สีง ฑูง 61

เขา ทิน-ฮู่ง เปว เจี๊ยน

จิว ปุน ต้อ ฑูง เญย เมี่ยน. หล่ง พัด เญย จา-สี่. ดา^วิด โหฒ่ เญย สีง ฑูง.

• ¹ ทิน-ฮู่ง อ้า! โท้ หมวัง เยีย เห่ว เญย เฉีย.
• โท้ หมวัง เยีย เต๋า เก๋า เญย หว่า.
• ² เยีย เญย เฮญี้ยว ไม้ ลั่ม ฮนั้ม เญย เฒี่ยง โห่,
• เยีย เยียม จ่ม ลู่ง เดี๊ย เห่ว เม่ย.
• โท้ ต้อ เยีย มี่ง เถา เก้า ฮลัง เจี๋ย เยีย เญย หละเปย๊ย.
• ³ เหว่ย หฒุ เม่ย โหฒว เยีย ด้าว เขา เญย ต๋อง,
• โหฒว เยีย ว้วน ไห่ เญย ล่าว เหว่ย เปย๋า ดุ๊ด วิน-วั้ง.
• ⁴ โท้ ปุน เยีย เหยียด ลิ์ว เยียม เม่ย เญย ด๊บ-ลิ่ว.
• โท้ ปุน เยีย เยียม เม่ย เญย ด๊าด กะเดี๊ย ปี๋ง เจี๊ยน. เซ^ลา
• ⁵ โอ ทิน-ฮู่ง อ้า! เม่ย หมวัง ไฮ์ เยีย แล์ง เญย แหง่ง หว่า.
• เม่ย เฒาะ ต้ง ท่าย เม่ย เญย เมี่ยน หฑิบ เญย ป่วน เหธย ปุน เยีย.
• ⁶ โท้ จา ฮู่ง เตี๋ย เญย เสี่ยว ญ่วน ด๊าว,
• ปุน นิ่น เญย หฮญัง-เจ๊ย
• เฒี่ยง ตุ๊ หม่าน ต่อย.
• ⁷ โท้ ปุน นิ่น เหยียด ลิ์ว เฒว์ย เหว่ย เยียม ทิน-ฮู่ง เญย หฑะเฮมียน.
• โท้ เม่ย เฮญี้ยว หฒีง เหธา เหฒียบ ฒัวะ ฮนั้ม เญย เจ๊า เปว เจี๊ยน นิ่น.
• ⁸ ฮนั้ง หน่าย, เยีย อ๋อย เหยียด ลิ์ว ป๋าว ฑูง เธง เม่ย เญย เม่ง,
• หย่า ฮนอย เจี๋ย ฮนอย จ๊าว ซูง เยีย แล์ง เญย แหง่ง หว่า.