• ¹ อิ^สะ^ลา^เอน ฮนั้ง ฒู่ง
• เหฑว่ย ไห่ เญย อะหงุ่น เฮมย
• เฒี่ยง เปี๊ยว กิ๊ด.
• เหยียด เฒย เฒี่ยง เปี๊ยว ธั้ม,
• เหยียด เฒย เหธย เหฒี่ย-ต้อง ธั้ม.
• นิ่น เญย เต่ย-ปูง เหยียด เฒย หลง,
• นิ่น หฒั่ง เฒี่ยน เญย ต่ง เหยียด เฒย เหธย เหฑว่ย.
• ² นิ่น บัว เญย เฮญี้ยว ไกว๋,
• อี้ หฒั่น เหว่ย นิ่น บัว โหฒว ต่อง เญย ฒุ์ย นิ่น บัว อ๋อย หฒุ ดาม-ตอง.
• เฒี้ยว อ๋อย เบ๊าะ ฮู้ นิ่น บัว เญย เหฒี่ย-ต้อง,
• หย่า เหมียด นิ่น บัว หฒั่ง เฒี่ยน เญย ต่ง.
• ³ นิ่น บัว ฯฒฯ ก๊อง, ``เยีย บัว ไม้ ม่าย ฮู่ง
• เหว่ย หฒุ เยีย บัว ไม้ ท่าย เฒี้ยว.
• ไม้ กุ๊น ม่าย ฮู่ง,
• นิ่น เหว่ย เยีย บัว ไฮ่ โหฒว หาย หญู่ง?''
• <sup>4</sup> นิ่น บัว ก๊อง ขูง-หว่า,
• นิ่น บัว โฮ้ว เจี๊ยน แล์ง หว่า มป่า จ๊า เญย.
• ตี่ง ฒุ์ย เญย เจ๊า อ๋อย ฮนั้ง แหล่ง เมี่ยน เญย เมี้ย
• ธ้วด เยียม ไล่ เจี๋ย เญย เด่ย,
• ไล่ เปย๊ย เญย หฒวน กะญั์ว.
• <sup>5</sup> เยียม สะ^มา^เลีย เญย เมี่ยน
• เหว่ย เบด^อา^เวน * เป๊ย หมั่ง โฮ^เซ^ยา 4:15 . เญย ง่ง ตอน
  ซิน หฒิน.
• ป๋าย ง่ง ตอน เญย เมี่ยน อ๋อย เหว่ย ง่ง ตอน เฑ่า เญี้ยม,
• โก๋ว หมิ่ว-ฝัง เญย ไซ เมี่ยน อ๋อย เหว่ย ง่ง ตอน เญี้ยม บุย,
• เหว่ย หฒุ ฌัง-หล่าง เล่ย ฆอย นิ่น หมี่ อ๊ะ.
• <sup>6</sup> น้าย นอม หมิ่ว-ฝัง ฒู้ง หฒุ ต้อ มี่ง
  อัด^ซี^เลีย
• ฝูง เป๋น ฒี่ง เหญ่ย ปุน อัด^ซี^เลีย เญย ต้ม ฮู่ง เตี๋ย.
• เอ^ฟา^อิม อ๋อย หฒุ ไญ้,
• อิ^สะ^ลา^เอน เหว่ย นิ่น ป๋าย เญย หมิ่ว-ฝัง * ฮิบ^ลู หว่า ก๊อง ``ธ่าง ล่าง ต๊า เญย หฒะเอ๋ย''. หฒุ ป่าย เฮมียน.
• ⁷ สะ^มา^เลีย เญย ฮู่ง อ๋อย หฒุ เหมียด
• ฮนั้ง คว้าย เดี๋ยง-เผย-ฒา เยียม ววม-หมิ่น.
• ⁸ เยียม เบด^อา^เวน * ฮิบ^ลู หว่า ขูง ก๊อง อา^เวน. เป๊ย หมั่ง โฮ^เซ^ยา 4:15 . เญย บง กู้ หงว่าย เญย เหฒี่ย-ต้อง,
• เซ อิ^สะ^ลา^เอน ป์าม ฒุ์ย เญย ต๋อง, อ๋อย หฒุ เหมียด.
• ม่าย ฌิ้ม-โธว ฌิ้ม-หม่วน อ๋อย ธ้วด ต้าย
• บย์อง เจี๊ยน นิ่น บัว เญย เหฒี่ย-ต้อง.
• นิ่น บัว อ๋อย ก๊อง บั๋ว ต้ม บง, ``ท้อง เจี๊ยน เยีย บัว ม่าะ!''
• หย่า ก๊อง บั๋ว ฟิ้ว-บง, ``บาง ต้าย ดั๊บ เยีย บัว ม่าะ!'' * ลู^กา 23:30 ; หล่าว ย่าง 6:16

เฒี้ยว ก๊อง ธ้วด อ๋อย ตี่ง
อิ^สะ^ลา^เอน เญย ฒุ์ย

• ⁹ เฒี้ยว ก๊อง, ``อิ^สะ^ลา^เอน เมี่ยน
  ป์าม ฒุ์ย โฮล
• ฮนั้ง เยียม กิ^เบ^อา เญย เฒี่ยง โห่. * ไฟ ``เยียม กิ^เบ^อา เญย เฒี่ยง โห่ ต้าย อิ^สะ^ลา^เอน เมี่ยน หฒั่นๆ ป์าม ฒุ์ย''.
  
• เยียม วั้ว นิ่น บัว หย่า หฒั่นๆ โหฒว เจี๊ยน มี่ง.
• เยียม กิ^เบ^อา เบ๊าะ จ๋า เญย เจ๊า ฯฒฯ ไม้ เฒ์ย อ๋อย หฒุ่น หฒ่าย นิ่น บัว ไฟ? * ต้ม เจียน 19:1-30
• ¹⁰ เอย เยีย เญย เฮญี้ยว เยีย อ๋อย ตี่ง นิ่น บัว เญย ฒุ์ย,
• ปุน หม่าน กั๊วะ เมี่ยน กั๊บ ฒุ้น ต้าย เบ๊าะ นิ่น บัว.
• วั้ว หฒั่น หลาย นิ่น บัว โหฒว เญย อี เหยี่ยม ฒุ์ย นิ่น บัว หฒุ โด้.
• ¹¹ เอ^ฟา^อิม เซ ฮนั้ง เต้า หฌาว ลิ์ว เญย
  ง่ง เญ์ย,
• อะเฮน้ย เญว่ย เบย้า.
• เยีย หย่า ค้อ-เลี่ยน นิ่น เหฑว่ย ไห่ เญย จาง.
• มป่า เยีย อ๋อย เฒาะ เดี๋ยง-ก์า ปุน เอ^ฟา^อิม ก์า เจี๊ยน,
• ยู^ดา อ๋อย หฒุ ไล่ เดา,
• ยา^โค้บ หย่า อ๋อย หฒุ เหว่ย กั้น กว้าย เดา.
• ¹² เม่ย บัว อ๋อย หฒุ เหว่ย กั้น หฒวัง แป้ง ฟิม เญย ญิม,
• ฯฒฯ เซียว ตุ๊ เหฒียบ ฒัวะ ฮนั้ม เญย เจ๊า.
• อ๋อย หฒุ โหฒว ปุน เม่ย บัว เญย เดา หม่วน, * เย^เล^มี 4:3
• เหว่ย หฒุ อี้ หฒั่น เถา เฒี่ยง โห่ ล์อ เฒี้ยว,
• ฒั้ว นิ่น ต้าย ปุน แป้ง ฟิม เญย เจ๊า * ไฟ เหฌียว เอน.
• ฮนั้ง บยู่ง นอ, ตุ้ย เหฌี่ย เถา เม่ย บัว.
• ¹³ เม่ย บัว หฒวัง เญย เซ ฒุ์ย,
• เม่ย บัว เซียว เญย เซ ไม้ แป้ง ฟิม เญย สี่.
• เม่ย บัว หญั่น เญย เซ ก๊อง-แปะ เญย เปี๊ยว.
• เหว่ย หฒุ เม่ย บัว เขา กั้น เบ๊าะ จ๋า เญย ม์า-เธีย,
• หย่า เขา เม่ย บัว เบ๊าะ จ๋า เฮ้น เญย
  แปง ธั้ม,
• ¹⁴ เบ๊าะ จ๋า เญย เฉีย บุย ฯฒฯ เยียม เม่ย บัว เญย แปะ ฝีง บุด๋ง.
• เม่ย บัว เหยียด ฒู้ง เว่ย ว้วน เญย ต๋อง อ๋อย หฒุ ป่าย,
• ฮนั้ง เยียม เบ๊าะ จ๋า เญย ฮนอย,
• ซัน^มัน ฮู่ง เหมียด เหฑ่ง เบด^อาน^เบน ฒี่ง.
• ม่าย เต๋ย มา เหธา เจี๊ยน นิ่น บัว เญย ฝุเจว๊ย
• หย่า หฒุ ฒง หม่วน เหฑ่ง.
• ¹⁵ อิ^สะ^ลา^เอน เญย เฒ้ย-ฟุน อ้า! * น้าย เต๋ย หว่า ฟาน กัน กีก หว่า. ฮิบ^ลู หว่า ก๊อง เบด^เอน อ้า!
• เม่ย บัว อ๋อย หฒุ เมี่ยน ฮนั้ง น้าย โหฒว ปุน เม่ย บัว,
• หลาย เม่ย บัว โหฒว ต้ม เอ๊าะ สี่.
• เถา ลู่ง เบี์ยวๆ ฌัง,
• อิ^สะ^ลา^เอน เญย ฮู่ง ฯฒฯ หฒุ เหมียด เหฑ่ง.