อิ^สะ^ยา 55 (Isaiah 55)

อิ^สะ^ยา 55

ทิน-ฮู่ง อ๋อย เหธย เอน ปุน หฒวัง เมี่ยน

¹ เฒี้ยว ก๊อง,

``จาง ฆ้าด เญย เต้าๆ เมี่ยน อ้า!

ต้าย ม่าะ! เยียม น้าย ม่าย ววม เญย.

ไม้ ม่าย ญ่าน เญย เมี่ยน อ้า!

ต้าย ม์าย หญั่น.

ต้าย ม์าย อะหงุ่น ติ๊ว เหธา ง่ง หญอ,

ไม้ หฒุ ธ้วด ญ่าน, ไม้ ฝุน จ๋า-ฒิ่น. *

² เม่ย บัว เหว่ย หาย ติ่ว หล่ง ญ่าน ม์าย

ไม้ เฒ์ย เฒียน หญั่น ฮบ,

หย่า หล่ง ตุ๊ ต้าย เญย กง-ฒิ่น ม์าย

ไม้ เถง เมี่ยน เป๊ว เญย กะน้าย.

หล่ง เฮญี้ยว หมวัง เยีย หย่า หญั่น หลง เญย หญั่น ฮบ,

เม่ย ฯฒฯ อะเฮน้ย หญั่น เก้า หลง เจี๋ย เญย กะน้าย.

³ เม่ย บัว อ๋อย หฒุ แปง มน่อม หมวัง หย่า ต้าย ล์อ เยีย.

หมวัง ม่าะ! เม่ย ฯฒฯ ตุ๊ เฒี่ยง เจี๊ยน.

เยีย อ๋อย เหธา เม่ย บัว เหลียบ เหยียด ลิ์ว เญย แหง่ง หว่า,

อ๋อย เหฒียบ ฒัวะ เญย ฮนั้ม เม่ย บัว ฮนั้ง ฮนั้ม ดา^วิด นอ. * กง-โฒ่ 13:34

⁴ หมั่ง ม่าะ! เยีย พ้าย นิ่น โหฒว ฒอง-เหฒง ปุน หม่าน ฝีง เมี่ยน,

ปุน นิ่น โหฒว เปย๊ย เฒ้ย, โหฒว ต้ม เจียน กุ๊น หม่าน ฝีง.

⁵ เม่ย ไม้ ฮิ้ว เญย กั๊วะ เญย เมี่ยน เม่ย อ๋อย เห่ว ต้าย.

ไม้ ฮิ้ว ตุ๊ เม่ย วั้ว เญย กั้น กั๊วะ เมี่ยน อ๋อย ถิว ต้าย ล์อ เม่ย,

เหว่ย หฒุ เฒี้ยว, เม่ย เญย ทิน-ฮู่ง,

เซ อิ^สะ^ลา^เอน เญย ธีง-เหฑ่ง ทิน-ฮู่ง

เหธย ฌัง-หล่าง ปุน เม่ย.''

⁶ หธ่อ ล์อ ตุ๊ ปวัด เญย เฒี่ยง โห่

อ๋อย หฒุ ล์อ เฒี้ยว.

นิ่น หธ่อ เยียม ฟัด เญย เฒี่ยง โห่

อ๋อย หฒุ โท้ นิ่น.

⁷ เอ๊าะ เมี่ยน อ๋อย หฒุ เล่ย ฆอย นิ่น โหฒว เอ๊าะ เญย เจ๊า.

เมี่ยน หว่าย เมี่ยน อ๋อย หฒุ กวั่ง ฆอย นิ่น ฮนั้ม ธ้วด เญย สี่.

ปุน นิ่น หฑวน ต้าย ล์อ เฒี้ยว,

เฒี้ยว ฯฒฯ ค้อ-เลี่ยน นิ่น.

ปุน นิ่น หฑวน ต้าย ล์อ
เยีย บัว เญย ทิน-ฮู่ง,

ทิน-ฮู่ง ฯฒฯ กวั่ง เหฑ่ง นิ่น เญย ฒุ์ย.''

⁸ เฒี้ยว ก๊อง,

``เยีย ฮนั้ม เญย สี่ เซ ไม้ ฮนั้ง เม่ย บัว
ฮนั้ม เญย.

เยีย เญย เจ๊า หย่า ไม้ ฮนั้ง เม่ย บัว เญย เจ๊า.

⁹ เหว่ย หฒุ ลู่ง เล่ย เดา ด่ง หาย ฮลัง,

เยีย เญย เจ๊า หย่า ฮนั้ง วั้ว นอ เก้า ฮลัง เม่ย บัว เญย เจ๊า,

เยีย ฮนั้ม เญย สี่ หย่า เก้า ฮลัง เม่ย บัว ฮนั้ม เญย สี่.

¹⁰ บยู่ง เหธา ซอง

เยียม ลู่ง ตุ้ย เหฌี่ย,

หย่า ไม้ ต๋าว ฆาง หฑวน

เถา ปุน เดา ดอน,

เถง ญิม กุ ญ่า เฒี่ยง เปี๊ยว,

ปุน ฮ์า ญิม เญย เมี่ยน ม่าย ญิม ฮ์า,

ปุน หญั่น เญย เมี่ยน ม่าย ล่าง หฒิ. * 2 โค^ลิน^โท 9:10

¹¹ เยีย เญย ฑุ่ย ก๊อง ธ้วด เญย หว่า เซ ฮนั้ง หน่าย, ไม้ แปะๆ ด๊อด,

ฒู้ง หฒิว เยีย ฮนั้ม เญย เจ๊า โหฒว,

หย่า หฒิว เยีย พ้าย มี่ง เญย หฒะเอ๋ย โหฒว เหฒียง.

¹² เม่ย บัว ฒู้ง อ๋อย เฌียนๆ โย่วๆ เญย ธ้วด
บา^บี^โลน.

แป้งๆ ออนๆ เญย หฑวน.

ต้ม บง ฟิ้ว-บง อ๋อย เยียม เม่ย บัว เญย หฑะเฮมียน

ธ้วด เฉีย บุย เญย ป๋าว ฑูง.

เยียม หล่ม-ฮวาง เญย เดี๋ยง หย่า อ๋อย ไบ๋ ปั์ว-ฒ้าง.

¹³ ฒ่ง เดี๋ยง อ๋อย ธ้วด ต้าย ตี๊ ฌิ้ม-เบยาะ,

ฟาน หฒิ เลี่ยว เดี๋ยง * หย่า ธ้วด ต้าย ตี๊ ฌิ้ม-หล่ม.

น้าย เซ โหฒว เหว่ย เฒี้ยว เญย เม่ง,

เป๋น เหยียด ลิ์ว เญย จั๋ง-โห่ หย่า ไม้ ไฮ่ ไพ กวั่ง.''