สีง ฑูง 107

เฒี้ยว เหฌียว เมี่ยน เล่ย ดุ๊ด
เหฒีย หญู่ง โค้ว หน่าน

• ¹ อ๋อย หฒุ ตอ-เหฒี่ย เฒี้ยว เหว่ย หฒุ นิ่น หลง ไห่,
• นิ่น เหฒียบ ฒัวะ เญย ฮนั้ม เมี่ยน เถา เหยียด ลิ์ว. * 1 ฒุ่น ต่อย โต้ว 16:34 ; 2 ฒุ่น ต่อย โต้ว 5:13 ; 7:3 ; เอ^สะ^ลา 3:11 ; สีง ฑูง 100:5 ; 106:1 ; 118:1 ; 136:1 ; เย^เล^มี 33:11
• ² โท้ ปุน เฒี้ยว หฒัวะ หฑวน เญย เมี่ยน ฮนั้ง หน่าย นอ ก๊อง,
• เซ ต้ง นิ่น เยียม วิน-วั้ง เญย ปั์ว-เดี๊ย หฒัวะ หฑวน เญย เมี่ยน,
• ³ หย่า เยียม นอมๆ เต่ย-ปูง,
• เซ เยียม ตง น่าม ไฟ ป๊ะ ปูง * ฮิบ^ลู หว่า ก๊อง ป๊ะ ปูง เหธา ค้อย.
• เซียว หฑวน ต้าย เญย เมี่ยน.
• ⁴ นิ่น บัว เยียม เต่ย-ปูง-ฮวาง, เต่ย-ปูง ฮ์าน, โย่ว เจี๊ยน มี่ง,
• ล์อ ไม้ ตุ๊ เจ๊า มี่ง หอบ นิ่น บัว เยียม เญย ฒี่ง.
• ⁵ นิ่น บัว โหย่ว เฮญี้ยว เซีย โหย่ว จาง ฆ้าด,
• นิ่น บัว เญย เฮญี้ยว เมา * ไฟ เฮญี้ยว ฮววน-ฮวา. เหฑ่ง หมี่ อ๊ะ.
• ⁶ นิ่น บัว เยียม หน่าน ฒี่ง กะญั์ว เห่ว เจี๊ยน โท้ เฒี้ยว,
• นิ่น ฯฒฯ เหฌียว นิ่น บัว เปย๋า ดุ๊ด นิ่น บัว เญย โค้ว หน่าน.
• ⁷ นิ่น ต้อ นิ่น บัว ยั่ง ติ้ว เจ๊า-หฒะ,
• เถา หอบ นิ่น บัว เยียม เญย ฒี่ง.
• ⁸ นิ่น บัว หอบ หฒุ ตอ-เหฒี่ย เฒี้ยว เหว่ย นิ่น เหฒียบ ฒัวะ เญย ฮนั้ม เมี่ยน,
• นิ่น หย่า เหว่ย ป้าม เมี่ยน โหฒว บัวะ ฮ่อง เญย สี่.
• ⁹ นิ่น ปุน จาง ฆ้าด เญย เมี่ยน ไจ๊ ฆ้าด,
• ปุน เฮญี้ยว เซีย เญย เมี่ยน ตุ๊ หลง เญย กะน้าย หญั่น เป๊ว.
• ¹⁰ ม่าย เต๋ย เมี่ยน เยียม หฮมวัง ฒง, เยียมๆ เญย ต๋อง,
• เซ หฒุ หววน โล่ เญย เหธา หฒุ หลิ่ม โด้ เญย เมี่ยน,
• ¹¹ เหว่ย หฒุ นิ่น บัว แหง่ง ทิน-ฮู่ง เญย หว่า,
• หมั่ง เผีย เยียม ฮลัง เจี๋ย วั้ว เต้า หฌาว เญย หฒะเอ๋ย.
• ¹² นิ่น ปุน นิ่น บัว หฒุ โหฒว กง โค้ว เหว่ย ฒัด นิ่น บัว เญย เฮญี้ยว เหฌี่ย.
• นิ่น บัว ดอบ, หย่า ไม้ ม่าย หาย เต้า เถง.
• ¹³ นิ่น บัว เยียม หน่าน ฒี่ง กะญั์ว เห่ว เจี๊ยน
  โท้ เฒี้ยว.
• นิ่น ฯฒฯ เหฌียว นิ่น บัว เปย๋า ดุ๊ด นิ่น บัว เญย โค้ว หน่าน.
• ¹⁴ นิ่น ต้อ นิ่น บัว เยียม หฮมวัง เหธา หฒุ ไต่ เญย ต้ง ลิ่น กะญั์ว ธ้วด ต้าย,
• หย่า ธุด นิ่น บัว หฒุ โด้ เญย หลิ่ม ตั๋ง.
• ¹⁵ นิ่น บัว หอบ หฒุ ตอ-เหฒี่ย เฒี้ยว เหว่ย นิ่น เหฒียบ ฒัวะ เญย ฮนั้ม เมี่ยน,
• นิ่น หย่า เหว่ย ป้าม เมี่ยน โหฒว บัวะ ฮ่อง เญย สี่.
• ¹⁶ นิ่น เบ๊าะ ฮู้ ต้ง ซิ แก้ง,
• หย่า ฮงะ ดุ๊ด เฮลียะ-แก้ง ซอน.
• ¹⁷ ม่าย เต๋ย ปุ๊ด แป่ง หลาย นิ่น บัว โหฒว เญย ฒุ์ย,
• หย่า หลาย นิ่น บัว โหฒว หว่าย สี่ หฒุ เสี่ยว โค้ว.
• ¹⁸ นิ่น บัว โหยว ไห่ หญู่งๆ หญั่น เญย กะน้าย,
• หย่า เถา ฟัด หฒุ ไต่ เญย แก้ง.
• ¹⁹ นิ่น บัว เยียม หน่าน ฒี่ง กะญั์ว เห่ว เจี๊ยน โท้ เฒี้ยว,
• นิ่น ฯฒฯ เหฌียว นิ่น บัว เปย๋า ดุ๊ด นิ่น บัว เญย โค้ว หน่าน.
• ²⁰ นิ่น ก๊อง ธ้วด หว่า หฒ่อ นิ่น บัว หลง,
• หย่า เหฌียว นิ่น บัว เปย๋า ดุ๊ด หฒุ ไต่ เญย ค้วด.
• ²¹ นิ่น บัว หอบ หฒุ ตอ-เหฒี่ย เฒี้ยว เหว่ย นิ่น เหฒียบ ฒัวะ เญย ฮนั้ม เมี่ยน,
• นิ่น หย่า เหว่ย ป้าม เมี่ยน โหฒว บัวะ ฮ่อง เญย สี่.
• ²² อ๋อย หฒุ ปุน นิ่น บัว ฝ่ง ห่อ เหฒี่ย เหว่ย ตอ-เหฒี่ย,
• หย่า เฌียน-โย่ว เญย ป๋าว ฑูง ก๊อง นิ่น โหฒว เญย สี่.
• ²³ ม่าย เต๋ย เปียะ ฑั้ง,
• เยียม ต้ม ววม ปั่ง ฑั้ง ล์อ หญั่น.
• ²⁴ นิ่น บัว ปวัด เฒี้ยว โหฒว เญย กง,
• เซ นิ่น เยียม ววม โด เญย ต๋อง โหฒว บัวะ ฮ่อง เญย สี่.
• ²⁵ นิ่น เยี้ยด หัด, ต้ม หฑยาว ป่วน ต้าย
• ปุน ค้อย เจี์ย หล่าง.
• ²⁶ นิ่น บัว เญย ฑั้ง ฝาว เถา ด๊าม-ลู่ง,
• แอ๋ง ด๊อด เหฌี่ย ววม-หล่าง เถา โด เญย ต๋อง.
• นิ่น บัว เฮญี้ยว หว่าย เหฑ่ง,
• หลาย นิ่น บัว หฒุ กั้ม เหฑีย เญย สี่.
• ²⁷ นิ่น บัว ไล่ มี่ง ไล่ ต้าย ฮนั้ง ติ๊ว ฆวิน เญย เมี่ยน นอ,
• นิ่น บัว จ่ม หฒะเอ๋ย อ๊ะ.
• ²⁸ นิ่น บัว เยียม หน่าน ฒี่ง กะญั์ว เห่ว เจี๊ยน โท้ เฒี้ยว.
• นิ่น ฯฒฯ เถง นิ่น บัว เปย๋า ดุ๊ด นิ่น บัว เญย โค้ว หน่าน.
• ²⁹ นิ่น ปุน ต้ม หฑยาว ตี้ง,
• ปุน ค้อย เญย ววม-หล่าง เซ้ก เหฑ่ง.
• ³⁰ นิ่น บัว ฯฒฯ อะเฮน้ย เหว่ย หฒุ เซ้ก เหฑียะ เญย.
• นิ่น หย่า ต้อ นิ่น บัว มี่ง เถา นิ่น บัว อ๋อย มี่ง เญย ฑั้ง-โป่ว.
• ³¹ นิ่น บัว หอบ หฒุ ตอ-เหฒี่ย เฒี้ยว เหว่ย หฒุ นิ่น เหฒียบ ฒัวะ เญย ฮนั้ม เมี่ยน.
• นิ่น หย่า เหว่ย ป้าม เมี่ยน โหฒว บัวะ ฮ่อง เญย สี่.
• ³² นิ่น บัว อ๋อย หฒุ เยียม แปะ ฝีง กั๊บ ฒุ้น เญย ต๋อง ฒุ่น ก๊อง นิ่น โหฒว โฮล,
• หย่า เยียม หฒวัง เมี่ยน โก๋ บุด๋ง เธง นิ่น.
• ³³ นิ่น ปุน ด้าย ทิ้ว เป๋น เต่ย-ปูง-ฮวาง,
• ปุน ววม-ฒี้ง ทิ้ว เป๋น บ๋อง ฆาย เญย เดา,
• ³⁴ ปุน เดา-จุ่น ทิ้ว เป๋น เดา-ฑ่าย เดา-ฮวาง,
• หลาย เยียม วั้ว เญย เมี่ยน หว่าย ไห่.
• ³⁵ นิ่น ปุน เต่ย-ปูง-ฮวาง เป๋น ววม-ต้ม,
• ปุน เดา-ฆาย เป๋น ววม-ฒี้ง.
• ³⁶ นิ่น ปุน หง่อ เญย เมี่ยน เยียม วั้ว,
• นิ่น บัว หย่า เหธย นอม ฒี่ง เยียม.
• ³⁷ นิ่น บัว โหฒว เด่ย หฒวัง กะน้าย, หฒวัง อะหงุ่น เปี๊ยว,
• หย่า ตุ๊ ปู๋ง-หฒัวะ เญย เซียว.
• ³⁸ นิ่น เหธย ฟุ ปุน นิ่น เญย แปะ ฝีง
  หฮยาง ธั้ม,
• หย่า ไม้ ปุน นิ่น บัว เญย แซง-คู้ โหฒะ เหฌี่ย.
• ³⁹ แปะ ฝีง หฒุ เหฒย, หฒุ โค้ว, หฒุ เฑ่า,
• นิ่น บัว ฯฒฯ โหฒะ หย่า ด๊อด เหฌี่ย ไอ๊ เญย เฒี่ยง โห่,
• ⁴⁰ นิ่น ปุน เหฒย นิ่น เญย แปะ ฝีง วั้ว เต๋ย โหฒว โฮล เญย เมี่ยน * ไฟ ฮู่ง เตี๋ย. หฒุ หมั่ง เผีย,
• หย่า ปุน นิ่น บัว โย่ว เจี๊ยน มี่ง ไม้ ม่าย เจ๊า เญย เต่ย-ปูง-ฮวาง.
• ⁴¹ มป่า นิ่น โป้ว เมี่ยน จ่ม เมี่ยน ฝาว ฮลาง,
• ปุน นิ่น บัว เล่ย ดุ๊ด โค้ว หน่าน,
• ปุน นิ่น บัว เญย ฮมวั้ง ต่อย หฮยาง,
• ฮนั้ง ยู่ง กวั้น นอ ธั้ม.
• ⁴² เฮญี้ยว หฒีง เญย เมี่ยน ปวัด นิ่น บัว ฯฒฯ อะเฮน้ย.
• โหฒว เอ๊าะ เญย เมี่ยน หฆับ เจี๊ยน ฑุ่ย,
  ไม้ ม่าย หว่า ก๊อง อ๊ะ.
• ⁴³ หาย เต้า ม่าย ธง-เม่ง อ๋อย หฒุ หล่ง เฮญี้ยว หมวัง น้าย เต๋ย สี่,
• หย่า อ๋อย หฒุ สัม หมั่ง เฒี้ยว เหฒียบ ฒัวะ ฮนั้ม เมี่ยน เญย เจ๊า.