นา^ฮูม
ปิ๋ว เม่ง หว่า
นา^ฮูม โซว
เป๋น ติ้ว ฑูง โห่ว นิ^นะ^เว ต้ม ฒี่ง บาง. โล์-ฮนอย อัด^ซี^เลีย เมี่ยน โหฒว อิ^สะ^ลา^เอน เมี่ยน เญย วิน-วั้ง, ห่อย นิ่น บัว โค้ว ไห่. นิ^นะ^เว โหฒว อัด^ซี^เลีย เมี่ยน เญย ต้ม ฒี่ง. เย^ซู ไม้ แก้ง ธ้วด เสย ฒิ่น ด่าง 600 เล่ง หฮญัง เญย ต๋อง, นิ^นะ^เว บาง หมี่ อ๊ะ. ปวัด เซ หลาย นิ่น บัว โหฒว ตุ๊ โตะ, โหฒว ตุ๊ เหมา, ทิน-ฮู่ง ฯฒฯ ตี่ง นิ่น บัว เญย ฒุ์ย.
| โซว ก๊อง |
| 1:1-15
|
นิ^นะ^เว ฒี่ง หฒุ ตี่ง ฒุ์ย |
| 2:1-3:19
|
นิ^นะ^เว ฒี่ง บาง หมี่ อ๊ะ |
นา^ฮูม 1
นิ^นะ^เว ฒี่ง หฒุ ตี่ง ฒุ์ย
1 น้าย เซ โต่ว ต้าย ก๊อง นิ^นะ^เว ฒี่ง เญย หว่า. น้าย ป๊วน โซว ก๊อง เอน^โขด เมี่ยน, นา^ฮูม, ตุ๊ ปวัด หล่าว ย่าง เญย สี่.
-
2 เฒี้ยว
เซ แฑง เมี่ยน หย่า จ๊าว วิน เญย ทิน-ฮู่ง,
- เฒี้ยว
จ๊าว เซี่ยว หย่า เฉีย เจี์ย ไห่.
- เฒี้ยว
จ๊าว นิ่น เญย วิน-วั้ง เญย วิน,
- หย่า หนิบ เจี๊ยน โน์ว ไห่ นิ่น เญย วิน-จา.
-
3 เฒี้ยว
ไม้ เฉีย เจี์ย เซี้ยบ หย่า ม่าย ต้ม ชะ.
- หาย เต้า ต่อง ฒุ์ย, เฒี้ยว
ฒู้ง ไม้ กวั่ง วั้ว เต้า เญย ฒุ์ย.
- เฒี้ยว
เญย เจ๊า เยียม ต้ม หฑยาว-เจี๊ยะ เหธา ต้ม บยู่ง-หฑยาว,
- บ๋วน โหฒว นิ่น เหฒา-เดี๊ย เญย เนีย-บูง.
-
4 นิ่น หัด ค้อย, ค้อย ฯฒฯ ฆาย.
- นิ่น หย่า ปุน ติ้วๆ ด้าย ฆาย เหฑ่ง.
- บา^ซาน เต่ย เหธา คาน^เมน บง เญย เมี้ย เหญา,
- เล^บา^นอน เญย เมี้ย-เปี้ยง หย่า เหฒี่ย.
-
5 ต้ม บง เยียม นิ่น เญย หฑะเฮมียน ต์ง,
- ฟิ้ว-บง หย่า หยุ เหฑ่ง.
- เยียม นิ่น เญย หฑะเฮมียน เดา-เป้ย หฒุ ญั่นๆ เญย,
- ป้าม เกน หฒุ ต์ง, เมี่ยน ม่าน ซิน หฒิน เหฑ่ง.
-
6 นิ่น เฉีย เจี์ย, หาย เต้า ไฮ่ เยียม ตุ๊?
- นิ่น เฉีย เจี์ย, หาย เต้า ไฮ่ เตี๊ย ตุ๊?
- นิ่น โน์ว ไห่ ฮนั้ง หฌบ ต้ม โต์ว นอ,
- นิ่น ฒู้ง ปุน หละเปย๊ย ฮู้ หม่วน เหฑ่ง.
-
7 เฒี้ยว
เซ หลง ไห่.
- เยียม โค้ว หน่าน ฮนอย นิ่น โหฒว เขา ตุ๊ ว้วน เญย ต๋อง.
- นิ่น หย่า โก๋ว
ด้าว เขา นิ่น เญย เมี่ยน.
-
8 มป่า นิ่น อ๋อย หล่ง ฮ่ง ซุ้ย เหยียม,
- ปุน นิ่น เญย วิน-วั้ง หฒุด เหฑ่ง.
- นิ่น หย่า อ๋อย หฒุ่น นิ่น เญย วิน-จา เปียะ หฮมวัง เญย ต๋อง.
-
9 นิ^นะ^เว เมี่ยน อ้า! เม่ย บัว ต๊า หาย หญู่ง หฒะเอ๋ย ห่อย เฒี้ยว?
- นิ่น อ๋อย ปุน เหธา นิ่น ต๋อย-เตก
วั้ว เต๋ย หฒุ เหมียด เหฑ่ง.
- วิน-วั้ง ฒู้ง ไม้ ตุ๊ เหฌี่ย ตะเหญ่ย หฑุ่น ชะ.
-
10 เม่ย บัว เซ ฮนั้ง ฌิ้ม-บย์อง,
- หย่า ฮนั้ง ฮบ ติ๊ว ฆวิน เญย เมี่ยน,
- หย่า ฮนั้ง เบย้า ฆ้าว ฆาย, อ๋อย หฒุ ปั๊ว ชุย เหฑ่ง.
-
11 ม่าย เต้า เยียม นิ^นะ^เว ธ้วด ต้าย.
- นิ่น ฮนั้ม ธ้วด เอ๊าะ เญย หฒะเอ๋ย โหฒว ปุน เฒี้ยว,
- ขูง ฮนั้ม ธ้วด โหฒว หว่าย เญย หฒะเอ๋ย ฮนั้ง.
12 เฒี้ยว
ฮนั้ง น้าย ก๊อง,
- ``ไม้ กุ๊น อัด^ซี^เลีย เมี่ยน โหย่ว เฮ้น
โหย่ว ธั้ม,
- นิ่น บัว อ๋อย หฒุ ป่าย, หฒุ เหมียด เหฑ่ง.
- โอ ยู^ดา เมี่ยน อ่า, ไม้ กุ๊น เยีย ปุน เม่ย บัว หฒุ เสี่ยว โค้ว,
- เยียม น้าย มี่ง เยีย ไม้ ปุน เม่ย บัว
หฒุ โค้ว อ๊ะ.
-
13 อัด^ซี^เลีย เมี่ยน เญย เดี๋ยง-ก์า
เยียม เม่ย บัว เญย จาง, เยีย อ๋อย ว้วด เน้า,
- หย่า อ๋อย ธุด ตั๋ง โด้ เม่ย บัว เญย หลิ่ม.''
-
14 เฒี้ยว
เฒี้ยง เจี๊ยน นิ^นะ^เว หัด หว่า ก๊อง,
- ``เม่ย บัว
ไม้ ตุ๊ เฒ้ย-ฟุน หฑิบ เจี๊ยน เม่ย บัว เญย บั๋ว.
- เยีย อ๋อย เยียม เม่ย บัว เญย เฒี่ยน เญย เปย๊า
- เหมียด เหฑ่ง เม่ย บัว ติว ต้าย, โต๋ ต้าย เญย หมิ่ว-ฝัง.
- เยีย อ๋อย หลิ่ว เล์ย เม่ย บัว เญย โฒ้ว,
- เหว่ย หฒุ เม่ย บัว เอ๊าะ ไห่.''
-
15 หมั่ง ม่าะ! ม่าย ล่าน เมี่ยน เญย เหฒา
- ยั่ง วั้ว บง ต้าย ต้อ คู้ เฝียน,
- เซ ฒุ่น แป้ง ออน เญย คู้ เฝียน.
- โอ ยู^ดา เมี่ยน อ่า, กุ๊น เจี๋ย เม่ย บัว เญย ฒิบ
- หย่า จ๊าว ซูง เม่ย บัว แล์ง เญย หว่า.
- เหว่ย หฒุ วั้ว เต๋ย เมี่ยน หว่าย เมี่ยน,
- ไม้ แอ๋ง ต้าย ห่อย เม่ย บัว อ๊ะ.
- นิ่น บัว ฒู้ง อ๋อย หฒุ เหมียด เหฑ่ง.
