หน่าน ฒี่ง ฑูง 4 (Lamentations 4)

หน่าน ฒี่ง ฑูง 4

สิ^โอน ฒี่ง บาง, ฆะฮ้า ฮนั้ง หาย นอ *

¹ เจียม เญย ฌัง หฒิด หมี่ อ๊ะ.

เฒียน เจียม หย่า ถุย เซ้ด.

โหฒว สีง ติ่น เญย หละเปย๊ย * ฟ้าด หฑาน

เยียม ติ้วๆ จาย-ห่อง เญย เจ๊า-คู้.

² สิ^โอน จ๋าย ไห่ เญย โฮ่ว แซง

ด่ง เฒียน เจียม จ๋าย.

อี้ หฒั่น ฝุน นิ่น บัว เญย จ๋า-ฒิ่น

ด่ง นั้น เนีย-มอ หฒั่ง เญย ปั์ว
นั้น เญย เนีย-มอ.

³ เลี่ยม เฮยี่ย จู๊ ปุน หญอ

นิ่น บัว เญย ตอน ฮบ,

มป่า เยีย เญย แปะ ฝีง เญย มเซียะ ตอน
อี้ หฒั่น โตะ ไห่,

ฮนั้ง เต่ย-ปูง-ฮวาง เญย เหนาะ ล่อ ท่อ นอ. *

⁴ ฮบ หญอ เญย กู้งว์า เญย เบียด ฆาย,

ฒู้ง แน้ด เจี๊ยน ฑุ่ย ตู์ง.

ฝุเจว๊ย โท้ กะน้าย หญั่น,

มป่า ไม้ ม่าย หาย เต้า ปุน นิ่น บัว.

⁵ หญั่น เกว๋น คู้ เญย กะน้าย วั้ว เต๋ย,

เยียม วั้ว จาย-ห่อง หง่อ ไต่ หมี่ อ๊ะ.

ฒุ เธี่ยว ตุ่น * โฮล ต้าย เญย เมี่ยน,

อี้ หฒั่น เปว๋ย วั้ว หละฟับ-ดุย.

⁶ เยีย เญย แปะ ฝีง หฒุ ตี่ง ฒุ์ย,

ฒู้ง เก้า เฮนี้ย โส^โดม หฒุ ตี่ง เญย.

ด่ง เฑี้ยบ ตั้ง มฒีง
โส^โดม หฒุ เหมียด เหฑ่ง,

หย่า ไม้ ม่าย เมี่ยน เญย ปั์ว มัวะ. *

⁷ สิ^โอน โหฒว โฮล เญย เมี่ยน *
เก้า ธีง-เหฑ่ง ซอง,

หย่า เก้า แปะ เจี๋ย หญอ.

นิ่น บัว เญย ซิน เก้า ซิ ค้อย-เดี๊ย เญย
หละเปย๊ย-ซิ,

นิ่น บัว เญย ฝัง เฒ้ย เหฑว่ย ด่ง
หละเปย๊ย-จ๋าย บั๊ว เญย.

⁸ อี้ หฒั่น นิ่น บัว เญย เฮมียน เก้า เจี๊ยะ โต์ว-เหมี่ย.

เยียม จาย-ห่อง เมี่ยน เฒียะ ไม้ ตุ๊ นิ่น บัว.

นิ่น บัว เญย ด๊บ โซะ แน้ด เจี๊ยน บู๊ง,

โคว ฆาย ฮนั้ง เดี๋ยง นอ.

⁹ หฒุ หฑุ ด๊าว ไต๋ เญย เมี่ยน

ฒู้ง ตุ๊ เก้า หลง หง่อ ไต่ เญย เมี่ยน,

เหว่ย หฒุ หง่อ ไต่ วั้ว เต๋ย กุ๊น โหฒว กุ๊น ไจ่ เหฌี่ย เถา ไต่,

หลาย ไม้ ตุ๊ ลี่ง เต่ย เญย แกง-หฒวัง หญั่น.

¹⁰ เยีย เญย แปะ ฝีง หฒุ เหมียด เญย
เฒี่ยง โห่,

ม่าย เฮญี้ยว ค้อ-เลี่ยน เมี่ยน วั้ว เต๋ย มเซียะ ตอน,

ฒู้ง เฒาะ กั้น เญย ฝุเจว๊ย ต้าย โฒ้ว

เหว่ย เป๋น นิ่น บัว เญย หญั่น ฮบ. *

¹¹ เฒี้ยว หฒะเก้ง เฉีย เจี์ย เถา ต้าว,

กะเฉีย ฯฒฯ แป๊ด ธ้วด ฮนั้ง โต์ว นอ จอม.

นิ่น เยียม สิ^โอน ปุน โต์ว หฌบ ต้าย,

ปั๊ว ชุย ฒี่ง เญย กอน-โด๊ะ.

¹² เยียม เดา-เป้ย เญย ฮู่ง เตี๋ย,

ไฟ เยียม ลู่ง เดี๊ย เญย หม่าน เมี่ยน,

ไม้ เสียน หาย เต้า วิน-วั้ง ไฟ วิน-จา

ไฮ่ ตุ๊ เปียะ เย^ลู^ซา^เลม เญย ฒี่ง แก้ง.

¹³ น้าย เซ หลาย สิ^โอน เญย โต่ว หว่า เมี่ยน เญย ฒุ์ย,

หย่า หลาย นิ่น เญย ไซ เมี่ยน โหฒว
เญย ฒุ์ย.

นิ่น บัว เยียม ฒี่ง กะญั์ว

ปุน คู้ เมี่ยน เญย ฑย้าม เหลี่ยว ธ้วด.

¹⁴ นิ่น บัว ฮนั้ง มฒีง แม่ง เญย เมี่ยน

หฮวา เจี๊ยน กัน จาย-ห่อง มี่ง.

นิ่น บัว หฒุ ฑย้าม กั๊วะ เจี๊ยน ม่าย หวุย,

เมี่ยน ฒู้ง ไม้ ไฮ่ มัวะ นิ่น บัว เญย ลุย-โหว.

¹⁵ เมี่ยน ตอง เจี๊ยน นิ่น บัว เหน่า เจี๊ยน ก๊อง,

"ซิ้ม ฆอย, ซิ้ม ฆอย, ม่าย หวุย เญย.

ซิ้ม ฆอย, ซิ้ม ฆอย, ไม้ ตู๋ง ควัด หฒุ เยีย."

นิ่น บัว ฯฒฯ เปย๋า แอ๋ง โย่ว เจี๊ยน มี่ง.

เยียม หม่าน ฝีง บุด๋ง ม่าย เมี่ยน ก๊อง,

``นิ่น บัว ไม้ ตุ๊ แอ๋ง เหธา บัว เยียม
น้าย อ๊ะ.''

¹⁶ เฒี้ยว กั้น โหฒว ปุน นิ่น บัว ฟ้าด หฑาน เหฑ่ง.

เยียม น้าย มี่ง นิ่น ไม้ หมั่ง นิ่น บัว อ๊ะ.

เมี่ยน ไม้ ท่าย ไซ เมี่ยน,

หย่า ไม้ ค้อ-เลี่ยน เมี่ยน โก๋.

¹⁷ เยีย บัว เญย มฒีง ชะ หมั่ง ฒั้ว เมี่ยน
ต้าย เถง,

หมั่ง เกา, มฒีง ฒู้ง ไม้ ฌัง อ๊ะ.

ฒั้ว เญย เฒี่ยง โห่ เยีย บัว ฒั้ว เจี๊ยน

เหยียด นอม ไม้ ไฮ่ เหฌียว ไม้ ตุ๊ เมี่ยน เญย กั๊วะ.

¹⁸ เมี่ยน หฒุ่น เยีย บัว เญย เหฒา-เบี่ย มี่ง,

เยีย บัว ฯฒฯ ไม้ ไฮ่ ยั่ง เยีย บัว เญย จาย-ห่อง มี่ง.

เยีย บัว ฆะฮ้า ลาย เญย เฒี่ยง โห่ เถา ฟัด,

เยีย บัว เญย ฮนอย-เหญียะ ปวั๊ง อ๊ะ,

เหว่ย หฒุ เยีย บัว เซ้ด เมว์ย เญย เฒี่ยง โห่ เถา.

¹⁹ หฒุ่น เยีย บัว เญย เมี่ยน เก้า เซี้ยบ

เยียม ลู่ง เญย ต้ม จ๊าง.

นิ่น บัว เยียม บง หฒุ่น เยีย บัว,

เยียม เต่ย-ปูง-ฮวาง ปี๋ง เจี๊ยน ฒั้ว
เยีย บัว.

²⁰ เฒี้ยว ออน ต้าย วั้ว เต้า เซ ฮนั้ง บัว เญย บะฒอง เญย เฉีย.

นิ่น หย่า หฒุ ด๊อด นิ่น บัว แฒง ฮลาง
เญย ค้วด.

เยีย บัว ก๊อง เถา นิ่น,

``เยียม นิ่น เญย ต้ง ลิ่น กะเดี๊ย,

เยีย บัว ตุ๊ เยียม หม่าน กั๊วะ บุด๋ง.''

²¹ เยียม อูด เต่ย เญย เอ^โดม เมี่ยน * อ้า!

กุ๊น เฌียน-โย่ว ออน-เหลาะ อ๊ะ.

โค้ว เญย เจ๊า * หย่า อ๋อย เจี๋ย เถา เม่ย บัว หน่าย.

เม่ย บัว ฯฒฯ ฮบ ฆวิน, ไจ๊ เหฑ่ง
ลุย-โหว, แล่ง แก๊ง เญย เยียม.

²² โอ สิ^โอน ฒี่ง เญย เมี่ยน * อ่า, เม่ย บัว หฒุ ตี่ง ฒุ์ย เญย โสว โหม่ว ปวั๊ง หมี่ อ๊ะ.

เฒี้ยว ไม้ ปุน เม่ย บัว แอ๋ง หฒุ กว๊าด มี่ง. *

มป่า เอ^โดม เมี่ยน อ้า! เฒี้ยว อ๋อย ตี่ง เม่ย บัว เญย ฒุ์ย.

อ๋อย ปุน เม่ย โหฒว เญย ฒุ์ย ธ้วด ต้าย แหฆ่ง เญย.