โฮ^เซ^ยา โต่ว หว่า ก๊อง
อิ^สะ^ลา^เอน อ๋อย หฒุ ตี่ง ฒุ์ย

• ¹ อิ^สะ^ลา^เอน เมี่ยน อ้า! ไม้ ตู๋ง ฮนั้ง กั้น ฝีง เมี่ยน เฌียน-โย่ว ออน-เหลาะ,
• เหว่ย หฒุ เม่ย บัว * เยียม น้าย เต๋ย เหฒีย เหยี่ยม ฮิบ^ลู หว่า ขูง ก๊อง เม่ย. มป่า ก๊อง หฒุ เหยียด ฝีง เมี่ยน หธีง ฟาน ต้าย ก๊อง เม่ย บัว. โหฒว เหฮยียน เญย เมี่ยน,
• กวั่ง เม่ย บัว เญย ทิน-ฮู่ง.
• เม่ย บัว เยียม นอมๆ เบ๊าะ เบย้า เธี้ยง
• อะเฮน้ย ตุ๊ ธี้ง หม่าย ซิน เมี่ยน เญย จ๋า-ฒิ่น.
• ² เบ๊าะ เบย้า เธี้ยง เหธา เญว่ย อะหงุ่น ติ๊ว เญย ฒ่อง ไม้ เก๋า หวุย นิ่น บัว.
• เซียง-อะหงุ่น ติ๊ว หย่า ตั๋ง หมี่ อ๊ะ.
• ³ นิ่น บัว ไม้ ตุ๊ เยียม เฒี้ยว เญย เต่ย-ปูง.
• มป่า เอ^ฟา^อิม อ๋อย หฒุ หฑวน อี^ยิบ เต่ย-ปูง.
• นิ่น บัว อ๋อย หฒุ เยียม อัด^ซี^เลีย หญั่น ม่าย หวุย เญย กะน้าย.
• ⁴ นิ่น บัว ไม้ ตุ๊ หล่ง อะหงุ่น ติ๊ว เธี้ย ปุน เฒี้ยว,
• หย่า ไม้ ตุ๊ เหว่ย นิ่น บัว ฝ่ง ห่อ เหฒี่ย เญย กะน้าย ปุน นิ่น หอบ เฮญี้ยว.
• นิ่น บัว หญั่น เญย กะน้าย ฯฒฯ ฮนั้ง เฑ่า เญี้ยม เญย เมี่ยน หญั่น เญย กะน้าย.
• เหยียด ฒู้ง หญั่น เญย เมี่ยน ฯฒฯ ม่าย หวุย อ๊ะ.
• เหว่ย หฒุ นิ่น บัว หญั่น เญย เซ เถง กั้น เญย กะเซีย เป๊ว,
• ไม้ ตุ๊ ต้อ เปียะ เฒี้ยว เญย เปย๊า.
• ⁵ เถา ตี่ง ต้าย เจี๋ย ฒิบ เญย ฮนอย,
• เหธา เจี๋ย เฒี้ยว เญย ฒิบ วั้ว ฮนอย,
• เม่ย บัว ฮนั้ง หาย นอ โหฒว?
• ⁶ หมั่ง ม่าะ! นิ่น บัว เปย๋า หฒุ เหมียด เญย เจ๊า, * น้าย เซ กัน ฮิบ^ลู หว่า. กีก หว่า ก๊อง นิ่น บัว มี่ง อัด^ซี^เลีย.
• อี^ยิบ เมี่ยน อ๋อย เซียว นิ่น บัว ฒุ้น,
• เมม^ฟิด เมี่ยน ฯฒฯ ปย๊บ นิ่น บัว เญย เซย.
• หล่ง ญ่าน โหฒว ต้าย จ๋าย เญย กะน้าย
• หฒุ ม่าย ฌิ้ม เญย เมี้ย บย์อง เจี๊ยน,
• นิ่น บัว เญย ด๊บ-ลิ่ว หย่า ธ้วด ฌิ้ม ปวั๊ง เหฑ่ง.
• ⁷ ตี่ง ฒุ์ย เญย ฮนอย-เหญียะ เถา ต้าย อ๊ะ.
• หฒุ จ๊าว วิน เญย ฮนอย เถา, * ลู^กา 21:22
• อิ^สะ^ลา^เอน ฯฒฯ ฮิ้ว อ๊ะ.
• โต่ว หว่า เมี่ยน เป๋น กะน้าย-หฮงง หมี่ อ๊ะ,
• ตุ๊ สีง ลี่ง เญย เมี่ยน ปุ๊ด ดิน
• หลาย เม่ย บัว เญย ฒุ์ย-หนิบ โฮล ไห่,
• หย่า หลาย เม่ย บัว ปะหละ โน์ว.
• ⁸ โต่ว หว่า เมี่ยน โหฒว เยีย เญย ทิน-ฮู่ง เญย แปะ ฝีง, เอ^ฟา^อิม เมี่ยน เญย เซี้ยว แกง เมี่ยน, * ม่าย เต๋ย โซว ก๊อง ``โต่ว หว่า เมี่ยน เหธา เยีย เญย ทิน-ฮู่ง โหฒว เอ^ฟา^อิม เญย เซี้ยว แกง เมี่ยน''.
• มป่า เยียม โต่ว หว่า เมี่ยน เญย ติ้วๆ เจ๊า ม่าย แฒง เหนาะ เญย มู์ง,
• หย่า ม่าย ฑอง เญย สี่ เยียม นิ่น เญย ทิน-ฮู่ง เญย เปย๊า.
• ⁹ นิ่น บัว โหฒว หว่าย สี่ โด ไห่,
• ฮนั้ง เยียม กิ^เบ^อา เญย ฮนอย-เหญียะ นอ, * ต้ม เจียน 19:1-30
• ทิน-ฮู่ง ฯฒฯ จั๋ง นิ่น บัว เญย ฒุ์ย-หนิบ,
• หย่า ตี่ง นิ่น บัว เญย ฒุ์ย.

หลาย อิ^สะ^ลา^เอน เญย ฒุ์ย
ธ้วด ต้าย เญย สี่

• ¹⁰ ``เยีย ล์อ ปวัด อิ^สะ^ลา^เอน
• ฮนั้ง ล์อ ปวัด อะหงุ่น เปี๊ยว เยียม เต่ย-ปูง-ฮวาง.
• เยีย ล์อ ปวัด เม่ย บัว เญย อง-ถาย,
• ฮนั้ง ปวัด ง่ง หญอ เดี๋ยง
• เฒี่ยง ต้าว หฑุ่น เญย ต้าว ถอง เปี๊ยว.
• มป่า นิ่น บัว ต้าย เถา บา^อัน^เป^โอ, * ซ้าว เมี่ยน 25:1-5
• เฒาะ กั้น ฝูง ปุน บา^อัน เฒี่ยน,
• ฯฒฯ ทิ้ว เป๋น กั้ม เฑี้ย เญย กะน้าย
• ฮนั้ง นิ่น บัว ฮนั้ม เญย กะน้าย.
• <sup>11</sup> เอ^ฟา^อิม เมี่ยน เญย ฌัง-หล่าง อ๋อย ฮนั้ง นอม เหนาะ ได๋ มี่ง,
• ไม้ ตุ๊ ยู์ง กู้งว์า,
• ไม้ ม่าย ซิน, ไม้ ม่าย แซง-ยู์ง.
• <sup>12</sup> ไม้ กุ๊น นิ่น บัว ต้อ ฝุเจว๊ย โฮล,
• เยีย อ๋อย เฒาะ นิ่น บัว มี่ง เหฑ่ง, ไม้ เลี่ยว เหยียด เต้า.
• เยีย เล่ย ฆอย นิ่น บัว เญย เฒี่ยง โห่,
• นิ่น บัว อ๋อย หฒุ โค้ว อ๊ะ.
• <sup>13</sup> ฮนั้ง เซี่ยน ต้อ นิ่น เญย ตอน ธ้วด มี่ง หฒุ กะน้าย ไต๋, * น้าย เลี์ยว เญย ฮิบ^ลู หว่า เซ ไม้ เม่ง. ม่าย เต๋ย โซว ฟาน ต้าย ก๊อง ``เอ^ฟา^อิม เซ ฮนั้ง ไท^ละ หฒวัง เจี๊ยน หลง เญย เดา''.
• เอ^ฟา^อิม อ๋อย หฒุ ฮนั้ง วั้ว นอ ต้อ นิ่น เญย น่าม โญ์ว ธ้วด มี่ง หฒุ ไต๋.''
• ¹⁴ โอ เฒี้ยว อ่า, โท้ เหธย ปุน นิ่น บัว.
• เม่ย อ๋อย เหธย หาย หญู่ง ปุน นิ่น บัว?
• โท้ ปุน นิ่น บัว เญย มเซียะ ตอน ไม้ ไฮ่ ม่าย กู้งว์า, * ฟาน หฒะ ก๊อง ``โท้ ปุน นิ่น บัว ม่าย บาง กู้งว์า เญย กู้งว์า-บัวะ''.
• หย่า ปุน นิ่น บัว เญย หญอ ฆาย.

เฒี้ยว ตี่ง อิ^สะ^ลา^เอน เญย ฒุ์ย

• ¹⁵ เฒี้ยว ก๊อง, ``นิ่น บัว โหฒว เญย หญู่งๆ เอ๊าะ สี่ เยียม กิน^กาน.
• เยียม หน่าย เยีย เจี์ย กอน ฑอง นิ่น บัว.
• หลาย นิ่น บัว โหฒว เญย สี่ เอ๊าะ ไห่,
• เยีย อ๋อย หฒุ่น นิ่น บัว ธ้วด เยีย เญย เปย๊า. * ม่าย เต๋ย โซว ฟาน ต้าย ก๊อง เดา-เต่ย.
• เยียม น้าย มี่ง เยีย ฯฒฯ ไม้ ฮนั้ม นิ่น บัว,
• นิ่น บัว เญย เหยียด ฒู้ง เจียน ขูง เฮญี้ยว แหง่ง ฮนั้ง.
• ¹⁶ เอ^ฟา^อิม หฒุ โค้ว.
• นิ่น บัว เญย ฑู่ง ฆาย หมี่ อ๊ะ,
• นิ่น บัว ไม้ ไฮ่ เฒี่ยง เปี๊ยว.
• ไม้ กุ๊น นิ่น บัว ยู์ง กู้งว์า,
• เยีย อ๋อย ไต๋ นิ่น บัว ฮนั้ม เญย ฝุเจว๊ย.''

โต่ว หว่า เมี่ยน ก๊อง อิ^สะ^ลา^เอน

• ¹⁷ เยีย เญย ทิน-ฮู่ง อ๋อย ฒอย นิ่น บัว กวั่ง
• หลาย นิ่น บัว ไม้ หมวัง นิ่น เญย หว่า.
• นิ่น บัว อ๋อย หฒุ โย่ว เจี๊ยน มี่ง หม่าน กั๊วะ บุด๋ง.