สีง ฑูง 122

เต๋า เก๋า โท ้ปุน เย^ลู^ซา^เลม แป้ง ออน

ยั่ง ฝาว เญย ฑูง. ดา^วิด โหฒ่ เญย ฑูง.

• ¹ ม่าย เมี่ยน บั๋ว เยีย,
• ``บัว มี่ง หฒั่ง เฒี้ยว เญย เปย๊า เอาะ?''
• เยีย ฯฒฯ เฌียน-โย่ว ไห่.
• <sup>2</sup> โอ เย^ลู^ซา^เลม ฒี่ง อ่า, เยีย บัว เญย เหฒา โซ้ว เจี๊ยน
• เม่ย เญย ฒี่ง แก้ง กะญั์ว.
• <sup>3</sup> เย^ลู^ซา^เลม เหธย ต้าย เป๋น
• นอม ฒี่ง ฒุ้น เญย, ว้วน เญย.
• <sup>4</sup> หฒวัง ฝีง, เซ เฒี้ยว เญย ฝีง,
• ต้าย เถา น้าย,
• หฒิว ตี่ง ต้าย ปุน อิ^สะ^ลา^เอน เมี่ยน โหฒว,
• เหว่ย ตอ-เหฒี่ย เฒี้ยว เญย เม่ง.
• <sup>5</sup> เยียม น้าย เหลียบ เซี้ยม ฒุ์ย เญย เหว่ย,
• เซ ดา^วิด โต้ว ฒง เญย เหว่ย.
• <sup>6</sup> อ๋อย หฒุ เต๋า เก๋า โท้ ปุน
• เย^ลู^ซา^เลม ตุ๊ แป้ง ออน,
• ``โท้ ปุน ฮนั้ม เม่ย วั้ว เต๋ย ตุ๊ หลง,
• ⁷ ปุน เยียม เม่ย เญย ฒี่ง หลาด กะญั์ว แป้ง ออน,
• ปุน เม่ย เญย ฮู่ง ติ่น ถาย-แป้ง.''
• ⁸ เหว่ย เยีย เญย ก๋อ-โย์ว เหธา โล์-แกง ต่อย
• เยีย อ๋อย ก๊อง, ``โท้ เยียม เม่ย กะญั์ว ถาย-แป้ง.''
• ⁹ เหว่ย เฒี้ยว, เยีย บัว เญย ทิน-ฮู่ง เญย เปย๊า,
• เยีย อ๋อย เถง เม่ย ตุ๊ หลง.