สีง ฑูง 30

เต๋า เก๋า ตอ-เหฒี่ย เฒี้ยว หฒ่อ แป่ง หลง

ดา^วิด โหฒ่ เญย สีง ฑูง.
เฒาะ หฒั่ง เฒี้ยว เญย เปย๊า * ไฟ ฮู่ง ติ่น.
ฝูง ปุน เฒี้ยว เญย เฒี่ยง โห่ ป๋าว เญย สีง ฑูง.

• ¹ เฒี้ยว อ่า, เยีย เธง เม่ย
• เหว่ย หฒุ เม่ย เฒาะ เยีย เยียม โด เญย ต๋อง ธ้วด ต้าย,
• ไม้ ปุน เยีย เญย วิน-วั้ง จั๊ด เยีย.
• ² โอ เฒี้ยว, เยีย เญย ทิน-ฮู่ง อ้า!
• เยีย เห่ว เจี๊ยน เม่ย เถง,
• เม่ย หย่า หฒ่อ เยีย หลง.
• ³ โอ เฒี้ยว อ่า, เม่ย เหฌียว เยีย เยียม เยี่ยม เกน ธ้วด ต้าย,
• ปุน เยีย ตุ๊ แหม่ง เฒี่ยง, ไม้ หฒุ เหฌี่ย เยี่ยม เกน.
• ⁴ โอ เฒี้ยว เญย ธีง-เหฑ่ง แปะ ฝีง อ้า!
• อ๋อย หฒุ ป๋าว ฑูง เธง นิ่น.
• อ๋อย หฒุ ตอ-เหฒี่ย นิ่น เญย ธีง-เหฑ่ง บั๋ว.
• ⁵ นิ่น โน์ว เมี่ยน เซ เหว่ย ดุ ตั้ง ฮนั้ง,
• มป่า นิ่น เญย เอน-ฒี่ง เซ เหว่ย เหยียด เสย.
• ไม้ กุ๊น เฒี่ยง ม์วน เญี้ยม,
• มป่า เถา ลู่ง ดอม เฌียน-โย่ว อ๊ะ.
• ⁶ เยีย กั้น แอ๊ะ, เยียม หม่าน สี่ ปู๋ง-หฒัวะ เญย เฒี่ยง โห่ เยีย ก๊อง,
• ``เยีย เหยียด ลิ์ว ไม้ หฒุ กีง-ต์ง.''
• <sup>7</sup> โอ เฒี้ยว อ่า, เม่ย เญย เอน-ฒี่ง
• เหลียบ เยีย ฮนั้ง นอม ว้วน เญย บง นอ.
• มป่า เม่ย ปวัง เม่ย เญย เฮมียน ไม้ หมั่ง เยีย,
• เยีย ฯฒฯ กั้ม เหฑีย ไห่.
• <sup>8</sup> โอ เฒี้ยว อ้า! เยีย เห่ว เจี๊ยน เม่ย.
• เยีย ตอง เจี๊ยน เฒี้ยว โท้ เม่ย เถง.
• <sup>9</sup> ``สี ก๊อง เยีย ไต่
• แอ๋ง หฒุ มี่ง เยียม เยี่ยม เกน,
• ม่าย หาย หญู่ง ม่าย ลั่ม หล่ง?
• เนีย-บูง ไฮ่ เธง เม่ย เญย ไฟ?
• ไฮ่ ก๊อง เม่ย เหฒียบ ฒัวะ เญย เจ๊า ไฟ?
• ¹⁰ โอ เฒี้ยว อ้า! โท้ เม่ย หมวัง เยีย หย่า ค้อ-เลี่ยน เยีย.
• โอ เฒี้ยว อ้า! โท้ เม่ย เถง เยีย.
• ¹¹ เยีย เฑ่า เญี้ยม, เม่ย ปุน เยีย หธัง เหย,
• เม่ย ไจ๊ ฆอย เยีย เญย ล่าม่า เดีย-โธว เญย ลุย, * เมี่ยน ฒุ ล่าม่า เดีย-โธว ปุน ธีง นิ่น บัว เฑ่า ไห่. ก๊อย เป๋น เฌียน-โย่ว,
• ¹² ปุน เยีย เญย เฮญี้ยว ไฮ่ เธง เม่ย,
  ฒู้ง ไม้ ไฮ่ เซ้ก.
• โอ เฒี้ยว, เยีย เญย ทิน-ฮู่ง อ้า!
• เยีย อ๋อย หฒ่ง ฒี่ง เม่ย เถา เหยียด ลิ์ว.