ธง-เม่ง เญย ฒี่ง เหญ่ย

• ¹ เยีย เญย ตอน อ้า! สี ก๊อง เม่ย ฒิบ เยีย เญย หว่า,
• โก๋ว หลง เยีย หัด เญย หลี่ง,
• ² เม่ย แปง มน่อม หมวัง ธง-เม่ง เญย หว่า,
• หย่า หฒะเก้ง อ๋อย เปียะ เฮญี้ยว.
• ³ เฒ์ย เญย, สี ก๊อง เม่ย เห่ว เจี๊ยน โท้
  อ๋อย เม่ง แปะ,
• หย่า ธ้วด เฉีย โท้ ปุน เปียะ เฮญี้ยว,
• ⁴ สี ก๊อง เม่ย ล์อ ธง-เม่ง ฮนั้ง ล์อ ญ่าน,
• ฒิ่ม ล์อ ธง-เม่ง ฮนั้ง ฒิ่ม ล์อ ปี๋ง เจี๊ยน เญย ฒิ่น ฒ่อย,
• ⁵ ฮนั้ง หน่าย เม่ย ฯฒฯ เม่ง แปะ ท่าย เฒี้ยว,
• หย่า ฮิ้ว ตุ๊ ทิน-ฮู่ง.
• ⁶ เหว่ย หฒุ เฒี้ยว เหธย ธง-เม่ง ปุน เมี่ยน,
• นิ่น เญย ฑุ่ย ก๊อง เญย หว่า ม่าย ว่วน ฒาง หย่า ปุน เมี่ยน เปียะ เฮญี้ยว.
• ⁷ นิ่น เซียว ธง-เม่ง เหว่ย เถง เฮญี้ยว หฒีง
  วั้ว เต๋ย,
• นิ่น ฮนั้ง ท้อง-ป้าย เปว เจี๊ยน เหฒียบ ฒัวะ เญย เมี่ยน.
• ⁸ นิ่น โก๋ว แป้ง ฟิม เมี่ยน เญย เจ๊า,
• หย่า เปว เจี๊ยน กัน หลง นิ่น วั้ว เต๋ย เญย เจ๊า-โหล่ว.
• ⁹ วั้ว หฒั่น เม่ย ฯฒฯ เม่ง แปะ หาย หญู่ง หอบ เญย, แป้ง ฟิม เญย,
• หฒีง เญย, เซ เหยียด ฒู้ง หลง เญย เจ๊า,
• ¹⁰ เหว่ย หฒุ ธง-เม่ง อ๋อย เปียะ เม่ย เญย เฮญี้ยว,
• ว่วน ฒาง หย่า ปุน เม่ย เญย เฮญี้ยว
  คู่ เยียม.
• ¹¹ ไกว เญย เจ๊า อ๋อย เปว เจี๊ยน เม่ย,
• เปียะ เฮญี้ยว เญย เจ๊า หย่า โก๋ว เจี๊ยน เม่ย,
• ¹² แอ๋ง เหฌียว เม่ย เปย๋า ดุ๊ด เอ๊าะ เมี่ยน
  เญย เจ๊า
• เหธา ก๊อง-แปะ เญย เมี่ยน.
• ¹³ น้าย หญู่ง เมี่ยน กวั่ง โหฒว หอบ เญย เจ๊า,
• กัน หฮมวัง เญย เจ๊า-โหล่ว ยั่ง.
• ¹⁴ นิ่น บัว อะเฮน้ย โหฒว เอ๊าะ สี่,
• หย่า อ๋อย ไห่ เอ๊าะ เมี่ยน โหฒว เญย เจ๊า.
• ¹⁵ นิ่น บัว เญย เจ๊า เงา ฌ้วด,
• นิ่น บัว โหฒว เญย เจ๊า เพียน หมี่ อ๊ะ.
• ¹⁶ เม่ย ฯฒฯ ตุ๊ ซิ้ม ฆอย เหฮยียน โหฆ
  เญย เอ๊า,
• เซ เปย๋า ดุ๊ด ฑุ่ย บย่าง, หยัวะ เมี่ยน เญย มเซียะ ตอน.
• ¹⁷ นิ่น กวั่ง หฮญัง-เจ๊ย หลุน เญย เฒี่ยง โห่ หล่ง ต้าย เญย โหฆ,
• หย่า หละคุ เหธา นิ่น เญย ทิน-ฮู่ง แล์ง เจี๋ย เญย แหง่ง หว่า.
• ¹⁸ สี ก๊อง มี่ง นิ่น เญย เปย๊า, เม่ย ฯฒฯ กัน หฒุ ไต่ เญย เจ๊า.
• มี่ง นิ่น วั้ว เซ หูง เจี๊ยน เยี่ยม เกน มี่ง.
• ¹⁹ ตะฟ่าน มี่ง นิ่น วั้ว เญย เมี่ยน ไม้ ม่าย เหยียด เต้า ตุ๊ หฑวน,
• หย่า ไม้ ม่าย เหยียด เต้า ตุ๊ หฑวน เถา เฒี่ยง แหม่ง เญย เจ๊า.
• ²⁰ เหว่ย น้าย เม่ย อ๋อย หฒุ ยั่ง เมี่ยน หลง เมี่ยน เญย เจ๊า,
• กัน หลง โหฒว หอบ เญย เจ๊า-โหล่ว.
• ²¹ เหว่ย หฒุ เฮญี้ยว หฒีง เญย เมี่ยน ตุ๊ เยียม เต่ย-ปูง,
• ไม้ ม่าย ต๋อง เฆ่ม เญย เมี่ยน หย่า
  ตุ๊ เยียม วั้ว.
• ²² มป่า เอ๊าะ เมี่ยน อ๋อย หฒุ ไพ กวั่ง,
  ไม้ ตุ๊ เยียม เต่ย-ปูง.
• ห่อย เมี่ยน เญย เมี่ยน อ๋อย หฒุ เหมียด ฮนั้ง แปง เมี้ย เญย กอน นอ.