สีง ฑูง 121

เปว เยีย บัว วั้ว เต้า เซ เฒี้ยว

ยั่ง ฝาว เญย ฑูง.

• ¹ เยีย เธา เฮมียน หมั่ง บง,
• เถง เยีย วั้ว เต้า อ๋อย เยียม หาย ต้าย?
• ² เถง เยีย วั้ว เต้า เซ เฒี้ยว,
• ต้ง เหฒย ลู่ง เหฒย เดา วั้ว เต้า.
• ³ นิ่น ฒู้ง ไม้ ปุน เม่ย เญย เหฒา ธ้าย พยัด,
• เปว เม่ย วั้ว เต้า ไม้ ฌ่อม ตะฮงัด.
• ⁴ เปว อิ^สะ^ลา^เอน วั้ว เต้า
• ฒู้ง ไม้ ฌ่อม ตะฮงัด หย่า ไม้ เปว๋ย มฌ่อม.
• ⁵ เฒี้ยว เปว เจี๊ยน เม่ย,
• เฒี้ยว เยียม เม่ย เญย บย่าว ปูง เถง เม่ย ท้อง ล่าง.
• ⁶ ลู่ง ฮนอย หฒั่น บะฮนอย ไม้ ห่อย เม่ย,
• ลู่ง ม์วน หฒั่น หฮลา หย่า ไม้ ห่อย เม่ย.
• ⁷ เฒี้ยว อ๋อย เปว เจี๊ยน เม่ย, ไม้ ปุน หฒุ หาย หญู่ง เหฒะ หน่าน.
• นิ่น อ๋อย เปว เจี๊ยน เม่ย เญย แหม่ง.
• ⁸ เม่ย เปียะๆ ธ้วดๆ, เฒี้ยว อ๋อย เปว เจี๊ยน เม่ย
• เยียม น้าย มี่ง เถา เหยียด ลิ์ว.