ธง-เม่ง หว่า 6 (Proverbs 6)

ธง-เม่ง หว่า 6

ไม้ ตู๋ง เปว เมี่ยน เญย แฒะ

¹ เยีย เญย ตอน อ้า! สี ก๊อง เม่ย แล์ง หว่า เปว เม่ย เญย จวั่ง ล์าง เมี่ยน เญย แฒะ,

ไฟ แล์ง โหฒว ดาม-ต้าว เปว กั้น เต้า เมี่ยน * เญย แฒะ,

² สี ก๊อง เม่ย ก๊อง เญย หว่า ฮลบ หฒุ เม่ย,

เม่ย เญย ฑุ่ย ก๊อง เญย หว่า โด้ เจี๊ยน เม่ย,

³ เยีย เญย ตอน อ้า! เม่ย อ๋อย หฒุ ฮนั้ง น้าย นอ โหฒว เหฌียว เม่ย กั้น,

เหว่ย หฒุ เม่ย หฒุ เยียม เม่ย เญย จวั่ง ล์าง เมี่ยน เญย ปั์ว-เดี๊ย หมี่ อ๊ะ.

มี่ง อ๊ะ, มี่ง ล์อ เม่ย เญย จวั่ง ล์าง เมี่ยน แอ๋ง เหญี่ยม กั้น โหฒว ไฝ ชะ โท้. *

⁴ ไม้ ตู๋ง ปุน เม่ย เญย มฒีง ฌิบ เจี๊ยน มฌ่อม,

ไม้ ตู๋ง ปุน มฒีง-ด๊บ หญุย.

⁵ อ๋อย หฒุ เหฌียว ดุ๊ด กั้น ฮนั้ง ไฌ่ เล่ย ดุ๊ด แฒง ฮลาง เมี่ยน เญย ปั์ว,

หย่า ฮนั้ง เหนาะ เปย๋า ดุ๊ด แฒง โขว เมี่ยน เญย ปั์ว-เดี๊ย.

ไม้ ตู๋ง เหลว่ย

⁶ เมี่ยน เหลว่ย เมี่ยน อ้า! เม่ย อ๋อย หฒุ มี่ง ฒ่า หมั่ง เฑี้ยว,

ฮนั้ม เถา เฑี้ยว โหฒว เญย เจ๊า ฯฒฯ ตุ๊ ธง-เม่ง.

⁷ เฑี้ยว ไม้ ม่าย เปย๊ย เฒ้ย,

ไม้ ม่าย เจียน, ไม้ ม่าย หาย เต้า กุ๊น,

⁸ มป่า ฆาย กอง นิ่น หลิ่ว เล์ย หญั่น ฮบ,

ก๊าด แกง-หฒวัง เญย เฒี่ยง โห่ หย่า เซียว หญั่น เญย กะน้าย.

⁹ เมี่ยน เหลว่ย เมี่ยน อ้า! เม่ย อ๋อย เปว๋ย เถา หาย หฒั่น?

เม่ย อ๋อย มฌ่อม เถา หาย หฒั่น หธีง เจี์ย ซิน ต้าย?

¹⁰ แอ๋ง เปว๋ย ตั้ง, มฌ่อม ตั้ง,

ชบ เจี๊ยน ปั์ว มฌ่อม ตะฮงัด ตั้ง, *

¹¹ จ่ม เญย เจ๊า ฯฒฯ ฮนั้ง จั๋น-หฒะ เลี่ยม เฒ่ย เถา.

ตั๋ง-ต๋น เญย เจ๊า ต้าย ฮนั้ง เมี่ยน ต้อ เจี๊ยน หวัวะ กิ่น ต้าย เถา.

เอ๊าะ เมี่ยน เญย เซ้ด เมว์ย

¹² ไม้ ลั่ม หล่ง เญย เอ๊าะ เมี่ยน

เจี๋ย น้าย เจี๋ย วั้ว ก๊อง-แปะ.

¹³ นิ่น หญับ มฒีง,

เฝง เหฒา,

ปั์ว หย่า นุ เจี๊ยน,

¹⁴ เฮญี้ยว เพียน ต๊า เอ๊าะ เญย หฒะเอ๋ย,

หฒั่นๆ โธะ-ฮู้.

¹⁵ เหว่ย น้าย นิ่น อ๋อย เลี่ยม เฒ่ย หฒุ เหฒะ หน่าน,

ดุ ตั้ง ฮนั้ง หฒุ ป่าย หว่าย เหฑ่ง,
ไม้ ไฮ่ หฒ่อ.

เฒี้ยว ฑอง เญย เสี่ย หญู่ง

¹⁶ เฒี้ยว ฑอง เญย ม่าย จุ๊ หญู่ง,

นิ่น กั้ม เฑี้ย เญย, โหยว เญย ม่าย
เสี่ย * หญู่ง.

¹⁷ ม่าย มฒีง-จ๋า ฮลัง,

ก๊อง-แปะ เญย ฑุ่ย,

ปั์ว ไต๋ * ไม้ โหฒว ต่อง เญย เมี่ยน,

¹⁸ เฮญี้ยว ต๊า เอ๊าะ เญย หฒะเอ๋ย,

เหฒา ถิว เซี้ยบ เญย มี่ง ล์อ เอ๊าะ เญย สี่,

¹⁹ โหฒว จ๊า ฒอง-เหฒง เญย เมี่ยน เท้า เฉีย ขูง ธ้วด ก๊อง-แปะ เญย หว่า,

เหธา เมี่ยน เยียม นิ่น เญย ก๋อ-โย์ว บุด๋ง โธะ หลุ่น เมี่ยน.

ขวิน ซิ้ม ฆอย ปวั้ง เลี่ยว เญย เจ๊า

²⁰ เยีย เญย ตอน อ้า! อ๋อย หฒุ กัน หลง เม่ย เญย เตีย หัด เญย หว่า,

หย่า ไม้ ตู๋ง กวั่ง เม่ย เญย มา หฌาว เญย เจ๊า-โหล่ว.

²¹ อ๋อย หฒุ หฒั่นๆ ฒ่าง เจี๊ยน เม่ย เญย เฮญี้ยว,

หย่า ขวัง * เจี๊ยน เม่ย เญย จาง.

²² เม่ย ยั่ง เจ๊า, นิ่น บัว ฯฒฯ ต้อ เม่ย,

เม่ย เปว๋ย เญย เฒี่ยง โห่, นิ่น บัว อ๋อย เปว เจี๊ยน เม่ย.

เม่ย เญีย ต้าย, นิ่น บัว หย่า เหธา เม่ย ก๊อง.

²³ เหว่ย หฒุ น้าย เต๋ย หัด เญย หว่า โหฒว นอม ตัง,

หฌาว เญย หว่า โหฒว ฌัง.

ก๊อง-หฌาว, เบ๊าะ หฌาว เซ

เป๋น เจ๊า ปุน เมี่ยน ตุ๊ แหม่ง เฒี่ยง,

²⁴ เหว่ย เปว เจี๊ยน เม่ย, เถง เม่ย ซิ้ม ฆอย เอ๊าะ เญย มเซียะ ตอน,

เล่ย ฆอย ปวั้ง เลี่ยว เญย เอ๊า ก๊อง หยัวะ เมี่ยน เญย ฑุ่ย บย่าง.

²⁵ ไม้ ตู๋ง เยียม เฮญี้ยว หั่น นิ่น เหฑว่ย
เญย เจ๊า,

หย่า ไม้ ตู๋ง ปุน นิ่น เญย มฒีง * แปง หฒุ เม่ย.

²⁶ เหว่ย หฒุ เมี่ยน ไฮ่ หล่ง เหยียด นอม ฌั้ว เญย จ๋า-ฒิ่น ธี้ง หม่าย ซิน เญย
มเซียะ ตอน, *

มป่า เหฮยียน โหฆ เญย เอ๊า ฒู้ง เฒาะ เมี่ยน จ๋าย เมี่ยน เญย แหม่ง.

²⁷ เมี่ยน ไฮ่ ชัม เจี๊ยน โต์ว

หย่า ไม้ ปุน นิ่น เญย ลุย หฒุ โต์ว ปั๊ว ตุ๊ เญย ไฟ?

²⁸ เมี่ยน ไฮ่ ยั่ง เหฒียะ เจี๊ยน โต์ว เญย โต์ว-ถาน กู้ หงว่าย มี่ง,

หย่า ไม้ หฒุ โต์ว ปั๊ว เหฒา ไฟ?

²⁹ หาย เต้า มี่ง เหธา กั้น เต้า เมี่ยน เญย เอ๊า หย่า ฟี่ ฮนั้ง เญย.

ไม้ ม่าย หาย เต้า ฮลัว ลิ์ว นิ่น หย่า ไม้ หฒุ ตี่ง ฒุ์ย.

³⁰ สี ก๊อง เมี่ยน เฮญี้ยว เซีย ฯฒฯ หนิ่ม กะน้าย เถง นิ่น เป๊ว,

เมี่ยน หมั่ง เผีย นิ่น ไม้ เฒ์ย? *

³¹ สี ก๊อง นิ่น หฒุ เฒาะ นิ่น อ๋อย หฒุ ปุ้ย
เสี่ย โก๊ว,

ฒู้ง ปุน เหฑ่ง นิ่น เญย เปย๊า ฒง ม่าย เญย กะน้าย.

³² มป่า เมี่ยน เหฮยียน เอ๊า นิ่น ฮนั้ม ตุ๊
หฮงง ไห่.

หาย เต้า ฮนั้ง น้าย โหฒว ฒู้ง ปุน นิ่น กั้น หฒุ เหมียด.

³³ นิ่น หฒุ มุน, หฒุ ไญ้,

นิ่น หฒุ ป่าย เฮมียน, เหยียด ลิ์ว ไม้ ไฮ่ ซ้อด กวั่ง.

³⁴ เหว่ย หฒุ มจั่ง ตอน * ไฟ โหฆ. หั่น, นิ่น มต้าย
เฉีย เจี์ย,

เถา จ๊าว วิน เญย เฒี่ยง โห่ นิ่น ไม้ หญ่าง ฒี่ง อ๊ะ.

³⁵ นิ่น ไม้ หล่ง หาย หญู่ง ปุ้ย ปุน นิ่น.

ปุน ฒี่ง เหญ่ย ด่ง หาย ธั้ม นิ่น เฮญี้ยว
ไม้ ฆาย.