×
โย้บ 26
โย้บ ธัม หว่า
โย้บ จั๊ด บิน^ดัด ก๊อง เญย หว่า
1 โย้บ ฯฒฯ เตา,
-
2 ``เม่ย เก้ง! เถง เยีย, ต้ง ไม้ ม่าย ชะ เญย เมี่ยน เอาะ?
- เม่ย เก้ง เหฌียว ตุ๊ เมา ไห่ เญย เมี่ยน เอาะ?
-
3 เม่ย เถง ไม้ ม่าย ธง-เม่ง เญย เมี่ยน ธ่าง ล่าง ตุ๊ หลง ไห่,
- หย่า ปุน ธีง เม่ย ม่าย โฮล ไห่ เญย ว่วน ฒาง เอาะ?
-
4 หาย เต้า เถง เม่ย ก๊อง ธ้วด น้าย เต๋ย หว่า?
- ม่าย หาย เต้า ต์ง หฒุ เม่ย ฮนั้ง น้าย นอ ก๊อง?
ทิน-ฮู่ง โฮล ไห่
-
5 ``เยียม เยี่ยม เกน เญย เมี่ยน,
- เซ เยียม ววม-เดี๊ย เหธา ววม กะญั์ว เญย เมี่ยน ญั่นๆ เญย.
-
6 เยี่ยม เกน เยียม ทิน-ฮู่ง เญย หฑะเฮมียน ปวัด ตุ๊ แหฆ่ง เญย,
- หฒุ เหมียด เญย ต๋อง ไม้ ม่าย หาย หญู่ง ท้อง.
-
7 ทิน-ฮู่ง เฒาะ ป๊ะ ปูง เญย ลู่ง ธอง ขูง เญย ต๋อง กู้ หงว่าย,
- หย่า เฒาะ ป้าม เกน ขวัง เจี๊ยน ไม้ ม่าย หาย หญู่ง เญย ต๋อง.
-
8 นิ่น เปว ววม เยียม ปวั๊ง บ๋วน-โฮ์ กะญั์ว,
- ววม หย่า ไม้ โหฒว ปุน บ๋วน บ๋าย.
-
9 นิ่น ปุน บ๋วน ท้อง เจี๊ยน นิ่น เญย เหว่ย,
- เฒาะ นิ่น เญย บ๋วน ธอง ต้าย ปวัง เจี๊ยน.
-
10 นิ่น เยียม ววม-หมิ่น เกว๊ด ฮวีง ก๋อม,
- เยียม ฌัง เหธา หฮมวัง กั๊บ เญย ต๋อง.
-
11 นิ่น เหม ลู่ง เญย เดี้ยว,
- นิ่น บัว ฯฒฯ กั้ม เหฑีย ญั่นๆ เญย.
-
12 นิ่น หล่ง นิ่น เญย ชะ ปุน ค้อย เซ้ก,
- หย่า หล่ง นิ่น เญย ว่วน ฒาง เบ๊าะ ฮี่ง ลา^หับ.
-
13 นิ่น ปุน นิ่น เญย หฑยาว ป่วน ลู่ง ฑัง,
- นิ่น หล่ง นิ่น เญย ปั์ว ฑบ ไต่ เซี้ยบ เญย ต้ม นาง.
-
14 มป่า น้าย เซ ก๊อง เต๋ย ป๊า ทิน-ฮู่ง เญย เจ๊า-โหล่ว.
- เยีย บัว ขูง ไฮ์ ติ๊ เตียน หว่า-ซับ ก๊อง เถา นิ่น ฮนั้ง.
- มป่า นิ่น เญย ต้ม ชะ บุย ฮนั้ง บะอง นอ,
- หาย เต้า ไฮ่ เปียะ เฮญี้ยว?''
