สีง ฑูง 58

โท้ ทิน-ฮู่ง ตี่ง โหฒว เอ๊าะ เมี่ยน เญย ฒุ์ย

จิว ปุน ต้อ ฑูง เญย เมี่ยน. หล่ง ``ไม้ ตู๋ง เหมียด'' เญย โพว. ดา^วิด โหฒ่ เญย มี้ก^ทาม ฑูง.

• ¹ เม่ย บัว โหฒว โฮล เญย เมี่ยน * ไฟ เฒี่ยน. อ้า! เม่ย บัว แป้ง ฟิม เญย ก๊อง ไฟ?
• เม่ย บัว เฮญี้ยว หฒีง เญย เซี้ยม ป้าม เมี่ยน ไฟ?
• ² ฒู้ง ไม้ เฒ์ย! เม่ย บัว เญย เฮญี้ยว ขูง ฮนั้ม โหฒว เอ๊าะ เญย สี่ ฮนั้ง.
• เม่ย บัว เยียม เดา-เป้ย หล่ง ปั์ว โหฒว ธ้วด โตะ ไห่ เญย สี่.
• ³ โหฒว เอ๊าะ เญย เมี่ยน ธ้วด เสย ต้าย มต้าย ยั่ง เอ๊าะ เญย เจ๊า.
• เยียม นิ่น บัว ธ้วด เสย ต้าย นิ่น บัว ขูง ก๊อง-แปะ ฮนั้ง.
• ⁴ นิ่น บัว เญย โตะ เฉีย ฮนั้ง นาง เญย เดีย-โตะ.
• นิ่น บัว ฒด เจี๊ยน มน่อม ฮนั้ง มน่อม ดูง เญย นาง-เจี๊ยะ,
• ⁵ นิ่น บัว ฯฒฯ หมวัง ไม้ ไฮ์ โหฒว ฟ้าด ปุน นาง หฮงง เญย เมี่ยน เญย เฉีย
• ไม้ กุ๊น โหฒว ฟ้าด ด่ง หาย กู๊ ไกว๋.
• ⁶ โอ ทิน-ฮู่ง อ้า! โท้ เบ๊าะ ฆวะ นิ่น บัว เญย ฑุ่ย เญย ญ่า.
• โอ เฒี้ยว อ่า, โท้ แปง น้าย เต๋ย เซี่ยน หลุน เญย ญ่า เงา ธ้วด.
• ⁷ โท้ ปุน นิ่น บัว หฒุด เหฑ่ง ฮนั้ง ววม เหลี่ยว มี่ง เหฑ่ง นอ.
• นิ่น บัว แปง เจี๊ยน จวัง-หฒิน อ๋อย ป๊วน
  วั้ว หฒั่น,
• โท้ ปุน นิ่น บัว เญย ฟอง-ธัง เน้า ดุ๊ด. * ม่าย เต๋ย โซว ก๊อง, ``โท้ ปุน นิ่น บัว ฮนั้ง เมี้ย นอ, หฒุ ธ้าย หม่วน เหฑ่ง''.
• <sup>8</sup> โท้ ปุน นิ่น บัว ฮนั้ง คอง เกว๊ย หมั่นๆ ฮู้
  หยุ เหฑ่ง.
• หย่า ปุน นิ่น บัว ฮนั้ง กู้งว์า-บาง นอ,
  ไม้ ตุ๊ ปวัด บะฮนอย.
• <sup>9</sup> หล่ง ฌิ้ม ปั๊ว โต์ว, ไม้ กุ๊น ฌิ้ม เญี์ยม ไฟ ฆาย,
• แธง ฒู้ง ไม้ แก้ง ไฮ์ จอม,
• นิ่น ฯฒฯ กว๊าด เอ๊าะ เมี่ยน มี่ง เหฑ่ง
  หมี่ อ๊ะ. * น้าย เหยี่ยม ฮิบ^ลู หว่า เซ ไม้ หนั่ง เม่ง.
• <sup>10</sup> คู้ เมี่ยน ปวัด เอ๊าะ เมี่ยน หฒุ จ๊าว วิน,
  นิ่น บัว อะเฮน้ย.
• นิ่น บัว หย่า หล่ง เอ๊าะ เมี่ยน เญย ฑย้าม หฑาว เหฒา.
• <sup>11</sup> เมี่ยน ฯฒฯ ก๊อง, ``คู้ เมี่ยน ด่ง หาย ฒู้ง อ๋อย ตุ๊ ฒี่ง เหญ่ย.
• ด่ง หาย ฒู้ง ม่าย เต้า ทิน-ฮู่ง
  เซี้ยม ลู่ง เดี๊ย.'' * ไฟ เยียม ลู่ง เดี๊ย เซี้ยม.