อิ^สะ^ยา 43 (Isaiah 43)

อิ^สะ^ยา 43

เฒี้ยว เหฌียว นิ่น เญย แปะ ฝีง

¹ โอ ยา^โค้บ อ่า, เหฒย เม่ย ต้าย วั้ว เต้า,

โอ อิ^สะ^ลา^เอน อ่า, นั้น เม่ย ต้าย เญย เฒี้ยว,

อี้ หฒั่น ฮนั้ง น้าย นอ ก๊อง,

``ไม้ ตู๋ง กั้ม เหฑีย เหว่ย หฒุ เยีย หฒัวะ เม่ย หฑวน ต้าย อ๊ะ.

เยีย หฒิว เม่ย เญย บั๋ว เห่ว เม่ย.

เม่ย เป๋น เยีย เญย หมี่ อ๊ะ.

² เม่ย เจี๋ย ววม เญย เฒี่ยง โห่,

เยีย เหธา เม่ย เยียม.

เม่ย เจี๋ย ด้าย,

ด้าย เญย ววม หย่า ไม้ เหยียม เม่ย.

เม่ย ยั่ง โต์ว เจี๋ย,

เม่ย ไม้ หฒุ โต์ว ปั๊ว,

โต์ว-เบียด หย่า ไม้ เหฒียะ เม่ย.

³ เหว่ย หฒุ เยีย เซ เฒี้ยว, เม่ย เญย ทิน-ฮู่ง,

เซ อิ^สะ^ลา^เอน เญย ธีง-เหฑ่ง ทิน-ฮู่ง, เม่ย เญย เหฌียว เฒี้ยว.

เยีย เฒาะ อี^ยิบ โหฒว หฒัวะ เม่ย เญย จ๋า-ฒิ่น,

หย่า เฒาะ เอ^ที^โอ^เปีย * เซ คู้ด. เหธา เส^บา หล่ง ทิ้ว เม่ย.

⁴ เหว่ย หฒุ หฒิว เยีย เญย มฒีง หมั่ง,
เม่ย เซ จ๋าย ไห่.

เยีย ท่าย เม่ย หย่า ฮนั้ม เม่ย.

เยีย ฯฒฯ เฒาะ เมี่ยน หล่ง ทิ้ว เม่ย,

หย่า เฒาะ เหฒีย ฝีง เมี่ยน เหยี่ยน เม่ย เญย แหม่ง.

⁵ ไม้ ตู๋ง กั้ม เหฑีย เหว่ย หฒุ เยีย เหธา เม่ย เยียม.

เยีย อ๋อย ต้อ เม่ย เญย เฒ้ย-ฟุน เยียม ตง ปูง ต้าย,

หย่า เยียม ไฟ ปูง ต้อ เม่ย เญย เมี่ยน ต้าย กั๊บ ฒุ้น.

⁶ เยีย อ๋อย บั๋ว ป๊ะ ปูง, `ปู๋ง นิ่น บัว ม่าะ!'

หย่า อ๋อย บั๋ว น่าม ปูง, `ไม้ ตู๋ง แฑง
นิ่น บัว.'

เยีย อ๋อย ต้อ เยีย เญย ตอน บัว เยียม โก เญย ต้าย,

หย่า เยียม ลู่ง กอน ต้อ เยีย เญย เซียะ หฑวน,

⁷ เซ ตะฟ่าน กัน เยีย เญย บั๋ว เห่ว เญย เมี่ยน,

ต้ง เยีย เหฒย ต้าย เหว่ย ปุน เยีย ตุ๊ ฌัง-หล่าง,

เซ เยีย นั้น ต้าย เหฒย ต้าย เญย เมี่ยน.'

อิ^สะ^ลา^เอน เซ ทิน-ฮู่ง
เญย ฒอง-เหฒง เมี่ยน

⁸ อ๋อย หฒุ ต้อ ม่าย มฒีง มป่า แม่ง เญย,

ม่าย มน่อม มป่า ดูง เญย เมี่ยน ธ้วด ต้าย.

⁹ หม่าน กั๊วะ เมี่ยน อ๋อย หฒุ กั๊บ ฒุ้น,

หฒวัง ฝีง อ๋อย หฒุ ล่ม ฑ่อย ต้าย.

เยียม นิ่น บัว บุด๋ง ม่าย หาย เต้า จา-ด่าง ก๊อง น้าย เต๋ย สี่

หย่า ก๊อง เจี๋ย ต้าย เญย สี่ ปุน เยีย บัว หมวัง?

ปุน นิ่น บัว ต้อ นิ่น บัว เญย ฒอง-เหฒง เมี่ยน ธ้วด ต้าย ปุน ธีง นิ่น บัว หอบ,

เมี่ยน ฯฒฯ หมวัง ไฮ์ หย่า ก๊อง, ``น้าย หฒะเก้ง เฒียน เญย.''

¹⁰ เฒี้ยว ก๊อง, ``เม่ย บัว เซ เยีย เญย
ฒอง-เหฒง เมี่ยน,

หย่า โหฒว เยีย เญย โปว,
ต้ง เยีย กิ๊น วั้ว เต้า,

เหว่ย ปุน เม่ย บัว ไฮ่ ฮิ้ว ตุ๊ หย่า เสียน เยีย,

หย่า เม่ง แปะ เยีย เซ เฒี้ยว.

ธ้วด ลิ์ว เยีย ไม้ ม่าย กั้น เต้า เฒี่ยน. *

ฒิ่น ด่าง ไม้ ม่าย, ฆะฮ้า หย่า ไม้ ม่าย.

¹¹ เยีย, เซ เยีย กั้น, โหฒว เฒี้ยว.

ธ้วด ลิ์ว เยีย ไม้ ม่าย กั้น เต้า เหฌียว เฒี้ยว.

¹² เยีย ปุน เม่ย บัว ฮิ้ว,

หย่า เหฌียว เม่ย บัว หย่า ก๊อง บั๋ว เม่ย บัว,

เซ เยีย, ไม้ เฒ์ย เยียม เม่ย บัว บุด๋ง เญย เหญี่ย เญย เฒี่ยน.''

เฒี้ยว ก๊อง, ``เม่ย บัว โหฒว เยีย เญย ฒอง-เหฒง เมี่ยน,

เยีย เซ ทิน-ฮู่ง.''

¹³ เยียม โล์! ฮนอย ต้าย เยีย มต้าย เหยียด ลิ์ว โหฒว ทิน-ฮู่ง.

ไม้ ม่าย หาย เต้า ไฮ่ เหฌียว เมี่ยน เปย๋า ดุ๊ด เยีย เญย ปั์ว.

เยีย โหฒว เญย หาย หญู่ง, ไม้ ม่าย หาย เต้า ไฮ่ ก๊อย เหยี่ยน.

บา^บี^โลน อ๋อย ปวั้ง เญย สี่

¹⁴ อิ^สะ^ลา^เอน เญย ธีง-เหฑ่ง ทิน-ฮู่ง,

ต้ง หฒัวะ เม่ย บัว วั้ว เต้า เฒี้ยว, ฮนั้ง น้าย นอ ก๊อง,

``เหว่ย เม่ย บัว เญย กอน เยีย พ้าย จุน-แปง กวั้น มี่ง บา^บี^โลน,

เบ๊าะ ป่าย นิ่น บัว เญย เหยียด ฒู้ง ฒี่ง แก้ง,

บา^บี^โลน เมี่ยน * เฌียน-โย่ว เห่ว เญย เฉีย ฯฒฯ ทิ้ว เป๋น เฑ่า เญี้ยม เญย เฉีย. *

¹⁵ เยีย เซ เฒี้ยว, เม่ย บัว เญย ธีง-เหฑ่ง ทิน-ฮู่ง,

ต้ง เหฒย อิ^สะ^ลา^เอน วั้ว เต้า, เม่ย บัว เญย ฮู่ง เตี๋ย.''

¹⁶ เฒี้ยว ฮนั้ง น้าย นอ ก๊อง.

เฒี้ยว คอย ทง ค้อย เญย เจ๊า,

คอย ติ้ว เจ๊า เยียม ต้ม ววม กะญั์ว.

¹⁷ นิ่น ปุน เบ๊าะ จ๋า เญย เธีย เหธา ม์า,

ปุน จุน-แปง เหธา เบ๊าะ จ๋า เฮ้น เญย แปง ธ้วด ต้าย.

นิ่น บัว เปว๋ย เหฌี่ย, เหยียด ลิ์ว ไม้ ไฮ่
เจี์ย ซิน.

นิ่น บัว หฒุด เหฑ่ง, ฮนั้ง ตัง-โธ้ เญย โต์ว ไต่ นอ.

¹⁸ เฒี้ยว ฮนั้ง น้าย นอ ก๊อง,

``ไม้ ตู๋ง จั๋ง เจี๋ย ต้าย เญย สี่,

หย่า ไม้ ตู๋ง หฑั่ม โล์-ฮนอย เญย เจ๊า.

¹⁹ หมั่ง ม่าะ! เยีย อ๋อย โหฒว เหยียด หญู่ง เซียง-สี่,

อี้ หฒั่น ธ้วด ต้าย อ๊ะ. เม่ย บัว ไม้ ปวัด ไฟ?

เยีย อ๋อย เยียม เต่ย-ปูง-ฮวาง คอย เจ๊า,

หย่า ปุน เต่ย-ปูง-ฮ์าน ธ้วด โด๊ะ.

²⁰ หล่ม เญย เฮยี่ย ฒ่อย อ๋อย ท่าย เยีย,

เฮยี่ย จู๊ เหธา เหนาะ ล่อ ท่อ หย่า ท่าย เยีย,

เหว่ย หฒุ เยีย ปุน เต่ย-ปูง-ฮวาง ม่าย ววม,

หย่า ปุน เต่ย-ปูง-ฮ์าน ม่าย โด๊ะ,

เหว่ย ปุน เยีย เญย แปะ ฝีง, เยีย กิ๊น ต้าย เญย เมี่ยน, ม่าย ววม ฮบ,

²¹ เซ เหว่ย เยีย กั้น เหฒย ต้าย เญย เมี่ยน.

นิ่น บัว ฯฒฯ ไฮ่ เธง เยีย.

อิ^สะ^ลา^เอน เญย ฒุ์ย

²² ``โอ ยา^โค้บ อ่า, ไม้ กุ๊น ฮนั้ง หน่าย เม่ย หธ่อ ไม้ เห่ว เยีย.

โอ อิ^สะ^ลา^เอน อ่า, เม่ย ไม้ เหว่ย เยีย เตี๊ย โค้ว เหยียด เต๋ย. *

²³ เม่ย ไม้ ต้อ ปะกี ยู่ง ต้าย เหฒี่ย เยีย,

หย่า ไม้ หล่ง เม่ย เหฒี่ย เญย กะน้าย ท่าย เยีย.

เยีย ไม้ ปุน เม่ย เหว่ย ฝ่ง ห่อ เญย กะน้าย โค้ว,

หย่า ไม้ หฒั่นๆ โท้ ฮูง ปุน เม่ย โค้ว ไห่.

²⁴ เม่ย ไม้ หล่ง ญ่าน ม์าย กั้ม เหฒีย ปุน เยีย,

ไฟ หล่ง เหฒี่ย เญย กะน้าย เญย เฮมย ปุน เยีย ปวั๊ง เฮญี้ยว.

ต๋าว หฑวน เม่ย ปุน เยีย เหว่ย เม่ย เญย ฒุ์ย โค้ว,

เม่ย โหฒว ต่อง ป์าม เญย ฒุ์ย ปุน เยีย หฒะเก้ง โค้ว ไห่.

²⁵ ``ขูง ม่าย เยีย เหว่ย กั้น

ซ้อด กวั่ง เม่ย โหฒว ต่อง เญย สี่,

หย่า ไม้ จั๋ง เม่ย เญย ฒุ์ย.

²⁶ เว้ด ธ้วด เจี๋ย ต้าย เญย สี่ ปุน เยีย หมวัง,

ปุน บัว ล่ม ฑ่อย ต้าย หลวน.

กุ๊น ก๊อง เม่ย เญย เจ๊า ปุน ธีง เม่ย ไม้ ต่อง.

²⁷ เม่ย เญย ต้าว เต้า อง-ถาย-แงะ ป์าม ฒุ์ย.

เม่ย เญย เปย๊ย เฒ้ย * หย่า แหง่ง เยีย.

²⁸ เยีย อ๋อย ปุน เยียม สีง ติ่น โหฒว โฮล วั้ว เต๋ย ม่าย หวุย,

เฒาะ ยา^โค้บ จิว ปุน หฒุ เหมียด เหฑ่ง,

หย่า ปุน อิ^สะ^ลา^เอน หฒุ เมี่ยน ฮว้วด.