สีง ฑูง 57

เต๋า เก๋า โท้ ทิน-ฮู่ง เหฌียว
เปย๋า ดุ๊ด หฒุ เหฒย เญย เมี่ยน

(เป๊ย หมั่ง สีง ฑูง 108:1-5 )

จิว ปุน ต้อ ฑูง เญย เมี่ยน. หล่ง ``ไม้ ตู๋ง เหมียด'' เญย โพว. ดา^วิด โหฒ่ เญย มี้ก^ทาม ฑูง ต๋อย นิ่น เปย๋า เซา^โล หย่า เยียม แบ๋ง-ค้วด วั้ว หฒั่น. * เป๊ย หมั่ง 1 ซา^มู^เอน 22:1 ; 24:3 .

• ¹ ทิน-ฮู่ง อ้า! โท้ ค้อ-เลี่ยน เยีย. โท้! ค้อ-เลี่ยน เยีย ม่าะ!
• เหว่ย หฒุ เยีย ด้าว เขา เม่ย.
• เยีย ด้าว เขา เม่ย, เยียม เม่ย เญย ด๊าด-เดี๊ย เญย ต้ง ลิ่น
• ฒั้ว ต้ม เหฒะ หน่าน เจี๋ย เหฑ่ง.
• ² เยีย เห่ว เยียม ฮลัง เจี๋ย เญย ทิน-ฮู่ง,
• เซ เหว่ย เยีย โหฒว เหฒียง หญู่งๆ สี่ เญย ทิน-ฮู่ง.
• ³ นิ่น อ๋อย เยียม กู้ หงว่าย ลู่ง เตา เยีย,
  เหฌียว เยีย.
• นิ่น อ๋อย ปุน เหฒย เยีย วั้ว เต๋ย หฒุ ไญ้. เซ^ลา
• ทิน-ฮู่ง อ๋อย ปุน ธีง นิ่น เหฒียบ ฒัวะ เญย ฮนั้ม เยีย หย่า โหฒว เฮญี้ยว หฒีง.
• ⁴ เยีย เปว๋ย เจี๊ยน เซี่ยน บุด๋ง,
• เซ นะ * ฮิบ^ลู หว่า ก๊อง ม่าย โต์ว เหฒียะ เจี๊ยน. ป้าม เมี่ยน เญย เซี่ยน.
• นิ่น บัว เญย ญ่า เซ ฮนั้ง ธัง เหธา ฟอง นอ.
• นิ่น บัว เญย เบียด หย่า ฮนั้ง หฑุ ด๊าว นอ ไหล่.
• ⁵ โอ ทิน-ฮู่ง อ่า, โท้ ปุน เมี่ยน ท่าย เม่ย
  เก้า ฮลัง เจี๋ย ลู่ง.
• โท้ ปุน เม่ย เญย ฌัง-หล่าง เยียม
  ปวั๊ง ลู่ง เดี๊ย.
• ⁶ นิ่น บัว แฒง มู์ง เยีย เญย เหฒา ธ้าย เญย ต๋อง.
• เยีย หฒุ หน่าน ฒี่ง งัด เจี๊ยน เยีย เญย เฮญี้ยว.
• นิ่น บัว เว้ด ค้วด เยีย ยั่ง เญย เจ๊า,
• มป่า นิ่น บัว กั้น ด๊อด เหฌี่ย. เซ^ลา
• ⁷ โอ ทิน-ฮู่ง อ่า, เยีย เญย เฮญี้ยว เขา ว้วน.
• เยีย เญย เฮญี้ยว เขา ว้วน.
• เยีย อ๋อย ป๋าว ฑูง, อ๋อย ป๋าว ฑูง เธง เม่ย.
• ⁸ เยีย เญย เฮญี้ยว อ้า! เญีย ต้าย ม่าะ!
• ต้ม ต้าน ป้า, ฟิ้ว-ต้าน ป้า อ้า!
  เญีย ต้าย ม่าะ!
• เยีย อ๋อย ปุน บะฮนอย * ไฟ ``เยีย อ๋อย ปุน ลู่ง ดอม เฑี้ยว เจี์ย ต้าย''. เญีย ต้าย.
• ⁹ โอ เฒี้ยว อ่า, เยีย อ๋อย เยียม หม่าน ฝีง บุด๋ง ตอ-เหฒี่ย เม่ย,
• เยีย อ๋อย เยียม หม่าน กั๊วะ บุด๋ง ป๋าว ฑูง เธง เม่ย.
• ¹⁰ เม่ย เหฒียบ ฒัวะ เญย ฮนั้ม เมี่ยน แบ่ง ลู่ง ฮลัง.
• เม่ย เหฒียบ ฒัวะ เญย เฮญี้ยว หย่า แบ่ง บ๋วน ฮลัง.
• ¹¹ โอ ทิน-ฮู่ง อ่า, โท้ ปุน เมี่ยน ท่าย เม่ย เก้า ฮลัง เจี๋ย ลู่ง.
• โท้ ปุน เม่ย เญย ฌัง-หล่าง เยียม ปวั๊ง ลู่ง เดี๊ย.