×
ธง-เม่ง หว่า 23
-
1 เม่ย เหธา โหฒว โฮล เญย เมี่ยน จวั่ง เตี้ย หญั่น หฮนาง,
- อ๋อย หฒุ สัม หลง หาย หญู่ง
เยียม เม่ย เญย หฑะเฮมียน.
-
2 สี ก๊อง เม่ย โหฒว เม้า หญั่น เญย เมี่ยน,
- อ๋อย หฒุ เฒาะ หฑุ แฒง เจี๊ยน กั้น เญย จาง-เดี๊ย.
-
3 ไม้ ตู๋ง เม้า หญั่น นิ่น คู้ ไห่ เญย กะน้าย,
- เหว่ย หฒุ เซ ดั๊ว เมี่ยน เญย ไล-หฮนาง.
-
4 ไม้ ตู๋ง ล่าว หลุ่ย เหว่ย ล์อ ฒิ่น ฒ่อย,
- อ๋อย หฒุ ม่าย ธง-เม่ง เก๋า ไฮ่ ตี้ง เหฌี่ย.
-
5 เม่ย ขูง ปู๋ง มฒีง หมั่ง ไม้ ลั่ม หล่ง เญย ฒิ่น ฒ่อย ไฟ?
- เหว่ย หฒุ ฒิ่น ฒ่อย เลี่ยม เฒ่ย ฮนั้ง ธ้วด ด๊าด,
- หย่า ฮนั้ง ต้ม จ๊าง นอ, ได๋ ฝาว ลู่ง.
-
6 ไม้ ตู๋ง หญั่น เมี่ยน ฌับ เมี่ยน เญย ไล-หฮนาง,
- หย่า ไม้ ตู๋ง เม้า นิ่น คู้ เญย กะน้าย.
-
7 เหว่ย หฒุ นิ่น เซ ฮนั้ง เต้า เยียม เฮญี้ยว กะญั์ว ซ้าว เจี๊ยน เญย เมี่ยน.
- นิ่น เห่ว เม่ย, ``กุ๊น หญั่น กุ๊น ฮบ,''
- มป่า นิ่น เญย เฮญี้ยว ไม้ ฮนั้ง หน่าย.
-
8 เม่ย หญั่น ลิ์ว วั้ว เต๋ย ติ๊ เตียน ไล-หฮนาง ฒู้ง หฒุ โล้ ธ้วด,
- เม่ย ก๊อง เญย หว่า-หลง หย่า ด๊อด หมี่ อ๊ะ.
-
9 ไม้ ตู๋ง ก๊อง หว่า ปุน เมี่ยน หฮงง เมี่ยน หมวัง,
- เหว่ย หฒุ นิ่น อ๋อย หมั่ง เผีย เม่ย เญย ธง-เม่ง หว่า.
-
10 ไม้ ตู๋ง ซุ้ย โล์-ฮนอย เต่ย-จ๋าย เญย ต่ง,
- ไฟ เฒาะ กู้ ฮั่น ฝุเจว๊ย
เญย ลี่ง เต่ย,
-
11 เหว่ย หฒุ หฒัวะ นิ่น บัว วั้ว เต้า เฒี้ยว เซ เฮ้น ไห่.
- นิ่น บัว โก๋ เม่ย, เฒี้ยว อ๋อย เถง นิ่น บัว แหธง สี่.
-
12 อ๋อย หฒุ หล่ง เฮญี้ยว หมวัง เมี่ยน หฌาว,
- แปง มน่อม หมวัง ว่วน ฒาง เญย หว่า.
-
13 เม่ย อ๋อย หฒุ เบ๊าะ หฌาว ฝุเจว๊ย,
ไม้ ตู๋ง กวั่ง.
- เม่ย หล่ง ปย๊า ฟิด นิ่น, นิ่น ไม้ ไต่.
-
14 สี ก๊อง เม่ย หล่ง ปย๊า ฟิด,
- เม่ย ฯฒฯ เถง เหฌียว นิ่น เญย แหม่ง ไม้ หฒุ มี่ง เยียม เยี่ยม เกน.
-
15 เยีย เญย ตอน อ้า! สี ก๊อง เม่ย เญย เฮญี้ยว ม่าย ธง-เม่ง,
- เยีย เญย เฮญี้ยว หย่า อะเฮน้ย.
-
16 สี ก๊อง เม่ย เญย ฑุ่ย ก๊อง เฒียน เญย หว่า,
- เยีย เญย เฮญี้ยว ฯฒฯ ออน-เหลาะ ไห่.
-
17 ไม้ ตู๋ง ม่าย เฮญี้ยว เหมว่ย เจี๊ยะ ฒุ์ย-เมี่ยน,
- อ๋อย หฒุ ฮนอยๆ ท่าย เฒี้ยว.
-
18 ฮนั้ง หน่าย เม่ย ฆะฮ้า ฮี้ง เญย เจ๊า ด่ง หาย ฒู้ง ม่าย ลั่ม ฮนั้ม เญย,
- หย่า ไม้ หฒุ จั๊ม กวั่ง.
-
19 เยีย เญย ตอน อ้า! เม่ย อ๋อย หฒุ หมวัง หย่า อ๋อย หฒุ ม่าย ธง-เม่ง,
- แอ๋ง ปุน เม่ย เญย เฮญี้ยว มี่ง วั้ว ติ้ว เจ๊า.
-
20 ไม้ ตู๋ง เหธา เหง ฮบ อะหงุ่น ติ๊ว
- ไฟ เม้า หญั่น อ๊อ เญย เมี่ยน เยียม,
-
21 เหว่ย หฒุ เม้า หญั่น ฮบ ฆวิน เญย เมี่ยน อ๋อย จ่ม.
- เม้า มฌ่อม เญย เมี่ยน ฯฒฯ
ฒุ ลุย-โหว-ฮู้.
-
22 เม่ย เญย เตีย ปุน เม่ย ม่าย แหม่ง, เม่ย อ๋อย หฒุ หมวัง นิ่น.
- เม่ย เญย มา โก๋ ต้าย, ไม้ ตู๋ง หมั่ง เผีย.
-
23 อ๋อย หฒุ ม์าย เฒียน เล์ย หย่า ไม้ ตู๋ง หม่าย.
- อ๋อย หฒุ ม์าย ธง-เม่ง, หฌาว เญย หว่า เหธา ว่วน ฒาง.
-
24 คู้ เมี่ยน เญย เตีย หฒะเก้ง! ออน-เหลาะ ไห่.
- หาย เต้า ตุ๊ ธง-เม่ง เญย ตอน อ๋อย เหว่ย นิ่น อะเฮน้ย.
-
25 อ๋อย หฒุ ปุน เม่ย เญย เตี๋ย หม่า อะเฮน้ย,
- ปุน เม่ย เญย มา หญอ ออน-เหลาะ.
-
26 เยีย เญย ตอน อ่า, หล่ง เฮญี้ยว หมวัง เยีย,
- ปุน เม่ย เญย มฒีง หมั่ง เยีย เญย เจ๊า,
-
27 เหว่ย หฒุ หม่าย ซิน เญย มเซียะ ตอน เซ ฮนั้ง โด ไห่ เญย ค้วด,
- ปวั้ง เลี่ยว เญย มเซียะ ตอน ฮนั้ง เหบ เญย ววม-ค้วด.
-
28 นิ่น เมย เจี๊ยน ฒั้ว ฮนั้ง จั๋น-หฒะ,
- หย่า เยียม ป้าม เมี่ยน บุด๋ง ปุน ไม้ เหฒียบ ฒัวะ เญย เมี่ยน ธั้ม เจี๊ยน ฝาว.
-
29 หาย เต้า ม่าย ขวน น่าน?
- หาย เต้า ม่าย โยว-เฑ่า?
- หาย เต้า ม่าย แฑง จ๋า เญย สี่?
- หาย เต้า ม่าย หละงบ เญย เจ๊า?
- หาย เต้า หฒุ มุน หย่า ไม้ ม่าย กอน-แป๋ง?
- หาย เต้า มฒีง ซิ?
-
30 เซ ต้ง เลี่ยว ลิ่น ฮบ อะหงุ่น ติ๊ว
- เหธา มี่ง เสย ฮบ เผว ต้าย เญย ติ๊ว วั้ว เต๋ย เมี่ยน.
-
31 ไม้ ตู๋ง หมั่ง อะหงุ่น ติ๊ว-ซิ
- เยียม กะญั์ว ฒ้าน แอ๊ง ฌัง,
- ฮบ เหฌี่ย เซ บย่าง เญย.
-
32 เซ้ด เมว์ย น้าย หญู่ง ติ๊ว โตะ ไห่ ฮนั้ง นาง-โตะ เญาะ นอ,
- หย่า ห่อย ฮนั้ง นาง-เจี๊ยะ เญาะ.
-
33 เม่ย เญย มฒีง ฯฒฯ ปวัด กู๊ ไกว๋ เญย สี่.
- เม่ย เญย เฮญี้ยว หย่า หลุ่น, ก๊อง ปู๊ ล่ง ปู๊ ตั๊ง เญย หว่า.
-
34 เม่ย ฯฒฯ ฮนั้ง เปว๋ย เจี๊ยน ค้อย กะญั์ว เญย เมี่ยน,
- หย่า ฮนั้ง เปว๋ย เจี๊ยน ธอง เดีย-บวั้ง เญย เดี้ยว กู้ หงว่าย.
-
35 เม่ย ฯฒฯ ก๊อง, ``เมี่ยน เบ๊าะ เยีย มป่า เยีย ไม้ มุน.
- นิ่น บัว ชะ เบ๊าะ เยีย, เยีย หย่า ไม้ ไฮ์ ฝู่ง.
- เยีย หาย หฒั่น หธีง เญีย?
- เยีย แอ๋ง มี่ง ล์อ ติ๊ว ฮบ.''
