เต๋า เก๋า โท้ เถง

• ¹ เม่ย โหฒว เหมียด เญย เมี่ยน อ้า!
• เซ กั้น ไม้ แก้ง หฒุ เหมียด เญย เมี่ยน, เม่ย อ๋อย หฒุ โค้ว อ๊ะ.
• โหฒว กู๊ ไกว๋ สี่ เญย เมี่ยน,
• เซ กั้น ไม้ แก้ง หฒุ เมี่ยน โหฒว
  กู๊ ไกว๋ เญย สี่ ปุน เญย เมี่ยน,
• เม่ย อ๋อย หฒุ โค้ว อ๊ะ.
• เม่ย ตี้ง เหฌี่ย ไม้ โหฒว เหมียด เญย
  เฒี่ยง โห่,
• เม่ย กั้น อ๋อย หฒุ เหมียด.
• เม่ย ตี้ง เหฌี่ย ไม้ โหฒว กู๊ ไกว๋ เญย สี่ วั้ว หฒั่น,
• เมี่ยน ฯฒฯ โหฒว กู๊ ไกว๋ เญย สี่ ปุน เม่ย.
• ² โอ เฒี้ยว อ่า, โท้ ค้อ-เลี่ยน เยีย บัว.
• เยีย บัว ฒั้ว เจี๊ยน เม่ย.
• โท้ ดอมๆ โหฒว เยีย บัว เญย ชะ. * ฮิบ^ลู หว่า ก๊อง ปั์ว.
• เยีย บัว หฒุ โค้ว เญย เฒี่ยง โห่, โท้ โหฒว เยีย บัว เญย เหฌียว เอน.
• ³ ไฮ์ ฌุ่นๆ เญย เฉีย บุย, * ไฟ ``เม่ย เญย เฉีย ฮนั้ง บะอง บุย นอ''.
• หม่าน ฝีง เมี่ยน ฯฒฯ เปย๋า.
• เม่ย เจี์ย ต้าย วั้ว หฒั่น,
• หม่าน กั๊วะ เมี่ยน หฑาน เหฑ่ง.
• <sup>4</sup> นิ่น บัว เญย กะน้าย หฒุ เมี่ยน ธ้าง มี่ง,
• ฮนั้ง จ๊บ-เหญ่ย หลุน หญั่น เหฑ่ง,
• เมี่ยน ดุดๆ เญย เฒาะ ฮนั้ง กวั้น จ๊บ-เหญ่ย หฑบ ปวั๊ง นอ.
• <sup>5</sup> เฒี้ยว ตุ๊ เมี่ยน ท่าย เหว่ย หฒุ นิ่น เยียม ฮลัง เญย ต๋อง,
• นิ่น ปุน แป้ง ฟิม * ไฟ ``นิ่น อ๋อย ปุน แป้ง ฟิม''. เหธา โหฒว หอบ เญย เจ๊า ปวั๊ง สิ^โอน.
• ⁶ เยียม เม่ย เญย เสย เฒ้ย นิ่น อ๋อย เหลียบ กอน-โด๊ะ ว้วน,
• ม่าย ปู๋ง-หฒัวะ เญย เหฌียว เอน เหธา ธง-เม่ง เหธา ว่วน ฒาง.
• นิ่น ท่าย เฒี้ยว เป๋น นิ่น จ๋าย ไห่ เญย
  ฒิ่น ฒ่อย.
• ⁷ หมั่ง ม่าะ! นิ่น บัว เฮ้น ไห่ เญย แปง เยียม จาย-ห่อง ชะ เญี้ยม บุย เญย.
• เหลียบ ถาย-แป้ง เญย กง-โฒ่ เญี้ยม ตุ๊ เฮญี้ยว มุน เญย.
• ⁸ ต้ม เจ๊า ฮวางๆ วั้ว,
• เจี๋ย มี่ง เจี๋ย ต้าย เญย เมี่ยน ไม้ ยั่ง.
• เหลียบ เจี์ย เญย แหง่ง หว่า ด๊อด หมี่ อ๊ะ,
• เมี่ยน หมั่ง เผีย ฒอง-เหฒง เมี่ยน, * ไฟ ฒี่ง.
• หย่า ไม้ ท่าย หาย เต้า.
• ⁹ เดา ฮวางๆ เฑ่าๆ วั้ว,
• เล^บา^นอน หฒุ ไญ้ หย่า โคว ฆาย,
• ซา^โลน ฮนั้ง เต่ย-ปูง-ฮวาง.
• บา^ซาน เหธา คาน^เมน เญย เดี๋ยง-น่อม โปย้ เหฑ่ง.

เฒี้ยว ต๊น นิ่น เญย วิน-วั้ง

• ¹⁰ เฒี้ยว ก๊อง, ``อี้ หฒั่น เยีย อ๋อย เจี์ย ต้าย.
• อี้ หฒั่น เยีย อ๋อย ตุ๊ เมี่ยน ท่าย.
• อี้ หฒั่น เยีย อ๋อย ตุ๊ เมี่ยน เธง.
• <sup>11</sup> เม่ย บัว ต๊า เญย หฒะเอ๋ย เซ ฮนั้ง เบี๊ยะ,
• เม่ย บัว โหฒว เญย เจ๊า ฮนั้ง เบย้า ฆ้าว.
• เม่ย บัว เท้า เญย เฉีย * ไฟ เยีย เท้า เญย เฉีย. เซ ฮนั้ง โต์ว ปั๊ว ชุย เม่ย บัว กั้น.
• <sup>12</sup> หม่าน ฝีง อ๋อย หฒุ ปั๊ว ชุย ฮนั้ง ฮวุย นอ,
• ฮนั้ง ฌิ้ม หฒุ ฮงะ ต้าย ปั๊ว โต์ว.''
• <sup>13</sup> เม่ย บัว เยียม โก เญย เมี่ยน อ้า!
• หมวัง ไฮ์ เยีย โหฒว เญย สี่.
• เม่ย บัว เยียม ฟัด เญย เมี่ยน อ้า!
• อ๋อย หฒุ เหญี่ยม เยีย ม่าย ชะ.
• <sup>14</sup> เยียม สิ^โอน เญย ฒุ์ย-เมี่ยน กั้ม เหฑีย ไห่.
• ไม้ กัน ทิน-ฮู่ง เญย เมี่ยน ซิน หฒิน เจี๊ยน.
• ``เยียม เยีย บัว บุด๋ง, หาย เต้า ไฮ่ เหธา ปั๊ว ชุย เญย โต์ว เยียม?
• เยียม เยีย บัว บุด๋ง, หาย เต้า ไฮ่ เหธา เหยียด ลิ์ว เหฒียะ เญย โต์ว เยียม?'' * ฮิบ^ลู 12:29
• ¹⁵ เซ ต้ง กัน โหฒว หอบ เญย เจ๊า,
• หย่า ก๊อง เฒียน หว่า วั้ว เต้า.
• นิ่น เฆ่ม เหฒย เมี่ยน เหว่ย ตุ๊ ญ่าน เญย สี่,
• หย่า เฝง ปั์ว ไม้ ฒิบ ญ่าน หฮมวัง.
• นิ่น ฒด เจี๊ยน มน่อม ไม้ หมวัง ไต๋ เมี่ยน ปุน ฑย้าม เหลี่ยว ธ้วด เญย หว่า,
• หย่า ฌิบ เจี๊ยน มฒีง ไม้ หมั่ง เอ๊าะ สี่.
• ¹⁶ นิ่น ฒู้ง อ๋อย เยียม ฮลัง เญย ต๋อง.
• นิ่น ด้าว เขา เญย ต๋อง เซ ว้วน ไห่ เญย หละเปย๊ย.
• นิ่น ฒู้ง ตุ๊ ล่าง หฒิ หญั่น.
• นิ่น ฮบ เญย ววม หย่า ไม้ ตั๋ง.

โฮ์ ฆาง เญย ฌัง-หล่าง

• ¹⁷ เม่ย บัว เญย มฒีง ฒู้ง ตุ๊ ปวัด ม่าย ฌัง-หล่าง เญย ฮู่ง,
• หย่า ตุ๊ ปวัด จั๊ง ไห่ เญย เต่ย-ปูง. * ไฟ ``ตุ๊ ปวัด โก เญย เต่ย-ปูง''.
• <sup>18</sup> เม่ย บัว เญย เฮญี้ยว ฯฒฯ เฟย-ฟั้ง
• ฒิ่น ด่าง ธ้วด ต้าย กั้ม เหฑีย ไห่ เญย สี่. * ม่าย เต๋ย โซว ขูง ก๊อง กั้ม เหฑีย ไห่ เญย สี่. ไม้ ม่าย ฒิ่น ด่าง ธ้วด ต้าย... กั้น ฯฒฯ หน่าย กั้น,
• ``เถง ซ้าว วั้ว เต้า เยียม หาย?
• เฑียง โฑว-ฒิ่น วั้ว เต้า เยียม หาย?
• ซ้าว ล่าว วั้ว เต้า เยียม หาย?''
• ¹⁹ เม่ย บัว ไม้ ตุ๊ แอ๋ง ปวัด วั้ว ฝีง เธี้ยว เญย เมี่ยน,
• เซ ก๊อง โด เญย, อะ ตุ๊ เปียะ เฮญี้ยว
  เญย หว่า,
• เซ กั้น ฝีง ก๊อง กั้น หญู่ง,
• ต้ง เม่ย บัว ไม้ ฮิ้ว เญย หว่า.
• ²⁰ หมั่ง สิ^โอน ฒี่ง ม่าะ! เซ เยีย บัว ตี่ง ต้าย เจี๋ย ฒิบ เญย ฒี่ง.
• เม่ย บัว เญย มฒีง อ๋อย ตุ๊ ปวัด เย^ลู^ซา^เลม,
• เซ แป้ง ออน เยียม เญย ต๋อง, ไม้ หฒุ ซุ้ย เญย ด๊บ-ลิ่ว.
• ธอง ด๊บ-ลิ่ว เญย ต่ง เหยียด ลิ์ว
  ไม้ แปง ธ้วด,
• นิ่น เญย เหยียด ติ้ว ฮลาง หย่า ไม้ ตั๋ง.
• ²¹ เยียม วั้ว เฒี้ยว อ๋อย เหว่ย เยีย บัว หิ่น นิ่น เญย ฌัง-หล่าง, * ไฟ ฮ่าง ต้าว.
• เยียม วั้ว ม่าย โด๊ะ ม่าย ด้าย จั๊ง เญย ต๋อง.
• หล่ง เฒ่ย แฑง เญย ฑั้ง ไม้ กัน วั้ว เต๋ย ววม,
• หย่า ไม้ ม่าย เหฑว่ย เญย ต้ม ฑั้ง เจี๋ย.
• ²² เหว่ย หฒุ เฒี้ยว โหฒว เยีย บัว เญย เซี้ยม ฒุ์ย เจียน.
• เฒี้ยว เซ จิว เล์ย-หลัด ปุน เยีย บัว วั้ว เต้า.
• เฒี้ยว ต้ง เยีย บัว เญย ฮู่ง.
• นิ่น อ๋อย เหฌียว เยีย บัว.
• ²³ เม่ย บัว ธอง เญย ฮลาง ดั้น หมี่ อ๊ะ.
• ธอง ฮลาง เญย เดี้ยว ฯฒฯ ไม้ ไฮ่ ว้วน.
• เดีย-บวั้ง หย่า ธอง ไม้ ตุ๊ จั๊ง.
• วั้ว หฒั่น นิ่น บัว ฯฒฯ ปุน ฆอย ธ้าง ต้าย เญย กะน้าย ธั้ม เญย.
• เลี่ยม เหฒา ไบ เญย เมี่ยน หย่า ตุ๊ ธ้าง ต้าย เญย กะน้าย.
• ²⁴ เยียม สิ^โอน ฒี่ง เญย เมี่ยน ไม้ ม่าย หาย เต้า ก๊อง, ``เยีย ปุ๊ด แป่ง.''
• เยียม วั้ว เญย แปะ ฝีง เญย ฒุ์ย หย่า ตุ๊ กวั่ง ลิ์ว อ๊ะ.