×
สีง ฑูง 137
สีง ฑูง 137
อิ^สะ^ลา^เอน เมี่ยน หฒุ ธ้าง
มี่ง เญย หน่าน ฒี่ง ฑูง
-
1 เยีย บัว เฒว์ย เจี๊ยน บา^บี^โลน เญย โด๊ะ-เฮลน,
- เยี้ยด จั๋ง หฒุ สิ^โอน
ฯฒฯ เญี้ยม.
-
2 เยีย บัว เฒาะ เยีย บัว เญย ต้าน ป้า
- ขวัง เจี๊ยน เยียม น้าย เญย ซุ้ย-เลี่ยม เดี๋ยง,
-
3 เหว่ย หฒุ ธ้าง เยีย บัว ต้าย วั้ว เต๋ย อ๋อย เยีย บัว ป๋าว ฑูง,
- ห่อย เยีย บัว วั้ว เต๋ย อ๋อย เยีย บัว เถง นิ่น บัว โหฒว เหน่า หญิด
- ฯฒฯ ก๊อง, ``ป๋าว ติ้ว สิ^โอน เญย ฑูง ปุน เยีย บัว หมวัง ม่าะ!''
-
4 เยีย บัว เยียม กั้น ฝีง เมี่ยน เญย เต่ย-ปูง,
- ฮนั้ง หาย นอ ไฮ่ ป๋าว เฒี้ยว
เญย ฑูง?
-
5 โอ เย^ลู^ซา^เลม อ้า! สี ก๊อง เยีย หละคุ เม่ย,
- โท้ ปุน เยีย เญย บย่าว เจี๊ยะ ปั์ว หฮงง มี่ง.
-
6 สี ก๊อง เยีย ไม้ จั๋ง เย^ลู^ซา^เลม,
- หย่า ไม้ ฝุน เย^ลู^ซา^เลม
- เว่ย ปุน เยีย เก้า ตุ๊ เฌียน-โย่ว เจี๋ย,
- โท้ ปุน เยีย เญย เบียด แน้ด เจี๊ยน เยีย เญย ฑุ่ย ตู์ง.
-
7 โอ เฒี้ยว
อ่า, โท้ จั๋ง เอ^โดม เมี่ยน ฮนั้ง หาย นอ โหฒว.
- เย^ลู^ซา^เลม บาง วั้ว ฮนอย นิ่น บัว ก๊อง,
- ``อ๋อย หฒุ ป่าย, อ๋อย หฒุ ป่าย อ๊ะ,
- อ๋อย หฒุ แธะ เหฌี่ย เถา กอน-โด๊ะ.''
-
8 โอ บา^บี^โลน อ้า!
- เหว่ย เม่ย โหฒว ปุน เยีย บัว เญย สี่,
- จ๊าว วิน ปุน เม่ย วั้ว เต้า อ๋อย หฒุ ออน-เหลาะ.
-
9 เฒาะ เม่ย เญย กู้งว์า-ไฝ
- แกว๊ะ หละเปย๊ย วั้ว เต้า หย่า ม่าย ออน-เหลาะ อ๊ะ.
