สีง ฑูง 138

ตอ-เหฒี่ย เหว่ย หฒุ เฒี้ยว เถง

ดา^วิด โหฒ่ เญย สีง ฑูง.

• ¹ โอ เฒี้ยว อ่า, เยีย หล่ง เหฑ่ง เฮญี้ยว ตอ-เหฒี่ย เม่ย.
• เยีย ตอง เจี๊ยน หฒวัง เฒี่ยน เญย หฑะเฮมียน ป๋าว ฑูง เธง เม่ย.
• ² เยีย หูง เจี๊ยน เม่ย เญย สีง ติ่น ป๋าย,
• หย่า ตอ-เหฒี่ย เม่ย, * ฮิบ^ลู หว่า ก๊อง เม่ย เญย เม่ง.
• เหว่ย เม่ย เซ เหฒียบ ฒัวะ เญย หย่า เหฒียบ ฒัวะ ฮนั้ม เม่ย เญย เมี่ยน,
• เหว่ย หฒุ เม่ย ท่าย เม่ย เญย เม่ง เหธา เม่ย เญย หว่า
• เก้า โฮล เจี๋ย หม่าน หมวด. * ฮิบ^ลู หว่า ก๊อง ``เม่ย ท่าย เม่ย เญย หว่า เก้า โฮล เม่ย เญย เม่ง.''
• <sup>3</sup> เยีย เห่ว เม่ย วั้ว ฮนอย เม่ย เตา เยีย,
• เม่ย หล่ง เม่ย เญย ชะ ปุน เยีย เญย เฮญี้ยว เฮ้น เจี์ย ต้าย.
• <sup>4</sup> โอ เฒี้ยว อ่า, ลู่ง เดี๊ย เญย หฒวัง ฮู่ง อ๋อย เธง เม่ย,
• เหว่ย หฒุ นิ่น บัว ไฮ์ เม่ย เญย ฑุ่ย ก๊อง เญย หว่า.
• <sup>5</sup> นิ่น บัว อ๋อย ป๋าว ฑูง เธง เฒี้ยว โหฒว เญย เจ๊า,
• เหว่ย หฒุ เฒี้ยว เญย ฌัง-หล่าง เก้ง โฮล ไห่.
• <sup>6</sup> ไม้ กุ๊น เฒี้ยว เยียม ฮลัง,
• นิ่น หฒิว โก๋ว ห่า ตั๊ง เญย เมี่ยน,
• มป่า นิ่น เยียม โก เญย ต๋อง
• หมั่ง ตุ๊ ฮิ้ว โหฒว เหมา เญย เมี่ยน.
• <sup>7</sup> ไม้ กุ๊น เยีย เยียม หน่าน ฒี่ง กะญั์ว,
• เม่ย เปว เยีย เญย แหม่ง.
• เยีย เญย วิน-วั้ง เฉีย เจี์ย,
  เม่ย ซูง เม่ย เญย ปั์ว ธ้วด เบ๊าะ ฮี่ง,
• เม่ย เญย บย่าว เจี๊ยะ ปั์ว เหฌียว เยีย.
• <sup>8</sup> เฒี้ยว อ๋อย โหฒว เหฒียง หญู่งๆ
• หฒิว นิ่น เหว่ย เยีย ม่าย เญย หฒะเอ๋ย. * ไฟ `` เฒี้ยว อ๋อย โหฒว เหฒียง หฒิว นิ่น แล์ง เยีย เญย หญู่งๆ''.
• โอ เฒี้ยว อ่า, เม่ย เหฒียบ ฒัวะ ฮนั้ม เมี่ยน เถา เหยียด ลิ์ว.
• โท้ เม่ย ไม้ ตู๋ง กวั่ง เม่ย เญย ปั์ว โหฒว เญย กง.