สีง ฑูง 62

ขูง ทิน-ฮู่ง กั้น ไฮ่ โหฒว
บัว ด้าว เขา เญย ต๋อง

จิว ปุน ต้อ ฑูง เญย เมี่ยน. หฒิว เย^ดู^ทูน. * เป๊ย หมั่ง 1 หฒุ่น ต่อย โต้ว 16:41 . ดา^วิด โหฒ่ เญย สีง ฑูง.

• ¹ เยีย เญย เฮญี้ยว เซ้ก เหฑียะ เญย ฒั้ว ทิน-ฮู่ง กั้น ดุ เต้า ฮนั้ง.
• เยีย เญย เหฌียว เอน เยียม นิ่น ต้าย.
• ² ขูง นิ่น กั้น โหฒว เยีย เญย หละเปย๊ย
• หย่า โหฒว เยีย เญย เหฌียว เอน.
• นิ่น เซ เยีย ว้วน เญย ต๋อง,
• เยีย ไม้ หฒุ ดั่น ต์ง.
• ³ เม่ย บัว หฒวัง เมี่ยน อ๋อย เบ๊าะ
• อ๋อย ป่าย หว่าย เหยียด ล่าน เมี่ยน
  ด่ง หาย เล่า?
• นิ่น ฮนั้ง ฒี่ง หลาด ไล่ มี่ง,
• หย่า ฮนั้ง หลาด นอ ทง ฮู้ เหฑ่ง.
• ⁴ นิ่น บัว ต๊า หฒะเอ๋ย อ๋อย ถุย นิ่น เญย ป้าย เหฌี่ย.
• นิ่น บัว อะเฮน้ย ก๊อง-แปะ.
• นิ่น บัว เญย ฑุ่ย ก๊อง ปวัง เญย หว่า
• มป่า เฮญี้ยว กะญั์ว ขูง เหฒียว ฮนั้ง. เซ^ลา
• ⁵ เยีย เญย เฮญี้ยว เซ้ก เหฑียะ เญย ฒั้ว ทิน-ฮู่ง กั้น ดุ เต้า ฮนั้ง,
• เหว่ย หฒุ เซ นิ่น ปุน เยีย ม่าย ลั่ม ฮนั้ม ต๋อง.
• ⁶ ขูง นิ่น กั้น โหฒว เยีย เญย หละเปย๊ย หย่า โหฒว เยีย เญย เหฌียว เอน.
• นิ่น เซ เยีย ว้วน เญย ต๋อง, เยีย ไม้ หฒุ
  ดั่น ต์ง.
• ⁷ ทิน-ฮู่ง เซ เยีย เญย เหฌียว เอน เหธา เยีย เญย ฌัง-หล่าง.
• ทิน-ฮู่ง หย่า โหฒว เยีย เฮ้น ไห่ เญย หละเปย๊ย, โหฒว ด้าว เขา เญย ต๋อง.
• ⁸ โอ เม่ย บัว หฒวัง แปะ ฝีง อ้า! อ๋อย หฒุ หฒั่นๆ เขา ทิน-ฮู่ง.
• เฒาะ กั้น เญย เฮญี้ยว เหยียด ฒู้ง บั๋ว นิ่น.
• นิ่น โหฒว เยีย บัว ด้าว เขา เญย ต๋อง. เซ^ลา
• ⁹ ห่า ฮ่อง เมี่ยน เป๊ย เท้า เหยียด หฑุ่น เฉีย.
• หฒั่ง ฮ่อง เมี่ยน หย่า ขูง จ๊า เญย ฮนั้ง.
• หล่ง ทิน-แป้ง ตั๊ง เฑียง นิ่น บัว
• หย่า ไม้ ม่าย เฮนี้ย-ต้าว.
• อี หญู่ง กั๊บ ต้าย เก้า เฮง เท้า เหยียด หฑุ่น เญย เฉีย.
• ¹⁰ ไม้ ตู๋ง ปั่ง เนี้ยว เมี่ยน เญย สี่ เหว่ย ตุ๊ ญ่าน,
• หย่า ไม้ ตู๋ง ฮนั้ม เขา ธ้าง ต้าย เญย กะน้าย.
• สี ก๊อง ปุ๊ด ฒ่อย ธั้ม เจี๊ยน ฝาว
• หย่า ไม้ ตู๋ง ปู๋ง เฮญี้ยว.
• ¹¹ ทิน-ฮู่ง ก๊อง หฑุ่น,
• เยีย ตุ๊ ไฮ์ อี หฑุ่น,
• เซ ต้ม ชะ เป๋น ทิน-ฮู่ง เญย.
• ¹² โอ เฒี้ยว อ้า! เซ ต้ง เม่ย เหฒียบ ฒัวะ เญย ฮนั้ม เมี่ยน.
• เหว่ย หฒุ เม่ย หฒิว เก๊าะ-เมี่ยน
  โหฒว เญย วิ่น ฒี่ง เหญ่ย ปุน เมี่ยน. * โย้บ 34:11 ; เย^เล^มี 17:10 ; มัด^ทาย 16:27 ; โล^มา 2:6 ; หล่าว ย่าง 2:23