โย้บ 10 (Job 10)

โย้บ 10

โย้บ ก๊อง ทิน-ฮู่ง โหฒว ไม้ แป้ง ฟิม

¹ ``เยีย โหยว ไห่ เยีย เญย แหม่ง,

เยีย ฯฒฯ เซว่ย เจี๊ยน ก๊อง เยีย เญย หน่าน ฒี่ง.

เยีย เฮญี้ยว กะญั์ว โค้ว
ฯฒฯ อ๋อย ก๊อง อ๊ะ.

² เยีย อ๋อย ก๊อง บั๋ว ทิน-ฮู่ง, ไม้ ตู๋ง ตี่ง เยีย ม่าย ฒุ์ย.

โท้ ปุน เยีย ฮิ้ว เม่ย เหว่ย หาย ติ่ว เหธา เยีย แฑง.

³ เม่ย เหฒย เมี่ยน แอ๋ง หมั่ง เผีย

เม่ย เญย ปั์ว เหฒย ต้าย เญย กะน้าย,

หย่า เธง เอ๊าะ เมี่ยน เญย หฒะเอ๋ย,

น้าย เต๋ย สี่ เม่ย ไฮ์ หอบ เญย ไฟ?

⁴ เม่ย เญย มฒีง ฮนั้ง ป้าม เมี่ยน เญย มฒีง ไฟ?

เม่ย ปวัด ฮนั้ง ป้าม เมี่ยน ปวัด ไฟ?

⁵ เม่ย เญย ฮนอย * ฮนั้ง ป้าม เมี่ยน เญย ฮนอย ไฟ?

เม่ย เญย หฮญัง หย่า ฮนั้ง เมี่ยน เญย หฮญัง ไฟ?

⁶ ฮนั้ง หน่าย เม่ย หธีง ต้าย ล์อ เยีย โหฒว ต่อง เญย สี่,

แอ๋ง ฒิ่ม ล์อ เยีย เญย ฒุ์ย,

⁷ ไม้ กุ๊น เม่ย ฮิ้ว ตุ๊ เยีย ไม้ ม่าย ต่อง เญย ต๋อง,

หย่า ไม้ ม่าย หาย เต้า เหฌียว เยีย เปย๋า ดุ๊ด เม่ย เญย ปั์ว-เดี๊ย.

โย้บ ก๊อง ทิน-ฮู่ง
หมั่ง นิ่น, อ๋อย เหมียด นิ่น

⁸ ``เม่ย เญย ปั์ว นั้น เยีย, เหฒย เยีย ธ้วด ต้าย,

อี้ หฒั่น เม่ย ต๋าว ฆาง ต้าย อ๋อย เหมียด เยีย.

⁹ โท้ จั๋ง เจี๊ยน เม่ย หล่ง ปะไน่ เนีย เหฒย เยีย,

เม่ย หธ่อ อ๋อย ปุน เยีย หฑวน เป๋น เนีย-บูง ไฟ?

¹⁰ เม่ย โต๋ เยีย ธ้วด ต้าย ฮนั้ง หญอ,

แอ๋ง ปุน เยีย กิ๊ด ต้าย ฮนั้ง หญอ-เฮมย-แหง่ง ไม้ เฒ์ย?

¹¹ เม่ย หล่ง ด๊บ เหธา อ๊อ เป๋น ลุย ปุน เยีย ฒุ,

หย่า หล่ง บู๊ง เหธา จาน ต๋าว เจี๊ยน.

¹² เม่ย ปุน เยีย ม่าย แหม่ง เฒี่ยง

หย่า เหฒียบ ฒัวะ เญย ฮนั้ม เยีย.

เม่ย หย่า หลงๆ เญย เปว เจี๊ยน เยีย เญย แหม่ง.

¹³ ``มป่า น้าย เต๋ย สี่ เม่ย ปี๋ง เจี๊ยน เยียม เฮญี้ยว,

เยีย หย่า ฮิ้ว ตุ๊ น้าย เซ เม่ย เญย หฒะเอ๋ย อ๊ะ.

¹⁴ สี ก๊อง เยีย ป์าม ฒุ์ย
เม่ย หมั่ง เจี๊ยน เยีย.

เม่ย ฒู้ง อ๋อย ตี่ง เยีย เญย ฒุ์ย, ไม้ ปู๋ง กวั่ง.

¹⁵ สี ก๊อง เยีย โหฒว เอ๊าะ,
เยีย หฒุ โค้ว อ๊ะ.

สี ก๊อง เยีย โหฒว หอบ,
เยีย เธา ไม้ เจี์ย มฆ้อง.

เยีย หฒะเก้ง! ไญ้ เหฑ่ง,

หย่า หมั่ง เจี๊ยน เยีย กั้น เญย โค้ว หน่าน.

¹⁶ สี ก๊อง เยีย โป้ว เยีย กั้น ฝาว,

เม่ย หฒุ่น เยีย ฮนั้ง เซี่ยน หฒุ่น นอ.

เม่ย แอ๋ง โหฒว บัวะ ฮ่อง เญย สี่ ห่อย เยีย.

¹⁷ เม่ย แอ๋ง จา เหลียบ ฒอง-เหฒง เมี่ยน ต้าย โก๋ เยีย,

หย่า จา เฉีย เจี์ย เยีย.

เม่ย ต้อ เซียง-จุน-แปง ทิ้ว เจี๊ยน เบ๊าะ เยีย.

โย้บ โท้ ทิน-ฮู่ง
ปู๋ง ฆอย นิ่น เหว่ย หฒุ นิ่น อ๊า ลั่ม ไต่

¹⁸ ``ทิน-ฮู่ง อ้า! เม่ย เหว่ย หาย ติ่ว ต้อ เยีย ธ้วด มา เญย กะเซีย?

เฝย ตุ๊ เยีย ไต่ ด่าง เมี่ยน เญย มฒีง ปวัด เยีย,

¹⁹ ฯฒฯ ฮนั้ง ไม้ ม่าย เจี๋ย เยีย,

เซ เยียม มา เญย กะเซีย มี่ง เถา โฒ้ว หมี่ อ๊ะ.

²⁰ เยีย เฒี่ยง เสย เญย ฮนอย-เหญียะ โหฒะ ไห่ ไม้ เฒ์ย?

โท้ ปู๋ง เยีย กั้น เยียม, ปุน เยีย ตุ๊ เต๋ย เฌียน-โย่ว

²¹ ด่าง เยีย มี่ง ไม้ หฑวน เญย ต๋อง,

เซ มี่ง เยี่ยม เกน, มับ หฮมวัง เญย เต่ย-ปูง.

²² น้าย นอม เต่ย-ปูง เซ หฮมวัง ไห่, หลุ่น เหฑ่ง,

เยียม วั้ว เญย ฌัง หย่า หฮมวัง หมี่ อ๊ะ.''