โย้บ 9 (Job 9)

โย้บ 9

โย้บ เตา

โย้บ ก๊อง นิ่น แฑง ไม้ ฮี่ง ทิน-ฮู่ง

¹ โย้บ ฯฒฯ เตา,

² ``เยีย หฒะเก้ง ฮิ้ว ตุ๊ เซ ฮนั้ง หน่าย.

มป่า เมี่ยน ฮนั้ง หาย นอ ไฮ่ เยียม ทิน-ฮู่ง เญย หฑะเฮมียน

เป๋น โหฒว ตุ๊ หอบ เญย เมี่ยน? * โย้บ 4:17

³ สี ก๊อง หาย เต้า ม่าย เฮญี้ยว อ๋อย เหธา นิ่น แฑง,

นิ่น ก๊อง เหยียด ธิน หฑุ่น, เมี่ยน หย่า ไม้ ไฮ่ เตา เหยียด หฑุ่น.

⁴ ทิน-ฮู่ง เญย เฮญี้ยว ม่าย ธง-เม่ง,

นิ่น เญย ชะ หย่า เฮ้น.

หาย เต้า ไฮ่ แหง่ง ทิน-ฮู่ง หย่า แหง่ง ตุ๊ ฮี่ง?

โย้บ เหญี่ยม ทิน-ฮู่ง เซ เฮ้น ไห่

⁵ ``นิ่น เฉีย เจี์ย วั้ว หฒั่น, นิ่น เฒาะ บง เบี๊ยน หฑวน ต้าย.

นิ่น ซุ้ย บง, บง ฒู้ง ไม้ ฮิ้ว.

⁶ ทิน-ฮู่ง ฆั้ม ป้าม เกน ต์ง ธ้วด นิ่น เญย ต๋อง,

เดา เญย เดี้ยว หย่า ต์ง เหฑ่ง.

⁷ นิ่น หัด บะฮนอย, บะฮนอย ฯฒฯ ไม้ ธ้วด,

นิ่น แอ๋ง ปวัง เจี๊ยน หฒวัง เหฮลย.

⁸ นิ่น กั้น ดุ เต้า ธอง ลู่ง,

หย่า ธ้าย ค้อย เญย ววม-หล่าง. *

⁹ นิ่น เหฒย ปะเต๊า เหฮลย เหธา เสี่ย มั์ว-เซียะ เหฮลย,

ฟาม-ธีง เหฮลย เหธา น่าม ปูง เญย เหฮลย. *

¹⁰ นิ่น โหฒว โฮล ไห่ เญย สี่ เจี๋ย ด่าง เยีย บัว ไฮ่ เม่ง แปะ,

โหฒว บัวะ ฮ่อง เญย สี่ ฒู้ง ซ้าว ไม้ ฮี่ง.

¹¹ ทิน-ฮู่ง ยั่ง เยีย เญย กะเฮลน เจี๋ย, เยีย หย่า หมั่ง ไม้ ปวัด.

นิ่น ยั่ง หฑะเฮมียน แหมง เจี๋ย, เยีย หย่า ไม้ ฮิ้ว.

¹² นิ่น เฒาะ นิ่น อ๋อย หล่ง เญย,

ไม้ ม่าย หาย เต้า ไฮ่ ล่าน นิ่น.

หาย เต้า ก๊าม หน่าย นิ่น,

`เม่ย โหฒว หาย หญู่ง?'

¹³ ทิน-ฮู่ง ไม้ ปุน นิ่น เญย กะเฉีย ฟิว,

นิ่น ปุน เถง ลา^หับ * วั้ว เต๋ย หฒุ เยียม นิ่น เญย เหฒา-เดี๊ย.

โย้บ ด่ง หาย อ๋อย ปุน ทิน-ฮู่ง
ฮิ้ว ตุ๊ นิ่น ไม้ ต่อง

¹⁴ ``วั้ว หญู่ง เยีย ฮนั้ง หาย นอ ไฮ่ เตา นิ่น?

เยีย ฮนั้ง หาย นอ ไฮ่ กิ๊น หว่า เหธา นิ่น หลวน?

¹⁵ ไม้ กุ๊น เยีย ไม้ โหฒว ต่อง,

เยีย หย่า ไม้ ไฮ่ เตา นิ่น.

เยีย อ๋อย หฒุ โท้ เซี้ยม เยีย วั้ว เต้า * ค้อ-เลี่ยน เยีย.

¹⁶ สี ก๊อง เยีย เห่ว นิ่น, นิ่น หย่า เตา เยีย,

เยีย ฒู้ง ไม้ เสียน นิ่น หมวัง เยีย เญย เฉีย.

¹⁷ นิ่น หล่ง ต้ม หฑยาว ป่วน เบ๊าะ เยีย,

ปุน เยีย หฒุ มุน เญย ต๋อง ธั้ม เจี๊ยน ฝาว หย่า ไม้ ม่าย กอน-แป๋ง.

¹⁸ นิ่น ฒู้ง ไม้ ปุน เยีย เท้า เฉีย,

ต๋าว หฑวน ปุน เยีย เญย แหม่ง โค้ว เถา เดี๊ย.

¹⁹ สี ก๊อง สาย ชะ, หมั่ง ม่าะ! นิ่น ด่ง หาย เฮ้น!

สี ก๊อง เหว่ย เซี้ยม ฒุ์ย เญย เจ๊า, หาย เต้า ไฮ่ เห่ว นิ่น * ต้าย?

²⁰ ไม้ กุ๊น เยีย ไม้ ต่อง, เยีย กั้น เญย ฑุ่ย อ๋อย ตี่ง เยีย ม่าย ฒุ์ย.

ไม้ กุ๊น เยีย ไม้ ม่าย ต๋อง เฆ่ม, นิ่น อ๋อย ปุน ธีง เยีย ต่อง.

²¹ ``เยีย ไม้ ม่าย ต๋อง เฆ่ม, มป่า เยีย ไม้ กุ๊น
กั้น อ๊ะ.

เยีย โหยว ไห่ เยีย เญย แหม่ง.

²² เหยียด ฒู้ง ฟี่ ฮนั้ง เหฑ่ง. เหว่ย น้าย เยีย ก๊อง,

ไม้ กุ๊น ไม้ ม่าย ต๋อง เฆ่ม เญย เมี่ยน

เหธา เอ๊าะ เมี่ยน, นิ่น เหมียด เหฑ่ง หมี่ อ๊ะ.

²³ เมี่ยน หฒุ เหฒะ หน่าน เลี่ยม เฒ่ย ไต่,

ทิน-ฮู่ง จั๊ด ไม้ โหฒว ต่อง เญย เมี่ยน ปวั้ง เญย เหฒะ หน่าน.

²⁴ ทิน-ฮู่ง เฒาะ ป้าม เกน จิว ปุน เยียม เอ๊าะ เมี่ยน เญย ปั์ว-เดี๊ย.

นิ่น ปวัง เจี๊ยน ป้าม เกน เซี้ยม ฒุ์ย เมี่ยน เญย เฮมียน.

สี ก๊อง ไม้ เฒ์ย นิ่น, เป๋น หาย เต้า?

โย้บ เฒียะ ตุ๊ ไม้ ม่าย
บุด๋ง เมี่ยน เถง นิ่น เหธา ทิน-ฮู่ง ก๊อง

²⁵ ``เยีย เญย ฮนอย-เหญียะ เจี๋ย เซี้ยบ ฮนั้ง สาย ถิว เญย เมี่ยน ถิว นอ.

เยีย เญย ฮนอย เลี่ยม เฒ่ย เจี๋ย หมี่ อ๊ะ, หย่า ไม้ ปวัด หาย หญู่ง หลง.

²⁶ เยีย เญย ฮนอย เจี๋ย เซี้ยบ ฮนั้ง เซี้ยบ ไห่ เญย ฑั้ง นอ, *

ฮนั้ง ต้ม จ๊าง เหฌี่ย เซี้ยบ เฒาะ กะน้าย หญั่น.

²⁷ สี ก๊อง เยีย ก๊อง, `เยีย อ๋อย หละคุ เยีย งบ เญย สี่,

เยีย อ๋อย กวั่ง ฆอย เฮมียน เฑ่า เญย เจ๊า, โหฒว เฌียน-โย่ว อ๊ะ,'

²⁸ เยีย ฯฒฯ กั้ม เหฑีย เยีย เญย เหยียด ฒู้ง โค้ว หน่าน,

เหว่ย หฒุ เยีย ฮิ้ว ตุ๊ เม่ย ไม้ ฝุน เยีย ไม้ ม่าย ต่อง เญย ต๋อง.

²⁹ เยีย ฒู้ง หฒุ ตี่ง ฒุ์ย.

วั้ว หญู่ง เยีย เหว่ย หาย ติ่ว แปะๆ โหฒว โค้ว?

³⁰ สี ก๊อง เยีย หล่ง ซอง หฑาว ซิน,

หล่ง เฑีย เญย ววม หฑาว ปั์ว,

³¹ มป่า เม่ย ฒอย เยีย ด๊อด ค้วด,

เลี่ยม เยีย เญย ลุย-โหว อ๋อย โหยว เยีย.

³² ``ทิน-ฮู่ง ไม้ เฒ์ย ป้าม เมี่ยน ฮนั้ง เยีย นอ,

เยีย ฯฒฯ ไม้ ไฮ่ เหธา นิ่น โหฒว สี่.

³³ เฝย ตุ๊ ม่าย * เต้า เยียม เยีย บัว บุด๋ง เถง หมวัง,

หย่า ไฮ่ เถง เยีย บัว อี ปูง ตุ๋น สี่. *

³⁴ โท้ ทิน-ฮู่ง เฒาะ ฆอย นิ่น เญย ปย๊า ไม้ เบ๊าะ เยีย,

หย่า โท้ ไม้ ตู๋ง โหฒว กั้ม เหฑีย เญย สี่ แฮะ เยีย.

³⁵ วั้ว หญู่ง เยีย ฯฒฯ ก๊อง หว่า หย่า ไม้ กั้ม เหฑีย นิ่น,

เหว่ย หฒุ เยีย ฮิ้ว ตุ๊ เยีย เญย เฮญี้ยว ไม้ ฮนั้ง หน่าย.