ธง-เม่ง หว่า 3 (Proverbs 3)

ธง-เม่ง หว่า 3

ขวิน เมี่ยน หลุน เมี่ยน เญย หว่า

¹ เยีย เญย ตอน อ้า! ไม้ ตู๋ง หละคุ เยีย หฌาว เญย หว่า.

เม่ย เญย เฮญี้ยว อ๋อย หฒุ กัน หลง เยีย เญย เล์ย-หลัด.

² เม่ย เยียม เสย หฒั่ง เญย ฮนอย-เหญียะ เหธา หฮญัง-โสว
ฯฒฯ ไฮ่ เฒี่ยง ตุ๊ ด๊าว,

เม่ย หย่า ไฮ่ ตุ๊ หลง.

³ ไม้ ตู๋ง กวั่ง ฮนั้ม เญย, เหฒียบ ฒัวะ เญย เจ๊า.

อ๋อย หฒุ เฒาะ ต้าย ขวัง เจี๊ยน เม่ย เญย จาง,

แอ๋ง เฟี้ย เจี๊ยน เม่ย เญย เฮญี้ยว กะญั์ว.

⁴ ฮนั้ง หน่าย หฒิว ทิน-ฮู่ง เหธา ป้าม เมี่ยน หมั่ง,

เม่ย โหฒว ตุ๊ หอบ หย่า ม่าย เม่ง เต้า หลง. * ลู^กา 2:52

⁵ อ๋อย หฒุ หล่ง เหฑ่ง เฮญี้ยว เขา เฒี้ยว,

ไม้ ตู๋ง เขา กั้น ไฮ่ เม่ง แปะ. *

⁶ เยียม เม่ย โหฒว เญย ติ้วๆ เจ๊า อ๋อย หฒุ เหญี่ยม นิ่น,

นิ่น ฯฒฯ ต้อ เม่ย ยั่ง หอบ เญย
เจ๊า-โหล่ว. *

⁷ ไม้ ตู๋ง ฮนั้ม กั้น ม่าย ธง-เม่ง,

อ๋อย หฒุ ท่าย เฒี้ยว หย่า เล่ย ฆอย เอ๊าะ เญย สี่. * โล^มา 12:16

⁸ ฮนั้ง หน่าย ฯฒฯ ฮนั้ง หลง ไห่ เญย เดีย หฒ่อ เม่ย * หวั่ง เสียง,

ซิน * หย่า คู่ เยียม.

⁹ อ๋อย หฒุ หล่ง เม่ย เญย ฒิ่น ฒ่อย

เหธา เม่ย เญย เหยียด ฒู้ง แกง-หฒวัง เญย ต้าว ถอง เปี๊ยว ท่าย เฒี้ยว.

¹⁰ ฮนั้ง หน่าย เม่ย เญย ลั์ม ฯฒฯ ปวั๊ง เหฑ่ง,

เม่ย เญย ติ๊ว-อ๋ง ม่าย อะหงุ่น ติ๊ว ปวั๊ง เมี์ยน ธ้วด.

¹¹ เยีย เญย ตอน อ้า! ไม้ ตู๋ง หมั่ง เผีย เฒี้ยว เบ๊าะ หฌาว เญย หว่า,

หย่า ไม้ ตู๋ง โหยว นิ่น ก๊อง-หฌาว, *

¹² เหว่ย หฒุ เฒี้ยว ฮนั้ม วั้ว เต้า นิ่น ก๊อง-หฌาว วั้ว เต้า,

ฮนั้ง เตีย ก๊อง-หฌาว นิ่น อะเฮน้ย เญย ตอน. * หล่าว ย่าง 3:19

ธง-เม่ง เซ จ๋าย ไห่

¹³ ตุ๊ ธง-เม่ง หย่า ตุ๊ เปียะ เฮญี้ยว เญย เมี่ยน,

หฒะเก้ง ม่าย ออน-เหลาะ,

¹⁴ เหว่ย หฒุ ตุ๊ ธง-เม่ง เญย ด๊าว-ต้าว เซ เก้า หลง เจี๋ย ญ่าน,

นิ่น ตุ๊ เญย เหล่ย เก้า หลง เจี๋ย เจียม.

¹⁵ ธง-เม่ง เก้า จ๋าย เจี๋ย หละเปย๊ย-จ๋าย.

เม่ย อ๋อย ตุ๊ เญย เหยียด ฒู้ง กะน้าย,

ไม้ ม่าย เหยียด หญู่ง ไฮ่ เป๊ย ตุ๊ นิ่น. *

¹⁶ เยียม นิ่น เญย บย่าว เจี๊ยะ ปั์ว ม่าย เสี่ยว ญ่วน ด๊าว,

เยียม นิ่น เญย หฒาย เจี๊ยะ ปั์ว ม่าย ฒิ่น ฒ่อย เหธา ฌัง-หล่าง.

¹⁷ นิ่น เญย เจ๊า เซ ปุน เมี่ยน ม่าย ออน-เหลาะ,

นิ่น เญย เหยียด ฒู้ง เจ๊า-โหล่ว ปุน เมี่ยน ตุ๊ แป้ง ออน.

¹⁸ ธง-เม่ง เป๊ย ติ้ว เฒี่ยง แหม่ง เญย เดี๋ยง.

หาย เต้า นั้น เจี๊ยน นิ่น, วั้ว เต้า ฯฒฯ ตุ๊ เมี่ยน เห่ว ออน-เหลาะ.

¹⁹ เฒี้ยว หล่ง ธง-เม่ง เหลียบ เดา,

หล่ง นิ่น เญย ว่วน ฒาง * เหลียบ ลู่ง.

²⁰ นิ่น เญย ว่วน ฒาง ปุน เดา-เดี๊ย เญย ววม เบ๋ว ธ้วด,

ปุน ลู่ง * ม่าย บยู่ง-ซุ้ย เดี๊ยบ เหฌี่ย.

²¹ เยีย เญย ตอน อ้า! เม่ย อ๋อย หฒุ โก๋ว เจี๊ยน ธง-เม่ง เหธา ไฮ่ สัม ตุ๊ ธ้วด เญย เจ๊า.

ไม้ ตู๋ง ปุน น้าย เต๋ย อี หญู่ง เล่ย ฆอย เม่ย เญย มฒีง-ด่าง.

²² อี หญู่ง ฯฒฯ ปุน เม่ย เฒี่ยง ตุ๊ แหม่ง ด๊าว,

หย่า เป๊ย ตั้ง จาง เหฑว่ย เญย กะน้าย.

²³ เม่ย ฯฒฯ แป้ง ออน เญย กัน เม่ย เญย
เจ๊า ยั่ง,

เม่ย เญย เหฒา หย่า ไม้ ดิ๊ หฒุ ดอบ.

²⁴ เม่ย เปว๋ย เหฌี่ย เญย เฒี่ยง โห่ ไม้ ตู๋ง
กั้ม เหฑีย,

เม่ย เปว๋ย เหฌี่ย, เม่ย ฯฒฯ มฌ่อม ตุ๊ คู้.

²⁵ เลี่ยม เฒ่ย หฒุ เฮ้ย สี่ ไม้ ตู๋ง กั้ม เหฑีย,

เอ๊าะ เมี่ยน หฒุ ป่าย หว่าย,
ไม้ ตู๋ง กั้ม เหฑีย.

²⁶ เหว่ย หฒุ เฒี้ยว โหฒว เม่ย เขา เญย ต๋อง,

นิ่น อ๋อย โก๋ว เจี๊ยน ไม้ ปุน เม่ย เญย เหฒา ธ้าย หฒุ ฮลาง ฮลบ.

²⁷ เม่ย ม่าย ปั้น เหฒ่ย เถง เมี่ยน เญย
เฒี่ยง โห่,

ไม้ ตู๋ง แหง่ง โหฒว หลง เญย สี่ ปุน
เฉียม หฒุ เถง เญย เมี่ยน.

²⁸ สี ก๊อง เม่ย อี้ หฒั่น ม่าย เจี๊ยน เก๋า เถง เมี่ยน เญย,

ไม้ ตู๋ง ก๊อง บั๋ว จวั่ง ล์าง เมี่ยน,

``มี่ง อ๊ะ, แอ๋ง ต้าย หฑุ่น. ฌัง ฮนอย เยีย มต้าย ปุน เม่ย.''

²⁹ ไม้ ตู๋ง ต๊า หฒะเอ๋ย ห่อย จวั่ง ล์าง เมี่ยน,

นิ่น เยียม เม่ย กะเฮลน ปู๋ง เฮญี้ยว เม่ย.

³⁰ สี ก๊อง เมี่ยน ไม้ โหฒว หาย หญู่ง ปุน เม่ย

หย่า ไม้ ม่าย หาย หญู่ง กอน-แป๋ง, ไม้ ตู๋ง เหธา นิ่น แฑง.

³¹ ไม้ ตู๋ง เหมว่ย เจี๊ยะ เมี่ยน โตะ เมี่ยน,

ไม้ ตู๋ง กิ๊น นิ่น เญย หาย ติ้ว เจ๊า.

³² เฒี้ยว โหยว ไห่ ปู๊ ล่ง ปู๊ ตั๊ง เญย เมี่ยน,

มป่า นิ่น เหธา เฮญี้ยว หฒีง เญย เมี่ยน หฒัวะ ไห่.

³³ เฒี้ยว เหฒียว เอ๊าะ เมี่ยน เญย จา-ตี้ง, * ไฟ เปย๊า.

มป่า เฒี้ยว เหธย ฟุ ปุน คู้ เมี่ยน เยียม เญย ต๋อง.

³⁴ นิ่น ฮว้วด โหฒว เหมา ฮว้วด เมี่ยน เญย เมี่ยน,

มป่า นิ่น เหธย เอน ปุน เหญี่ยม กั้น โหฒว ไฝ เญย เมี่ยน. *

³⁵ ธง-เม่ง เมี่ยน ตุ๊ * เมี่ยน ท่าย,

มป่า เมี่ยน หฮงง เมี่ยน ฒู้ง หฒุ เมี่ยน
หมั่ง เผีย.