ธง-เม่ง หว่า 27 (Proverbs 27)

ธง-เม่ง หว่า 27

¹ ไม้ ตู๋ง ปู๋ง หว่า-เหมา ก๊อง ฌัง ฮนอย เญย สี่,

เหว่ย หฒุ เม่ย ไม้ ฮิ้ว ตุ๊

เหยียด ฮนอย เหยียด ฮนอย อ๋อย ม่าย หาย หญู่ง สี่ ธ้วด. * ยา^กอบ 4:13-16

² ปุน กั้น เต้า เธง เม่ย,
ไม้ เฒ์ย หล่ง เม่ย กั้น เญย ฑุ่ย.

ปุน เหญี่ย เญย เมี่ยน เธง เม่ย, ไม้ เฒ์ย กั้น เญย ฑุ่ย เธง.

³ หละเปย๊ย เซ เฮนี้ย, ซา-เฒียว หย่า ม่าย เฮนี้ย-ต้าว,

มป่า เมี่ยน หฮงง เมี่ยน ธัวะ เมี่ยน

ฒู้ง เก้า เฮนี้ย น้าย เต๋ย อี หญู่ง.

⁴ เมี่ยน โน์ว เซ เธี้ยว, เมี่ยน เฉีย เจี์ย ไฮ่ ป่าย หว่าย,

มป่า เมี่ยน เหมว่ย เจี๊ยะ, หาย เต้า ไฮ่ แหง่ง ตุ๊ เจี๊ยน?

⁵ ตอง เจี๊ยน เมี่ยน ก๊อง-เหม,

เซ เก้า หลง ไม้ ปุน เมี่ยน ฮิ้ว ตุ๊ เม่ย ฮนั้ม นิ่น.

⁶ โล์-แกง ต่อย ปุน เม่ย หฒุ มุน เซ เหฒียบ ฒัวะ เญย โหฒว,

มป่า วิน-วั้ง ฒม เฮมียน เจี๋ย ด่าง เฒียน เญย เจ๊า.

⁷ หญั่น เป๊ว เญย เมี่ยน ฯฒฯ โหยว เมว์ย-ต้อง,

มป่า เฮญี้ยว เซีย เญย เมี่ยน,

เลี่ยม อิม เญย กะน้าย หย่า กาม เญย.

⁸ เมี่ยน เล่ย ฆอย กั้น เญย เปย๊า,

เซ ฮนั้ง นอม เหนาะ เล่ย ฆอย นิ่น เญย เล์า.

⁹ โย่ว ดาง เหธา ววม-ดาง ปุน เฮญี้ยว อะเฮน้ย.

โล์-แกง ต่อย หล่ง เฮญี้ยว ขวิน ปุน เฮญี้ยว ออน-เหลาะ. *

¹⁰ เม่ย ไม้ ตู๋ง กวั่ง เม่ย เญย โล์-แกง ต่อย เหธา เม่ย เญย เตีย เญย โล์-แกง ต่อย.

หฒุ เหฒะ หน่าน เญย ฮนอย หย่า ไม้ ตู๋ง มี่ง เม่ย เญย มั์ว-ต่อย เญย เปย๊า.

เยียม ฟัด เญย จวั่ง ล์าง เมี่ยน เซ เก้า หลง เยียม โก เญย มั์ว-ต่อย.

¹¹ เยีย เญย ตอน อ่า, เม่ย อ๋อย หฒุ โหฒว ธง-เม่ง เมี่ยน,

หย่า ปุน เยีย เญย เฮญี้ยว เฌียน-โย่ว.

หาย เต้า ต้าน เยีย, เยีย ฯฒฯ ม่าย หว่า เตา.

¹² เมี่ยน ไกว เมี่ยน ปวัด ไฮ่ ม่าย สี่ ธ้วด ฯฒฯ ซิ้ม ฆอย,

มป่า ไม้ ฮิ้ว หาย หญู่ง เญย เมี่ยน หูง เจี๊ยน มี่ง ฯฒฯ หฒุ โค้ว อ๊ะ.

¹³ สี ก๊อง เมี่ยน เปว กะเหญี่ย เญย เมี่ยน,

อ๋อย หฒุ เฒาะ แล์ง เปว เญย เมี่ยน เญย ลุย ต้าย ต๋อง.

สี ก๊อง นิ่น เปว กั้น ฝีง เมี่ยน,

ฒู้ง อ๋อย หฒุ เฒาะ นิ่น เญย ลุย ต๋อง เจี๊ยน. *

¹⁴ หาย เต้า เจี์ย ซิน เฑี้ยว,

เฉีย โฮล เญย เห่ว เจี๊ยน ปวัง หว่า ปุน จวั่ง ล์าง เมี่ยน,

ต๋าว หฑวน เมี่ยน ฝุน เป๋น เหฒียว เญย หว่า.

¹⁵ หฒั่นๆ แฑง จ๋า เญย มเซียะ ตอน,

เซ ฮนั้ง ตุ้ย บยู่ง เญย ฮนอย ม่าย บยู่ง หฒั่นๆ เดี๊ยบ เหฌี่ย, ไม้ ตี้ง.

¹⁶ ตั๊ง เจี๊ยน นิ่น เซ ฮนั้ง ตั๊ง เจี๊ยน หฑยาว,

ไฟ หล่ง บย่าว เจี๊ยะ ปั์ว นั้น โย่ว.

¹⁷ ฮนั้ง เฮลียะ เหฑียว เฮลียะ ไหล่ ต้าย,

ล่าน เหธา ล่าน * หย่า ฮนั้ง วั้ว นอ.

¹⁸ หาย เต้า โก๋ว ง่ง หญอ เดี๋ยง ฯฒฯ ตุ๊ หญั่น เดี๋ยง เญย เปี๊ยว.

หาย เต้า โก๋ว นิ่น เญย เฒี้ยว, วั้ว เต้า ฯฒฯ ตุ๊ เมี่ยน ท่าย.

¹⁹ หมั่ง ววม ปวัด กั้น เญย เฮมียน,

เมี่ยน เญย เฮญี้ยว ฟี่ ฮนั้ง เญย ปุน ธีง เมี่ยน ฮนั้ง หาย นอ. *

²⁰ เยี่ยม เกน เหธา หฒุ เหมียด เญย เมี่ยน เยียม เญย ต๋อง, * เหยียด ลิ์ว ไม้ ปวั๊ง.

เมี่ยน เญย มฒีง ปวัด อ๋อย ตุ๊ เญย, เหยียด ลิ์ว หย่า ไม้ เก๋า.

²¹ ญ่าน เคาะ เซ เหว่ย สิน ญ่าน, โล่ว เซ เหว่ย สิน เจียม,

เธง เญย หว่า หย่า ไฮ่ เสย ตุ๊ ธ้วด เมี่ยน.

²² ไม้ กุ๊น เฒาะ เมี่ยน หฮงง เมี่ยน เหธา ฒง หม่วน เญย เบย้า

ตั๊บ เจี๊ยน ตะค้ม แอ๋ง หล่ง ตะจุ้ย ฒง,

เมี่ยน หฮงง เมี่ยน มต้าย ฮนั้ง หน่าย
หฮงง อ๊ะ.

²³ เม่ย อ๋อย หฒุ ฮิ้ว ตุ๊ เม่ย เญย ปะกี ยู่ง กวั้น ฮนั้ง หาย นอ,

หย่า หมั่ง หลง เม่ย เญย ง่ง กวั้น,

²⁴ เหว่ย หฒุ ฒิ่น ฒ่อย ไม้ ไฮ่ เหยียด ลิ์ว ม่าย.

ฮู่ง นี้ง หย่า ไฮ่ เยียม เถา หม่าน โก๊ว หม่าน ต่อย ไฟ?

²⁵ ก๊าด เมี้ย-ฆาย มี่ง,

เมี้ย-หลุน แอ๋ง ธ้วด ต้าย,

บง หฒั่ง เญย ไล-เมี้ย หย่า เซียว เหฑ่ง,

²⁶ วั้ว หฒั่น เม่ย ฯฒฯ ตุ๊ ปะกี ยู่ง ตอน เญย เปยย

เหว่ย โหฒว เม่ย เญย ลุย-โหว.

ยู่ง หย่า เป๋น ลี่ง เต่ย เญย จ๋า-ฒิ่น.

²⁷ ม่าย ยู่ง หญอ เก๋า โหฒว เม่ย เญย
หญั่น ฮบ,

หย่า เก๋า เม่ย เญย เหยียด เปย๊า เมี่ยน,

เลี่ยม เม่ย เญย มเซียะ โปว.