ทิน-ฮู่ง ตี่ง นิ่น เญย วิน-วั้ง เญย ฒุ์ย

• ¹ โอ หม่าน กั๊วะ เมี่ยน อ้า! ต้าย ฟัด หมวัง.
• โอ หม่าน เมี่ยน อ้า! อ๋อย หฒุ แปง มน่อม หมวัง.
• เดา-เป้ย เหธา เยียม เดา-เป้ย เญย หม่าน หมวด,
• ลู่ง เดี๊ย เหธา เยียม ลู่ง เดี๊ย ต้าย เญย เหยียด ฒู้ง กะน้าย อ๋อย หฒุ หมวัง.
• ² เหว่ย หฒุ เฒี้ยว เฉีย เจี์ย หม่าน ฝีง,
• นิ่น โน์ว ไห่ นิ่น บัว เญย เหยียด ฒู้ง จุน-แปง.
• นิ่น ฒู้ง อ๋อย เหมียด เหฑ่ง นิ่น บัว,
• อ๋อย จิว ปุน นิ่น บัว หฒุ ไต๋ ไต่.
• ³ หฒุ ไต๋ ไต่ เญย เมี่ยน อ๋อย หฒุ ทอ กวั่ง.
• นิ่น บัว เญย เซย ฮว่วนๆ เญย เหฒวย,
• บง หย่า ม่าย ฑย้าม กั๊วะ ปวั๊ง เหฑ่ง.
• ⁴ ลู่ง หฒั่ง เญย หม่าน หมวด อ๋อย ฮู้ หม่วน,
• ลู่ง หย่า หฌุ่น เจี๊ยน ฮนั้ง หฌุ่น โซว นอ.
• เหฮลย อ๋อย เยียม วั้ว ลู่ง ด๊อด เหฌี่ย
• ฮนั้ง อะหงุ่น เฮมย เญย น่อม โปย้
• หย่า ฮนั้ง ง่ง หญอ เปี๊ยว เยียม วั้ว เดี๋ยง หฒัวะ, โปย้ นอ. * มัด^ทาย 24:29 ; มา^โค 13:25 ; ลู^กา 21:26 ; หล่าว ย่าง 6:13-14
• ⁵ เหว่ย หฒุ เยีย เญย หฑุ ด๊าว เยียม วั้ว ลู่ง ฮบ เป๊ว.
• หมั่ง ม่าะ! น้าย หฑุ ด๊าว เหฌี่ย ต้าย ตี่ง เอ^โดม เญย ฒุ์ย,
• ต้ง เยีย ตี่ง เหฒียง ปุน หฒุ เหมียด วั้ว เต๋ย เมี่ยน. * อิ^สะ^ยา 63:1-6 ; เย^เล^มี 49:7-22 ; เอ^เส^เคน 25:12-14 ; 35:1-15 ; อา^โม้ด 1:11-12 ; โอ^บา^ดี 1-14; มา^ลา^คี 1:2-5
• ⁶ เฒี้ยว เญย หฑุ ด๊าว ม่าย ฑย้าม กั๊วะ ปวั๊ง เหฑ่ง,
• หย่า ม่าย เฮมย กั๊วะ ปวั๊ง.
• ม่าย ปะกี ยู่ง ตอน เหธา ยู่ง เญย ฑย้าม,
• เหธา ปะกี ยู่ง โก๊ว เญย หญุด เฒ้ย เญย เฮมย.
• เหว่ย หฒุ เฒี้ยว เยียม โบ^ซา^ลา ม่าย ฝ่ง ห่อ เหฒี่ย เญย เจ๊า,
• เยียม เอ^โดม เต่ย ม่าย ไต๋ ไต่ เญย สี่ โฮล เญย.
• ⁷ เฮยี่ย ง่ง เหธา ง่ง โก๊ว ตอน,
• เหธา ต้ม ง่ง โก๊ว อ๋อย เหธา นิ่น บัว เหยียด เหฌี่ย คีง.
• นิ่น บัว เญย เต่ย-ปูง หย่า ม่าย ฑย้าม กั๊วะ ปวั๊ง,
• เฮมย หย่า สาม เปียะ เนีย-บูง ดอน เหฑ่ง.
• ⁸ เหว่ย หฒุ เฒี้ยว ม่าย จ๊าว วิน เญย ฮนอย,
• เหว่ย สิ^โอน เญย เจ๊า ม่าย จ๊าว เซี่ยว เญย หฮญัง.
• ⁹ เอ^โดม เญย โด๊ะ อ๋อย ทิ้ว เป๋น เดา เญย ฒูง.
• เนีย-บูง หย่า ทิ้ว เป๋น ฮู่ง, * เซ เผว ฟิว วั้ว หญู่ง ฮู่ง.
• เฒี่ยง นอม เต่ย-ปูง ฯฒฯ เป๋น เหฒียะ เจี๊ยน เญย เดา-โย่ว.
• ¹⁰ โต์ว เฒี่ยง ฮนอย เฒี่ยง ม์วน ฒู้ง ไม้ ไต่,
• โต์ว-เสียว เหยียด ลิ์ว ฝาว.
• ต่อย เจี๋ย ต่อย ฯฒฯ กวั่ง เจี๊ยน ฮวางๆ วั้ว.
• เหยียด ลิ์ว ไม้ ม่าย เมี่ยน เจี๋ย. * หล่าว ย่าง 14:11 ; 19:3
• ¹¹ มป่า เหนาะ กู๊ ลง เหธา เหนาะ มล่ม มิว อ๋อย ตุ๊ เป๋น นิ่น บัว เญย ป่วน.
• ต้ม จ๊าง เหธา เหนาะ อา * เมี่ยน ไม้ ฮิ้ว ตี่ง น้าย เต๋ย เปยย หญู่ง เป๋น หาย หญู่ง เหนาะ ไฟ เฮยี่ย ฒ่อย. หย่า อ๋อย เยียม หน่าย.
• ทิน-ฮู่ง อ๋อย แปง ฮลาง เจี๋ย กู้ หงว่าย เดาะ
• ปุน วั้ว เต๋ย ต๋อง หลุ่น.
• นิ่น อ๋อย หล่ง ตี่ง หฒะ เญย ฮลาง * เป๊ย หมั่ง อิ^สะ^ยา 28:17 . ปุน วั้ว เต๋ย ต๋อง เป๋น กวั่ง ฮวาง เญย ต๋อง.
• ¹² เยียม หน่าย โหฒว โฮล เญย เมี่ยน อ๋อย ธ้วด บั๋ว เห่ว วั้ว เต๋ย เดา, ``ไม้ ม่าย กั๊วะ เยียม หน่าย.''
• นิ่น เญย เหยียด ฒู้ง เจียน ไม้ เป๋น หาย หญู่ง เมี่ยน.
• ¹³ ฌิ้ม อ๋อย บย์อง เปียะ นิ่น เญย ฮู่ง ติ่น,
• ฌิ้ม-โธว ฌิ้ม-หม่วน อ๋อย บย์อง นิ่น เว่ย ว้วน เญย ต๋อง.
• น้าย นอม ต๋อง อ๋อย เป๋น เฮยี่ย จู๊ เยียม เญย ต๋อง, * ไฟ เหนาะ ล่อ ท่อ.
• เป๋น เหนาะ กู๊ ลง เญย เปย๊า.
• ¹⁴ เต่ย-ปูง-ฮวาง เญย เฮยี่ย ฒ่อย อ๋อย ปวั้ง เฮยี่ย จู๊-เปน,
• เฮยี่ย ยู่ง หย่า อ๋อย เห่ว ต่อย.
• ลู่ง ม์วน หฒั่น เญย เฮยี่ย กะน้าย ตี้ง วั้ว,
• แอ๋ง เหว่ย กั้น ล์อ ต๋อง ฮิด.
• ¹⁵ เหนาะ กู๊ ลง อ๋อย เยียม วั้ว โหฒว เล์า เด่า เจ๋า,
• ปั่ว เจ๋า หฒุน ตอน-หลุน,
• หย่า ปุน ตอน เยียม ฒุ้น นิ่น เญย ด๊าด-เดี๊ย.
• ต้ม จ๊าง เหยียด ต๋อย เหยียด ต๋อย เญย
• กั๊บ ฒุ้น เยียม วั้ว.

¹⁶ เม่ย บัว อ๋อย หฒุ เบี๊ยน ล์อ เฒี้ยว เญย โซว โตะ น้าย เต๋ย หว่า.

• น้าย เต๋ย กะน้าย ไม้ ธา เหยียด เต้า ไฟ เหยียด นอม.
• ไม้ ม่าย เหยียด หญู่ง ไม้ ม่าย นิ่น เญย ต๋อย.
• เหว่ย หฒุ เฒี้ยว เญย ฑุ่ย ฮนั้ง น้าย หัด,
• นิ่น เญย สีง ลี่ง หย่า อ๋อย ต้อ นิ่น บัว
  ต้าย ฒุ้น.
• ¹⁷ นิ่น พ้าย ปุน นิ่น บัว เญย ป่วน.
• นิ่น กั้น เญย ปั์ว หล่ง ฮลาง เดาะ ปุน ฆอย.
• นิ่น บัว เหยียด ลิ์ว ตุ๊ หฑิบ เป๋น นิ่น บัว เญย ป่วน.
• ต่อย เจี๋ย ต่อย หย่า ตุ๊ เยียม หน่าย.