌี่ย ด่ง เนีย-บูง ธั้ม,
• เซ ปุน เหนาะ ได๋ ต้าย ด่ง ซา-เฒียว ธั้ม.
• <sup>28</sup> นิ่น ปุน เหนาะ ด๊อด เหฌี่ย นิ่น บัว เญย เธี้ยง บุด๋ง,
• ฮวีง ก๋อม นิ่น บัว เญย ด๊บ-ลิ่ว.
• <sup>29</sup> นิ่น บัว ฯฒฯ หญั่น หย่า หญั่น ตุ๊ เป๊ว.
• ทิน-ฮู่ง หฒิว นิ่น บัว หง่อ หญั่น เญย
  เหธย ปุน นิ่น บัว.
• <sup>30</sup> มป่า นิ่น บัว หญั่น หง่อ เญย กะน้าย ไม้ แก้ง เก๋า,
• หธ่อ เยียม เจี๊ยน นิ่น บัว เญย ฑุ่ย เญย เฒี่ยง โห่,
• <sup>31</sup> ทิน-ฮู่ง เฉีย เจี์ย! ไห่ นิ่น บัว,
• นิ่น เยียม นิ่น บัว บุด๋ง ไต๋ นิ่น บัว เก้า เฮ้น เจี๋ย เญย เมี่ยน,
• เบ๊าะ ป่าย อิ^สะ^ลา^เอน เญย เมี่ยน หลุน เมี่ยน.
• <sup>32</sup> ไม้ กุ๊น ม่าย น้าย เต๋ย สี่,
• นิ่น บัว หธ่อ ป์าม ฒุ์ย.
• ไม้ กุ๊น นิ่น โหฒว น้าย เต๋ย บัวะ ฮ่อง เญย สี่,
• นิ่น บัว ไม้ เสียน เขา นิ่น.
• <sup>33</sup> นิ่น ฯฒฯ โหฒว ปุน นิ่น บัว เซ้ด เมว์ย เญย ฮนอย-เหญียะ ไม้ ลั่ม หล่ง,
• ปุน นิ่น บัว เซ้ด เมว์ย เญย หฮญัง-ต้าว หฒุ ต้ม เฮ้ย สี่.
• <sup>34</sup> ทิน-ฮู่ง ไต๋ นิ่น บัว เญย เฒี่ยง โห่ นิ่น บัว ฯฒฯ ล์อ นิ่น อ๊ะ.
• นิ่น บัว ก๊อย เฮญี้ยว, ชะ ล์อ ทิน-ฮู่ง.
• <sup>35</sup> นิ่น บัว จั๋ง หฒุ ทิน-ฮู่ง เซ นิ่น บัว เญย หละเปย๊ย.
• เยียม ฮลัง เจี๋ย เญย ทิน-ฮู่ง ต้ง หฒัวะ นิ่น บัว วั้ว เต้า.
• <sup>36</sup> นิ่น บัว หล่ง ฑุ่ย ก๊อง หว่า-กาม เธง นิ่น,
• หย่า หล่ง เบียด ก๊อง-แปะ ดั๊ว นิ่น ฮนั้ง.
• <sup>37</sup> นิ่น บัว ไม้ เหลียบ ตี่ง เฮญี้ยว เขา นิ่น,
• หย่า ไม้ เหฒียบ ฒัวะ เญย เอย เจี๊ยน นิ่น แล์ง เญย แหง่ง หว่า.
• <sup>38</sup> มป่า นิ่น หธ่อ ค้อ-เลี่ยน นิ่น บัว,
• กวั่ง นิ่น บัว เญย ฒุ์ย,
• หย่า ไม้ เหมียด นิ่น บัว.
• นิ่น เฉีย เจี์ย มป่า นิ่น เญี์ยน เจี๊ยน เหฒีย หฑุ่น.
• นิ่น ฒัด เจี๊ยน กะเฉีย, ไม้ โน์ว เถา ต้าว.
• <sup>39</sup> นิ่น จั๋ง นิ่น บัว ขูง เป๋น ไฮ่ ไต่ เญย ป้าม เมี่ยน, * ``ไฮ่ ไต่ เญย ป้าม เมี่ยน'' ฟาน หฒะ ก๊อง อ๊อ ซิน.
• หย่า ฮนั้ง กอง หฑยาว นอ, ป่วน มี่ง
  ไม้ หฑวน.
• ⁴⁰ เยียม เต่ย-ปูง-ฮวาง นิ่น บัว แหง่ง นิ่น
  ด่ง วั้ว ธั้ม,
• เยียม เดา-ฮวาง นิ่น บัว ปุน นิ่น
  เฮญี้ยว มุน.
• ⁴¹ นิ่น บัว เสย นิ่น เหยียด หฑุ่น
  เจี๋ย เหยียด หฑุ่น.
• นิ่น บัว ธัวะ อิ^สะ^ลา^เอน เญย ธีง-เหฑ่ง ทิน-ฮู่ง.
• ⁴² นิ่น บัว ไม้ จั๋ง นิ่น เญย ต้ม ชะ,
• ไฟ หฒัวะ นิ่น บัว เล่ย ดุ๊ด วิน-วั้ง
  เญย ฮนอย,
• ⁴³ ต้ง เยียม อี^ยิบ นิ่น โหฒว บัวะ ฮ่อง เญย จั๋ง-โห่,
• เซ เยียม โส^อัน เดา-แป้ง โหฒว เญย สี่.
• ⁴⁴ นิ่น เฒาะ นิ่น บัว เญย ด้าย ก๊อย เป๋น ฑย้าม,
• นิ่น บัว เญย โด๊ะ ฒู้ง ไม้ ไฮ่ ฮบ. * ธ้วด อี^ยิบ 7:17-21
• ⁴⁵ นิ่น ปุน มู์ง ฟ้าน ต้าย ห่อย, * ห่อย ฟาน หฒะ เป๋น ฮิบ^ลู หว่า ก๊อง นะ. * ธ้วด อี^ยิบ 8:20-24
• แอ๋ง ปุน แก๊ง ห่อย นิ่น บัว โค้ว. * ห่อย นิ่น บัว โค้ว ไฟ เหมียด นิ่น บัว. * ธ้วด อี^ยิบ 8:1-6
  
• ⁴⁶ นิ่น เฒาะ นิ่น บัว เญย แกง-หฒวัง ปุน จ๊บ-เหญ่ย หลุน, * จ๊บ-เหญ่ย หลุน ไฟ แกง-เมา.
• หย่า เฒาะ นิ่น บัว ด๊อด ชะ ตุ๊ ต้าย เญย ป่วน ปุน ต้ม จ๊บ-เหญ่ย ห่อย. * ธ้วด อี^ยิบ 10:12-15
• ⁴⁷ นิ่น ปุน เปาะ เบ๊าะ หว่าย นิ่น บัว เญย อะหงุ่น เฮมย,
• หย่า หล่ง ซอง ห่อย หว่าย นิ่น บัว เญย
  ง่ง หญอ เดี๋ยง. * ธ้วด อี^ยิบ 9:22-25
• ⁴⁸ นิ่น เฒาะ นิ่น บัว เญย ง่ง ปุน เปาะ เบ๊าะ,
• แอ๋ง ปุน นิ่น บัว เญย ปะกี ยู่ง กวั้น หฒุ บะอง พิ.
• ⁴⁹ นิ่น เญย กะเฉีย ปยุ้ย ธ้วด, นิ่น เฉีย เจี์ย ไห่, โน์ว ไห่, ปุน นิ่น บัว หฒุ เธี้ยว เญย สี่,
• ปุน นิ่น บัว หฒุ กวั้น โหฒว เหมียด เญย ฟิน-เมี่ยน.
• ⁵⁰ นิ่น หลิ่ว เล์ย เหฒียง ปุน เฉีย เจี์ย เญย เจ๊า ธ้วด.
• นิ่น ไม้ เลี่ยว นิ่น บัว เญย แหม่ง,
• ฒู้ง จิว ปุน นิ่น บัว ปุ๊ด ต้ม ววน-แป่ง.
• ⁵¹ เยียม อี^ยิบ นิ่น ไต๋ โม์ว เต้า ตอน-หละเก๊า,
• เซ ฮาม เญย เต้าๆ เฒ้ย-ฟุน * ``ฮาม เญย เต้าๆ เฒ้ย-ฟุน'' ฮิบ^ลู หว่า ก๊อง ``เยียม ฮาม เญย ด๊บ-ลิ่ว.'' ฮาม เป๋น โน^ยา เญย ตอน หย่า โหฒว อี^ยิบ เมี่ยน เญย อง-ถาย-แงะ. เญย ต้าว ทอย ตอน. * ธ้วด อี^ยิบ 12:29
• ⁵² ฆะฮ้า นิ่น ต้อ นิ่น เญย แปะ ฝีง ธ้วด ต้าย
  ฮนั้ง ปะกี ยู่ง.
• นิ่น ต้อ นิ่น บัว เจี๋ย เต่ย-ปูง-ฮวาง
  ฮนั้ง ยู่ง กวั้น นอ. * ธ้วด อี^ยิบ 13:17-22
• ⁵³ นิ่น ต้อ หลง นิ่น บัว, นิ่น บัว ฯฒฯ
  ไม้ กั้ม เหฑีย,
• มป่า ค้อย เญย ววม เหยียม ไต่ นิ่น บัว เญย วิน-วั้ง. * ธ้วด อี^ยิบ 14:26-28
• ⁵⁴ นิ่น ต้อ นิ่น บัว มี่ง เถา นิ่น ธีง-เหฑ่ง เต่ย-ปูง เญย กั๊บ-จ๋าย ต๋อง,
• เถา นิ่น เญย บย่าว เจี๊ยะ ปั์ว
  ตุ๊ ต้าย เญย บง. * ธ้วด อี^ยิบ 15:17 ; โย^ซู^วา 3:14-17
• ⁵⁵ นิ่น หฒุ่น ฝีงๆ เมี่ยน เยียม นิ่น เญย วั้ว ด่าง แหมง ธ้วด มี่ง.
• นิ่น เดาะ เดา ปุน ฆอย เหว่ย เป๋น นิ่น บัว หฑิบ เญย ป่วน,
• หย่า ปุน ฝีงๆ อิ^สะ^ลา^เอน เมี่ยน เยียม เจี๊ยน นิ่น บัว เญย ด๊บ-ลิ่ว. * โย^ซู^วา 11:16-23
• ⁵⁶ มป่า นิ่น บัว หธ่อ เสย หย่า แหง่ง เจี๊ยน เยียม ฮลัง เจี๋ย เญย ทิน-ฮู่ง,
• ไม้ เอย เจี๊ยน นิ่น เญย เล์ย-หลัด โหฒว. * ต้ม เจียน 2:11-15
  
• ⁵⁷ ต๋าว หฑวน นิ่น บัว แหง่ง ฮนั้ง นิ่น บัว เญย อง-ถาย, ไม้ เหฒียบ ฒัวะ เญย โหฒว.
• นิ่น บัว ก๊อย เหยี่ยน ฮนั้ง จวัง-หฒิน นอ เงา.
• ⁵⁸ นิ่น บัว เหธย เยียม ฮลัง หฒั่ง เฒี่ยน เญย ต๋อง ธัวะ นิ่น เฉีย เจี์ย ไห่.
• หลาย นิ่น บัว โหฒว หมิ่ว-ฝัง,
  ธัวะ นิ่น หั่น ไห่ นิ่น บัว.
• ⁵⁹ ทิน-ฮู่ง หมวัง ไฮ์ ฯฒฯ เฉีย เจี์ย! ไห่,
• กวั่ง เหฑ่ง อิ^สะ^ลา^เอน เมี่ยน อ๊ะ.
• ⁶⁰ เยียม ซี^โล, ทิน-ฮู่ง กวั่ง นิ่น เญย ด๊บ-ลิ่ว เยียม เญย ต๋อง, * โล์-ฮนอย ไม้ แก้ง เถา ดา^วิด ฮู่ง เญย ฮู่ง โห่, อิ^สะ^ลา^เอน เมี่ยน เยียม ซี^โล หฒั่ง ทิน-ฮู่ง.
• เซ นิ่น เยียม ป้าม เมี่ยน บุด๋ง ธอง เญย ด๊บ-ลิ่ว. * โย^ซู^วา 18:1 ; เย^เล^มี 7:12-14 ; 26:6
• ⁶¹ นิ่น เฒาะ นิ่น เญย แล์ง แหง่ง หว่า ฟาง * ฮิบ^ลู หว่า ก๊อง นิ่น เญย ชะ. จิว ปุน เมี่ยน ธ้าง มี่ง,
• ปุน นิ่น เญย ฌัง-หล่าง เยียม วิน-วั้ง เญย ปั์ว-เดี๊ย. * 1 ซา^มู^เอน 4:4-22
  
• ⁶² นิ่น เฉีย เจี์ย ไห่ นิ่น หฑิบ เญย แปะ ฝีง,
• ฯฒฯ จิว ปุน นิ่น บัว หฒุ หฑุ ด๊าว ไต๋.
• ⁶³ โต์ว เหมียด เหฑ่ง นิ่น บัว เญย โฮ่ว แซง,
• นิ่น บัว เญย เซียะ ล์อ ไม้ ตุ๊ จา ตอง. * ฮิบ^ลู หว่า ก๊อง ``ไม้ ม่าย ธีง-จา-ฑูง.'' เอ๋ย เล์ย เซ ไม้ เหฒ่ง มจั่ง ตอน เก๋า นิ่น บัว หล่ง.
• ⁶⁴ นิ่น บัว เญย ไซ เมี่ยน หฒุ หฑุ ด๊าว ไต๋,
• นิ่น บัว เญย เอ๊า-กว๊า ไม้ ไฮ่ เฑ่า เญี้ยม.
• ⁶⁵ วั้ว หฒั่น เฒี้ยว เญีย ฮนั้ง เมี่ยน มฌ่อม มี่ง เญีย ต้าย นอ,
• นิ่น เห่ว บุย ฮนั้ง เมี่ยน เฮ้น เมี่ยน ฮบ ติ๊ว เห่ว นอ.
• ⁶⁶ นิ่น เบ๊าะ นิ่น เญย วิน-วั้ง ถุย หฑวน,
• ปุน นิ่น บัว เหยียด ลิ์ว หฒุ ไญ้.
• ⁶⁷ นิ่น เฆ่ม โย^เซ้บ เญย เฒ้ย-ฟุน, * ฮิบ^ลู หว่า ก๊อง ด๊บ-ลิ่ว.
• นิ่น หย่า ไม้ กิ๊น เอ^ฟา^อิม ฝีง.
• ⁶⁸ มป่า นิ่น กิ๊น ยู^ดา ฝีง,
• นิ่น ฮนั้ม เญย เซ สิ^โอน บง.
• ⁶⁹ นิ่น เหธย นิ่น เญย สีง ติ่น ฮนั้ง
  ฮลัง ไห่ เญย ลู่ง, * ลู่ง ไฟ บง.
• หย่า ฮนั้ง นิ่น เหลียบ เหยียด ลิ์ว เยียม เญย เดา-เป้ย.
• ⁷⁰ นิ่น กิ๊น นิ่น เญย โปว, ดา^วิด,
• เยียม ปะกี ยู่ง เธี้ยง ต้อ นิ่น ธ้วด ต้าย. * 1 ซา^มู^เอน 16:11-12 ; 2 ซา^มู^เอน 7:8 ; 1 ฒุ่น ต่อย โต้ว 17:7
• ⁷¹ ดา^วิด โก๋ว ต้อ เจี๊ยน ตอน เญย ปะกี ยู่ง เญ์ย วั้ว หฒั่น,
• ทิน-ฮู่ง เห่ว นิ่น ต้าย โก๋ว นิ่น เญย แปะ ฝีง, ยา^โค้บ เญย เฒ้ย-ฟุน,
• เซ ทิน-ฮู่ง หฑิบ เญย ป่วน, อิ^สะ^ลา^เอน เมี่ยน,
• ฮนั้ง โก๋ว ปะกี ยู่ง นอ.
• ⁷² ดา^วิด หล่ง เฮญี้ยว หฒีง เญย โก๋ว นิ่น บัว,
• หย่า หล่ง ธง-เม่ง * ธง-เม่ง ฟาน หฒะ ฮิบ^ลู หว่า ก๊อง ปั์ว เหลี่ยว เญย. ต้อ นิ่น บัว.