หฒุ เหฒย, ไม้ ม่าย เมี่ยน ออน เฮญี้ยว

¹ เยีย แอ๋ง หมั่ง ฯฒฯ ปวัด เยียม เสย หฒั่ง เหยียด ฒู้ง เหฒย เมี่ยน เญย สี่.

• หมั่ง ม่าะ! เยีย ปวัด หฒุ เหฒย เญย เมี่ยน เญย ววม-เหมว่ย เหลี่ยว เหฌี่ย,
• นิ่น บัว หย่า ไม้ ม่าย หาย เต้า ออน เฮญี้ยว.
• เหฒย เมี่ยน วั้ว เต๋ย ม่าย หลี่ง ม่าย ชะ เญย,
• หย่า ไม้ ม่าย หาย เต้า ออน หฒุ เหฒย เญย เมี่ยน เญย เฮญี้ยว.
• ² เหว่ย น้าย เยีย ฮนั้ม ต้าย, ไต่ ลิ์ว เญย เมี่ยน ไต่ มี่ง,
• ฒู้ง เก้า หลง เฒี่ยง เจี๊ยน เญย เมี่ยน นั่ง เมี่ยน.
• ³ มป่า เก้า หลง เจี๋ย น้าย เต๋ย อี หญู่ง
• เซ ไม้ แก้ง ตุ๊ ธ้วด เสย เญย เมี่ยน,
• เหว่ย หฒุ นิ่น บัว ไม้ ตุ๊ ปวัด
• เยียม น้าย เสย หฒั่ง เญย หาย หญู่ง
  เอ๊าะ สี่.

โหฒว กง เญย เจ๊า

⁴ เยีย แอ๋ง ปวัด เหยียด ฒู้ง ล่าว หลุ่ย เหธา ธ้วด ปั์ว-เต้า โหฒว เญย กง เซ เหว่ย หฒุ เมี่ยน เหธา นิ่น เญย จวั่ง ล์าง เมี่ยน, ล่าน เหมว่ย เจี๊ยะ ล่าน. น้าย เซ ฟี่ ฮนั้ง เญย ขูง-ม่อง. เซ ขูง ปุน หฑยาว สาว ฮนั้ง.

• ⁵ เมี่ยน หฮงง เมี่ยน ชบ เจี๊ยน ปั์ว,
• ฒั้ว เจี๊ยน หง่อ ไต่.
• ⁶ ตุ๊ เหยียด เญา ฯฒฯ เฮญี้ยว ฆาย
• เซ เก้า หลง อ๋อย หฒุ ล่าว หลุ่ย
  เหว่ย ตุ๊ อี เญา.
• น้าย เซ ขูง ปุน หฑยาว สาว ฮนั้ง.

⁷ เยีย แอ๋ง ปวัด เหยียด หญู่ง เยียม ลู่ง เดี๊ย ขูง-ม่อง.

• ⁸ ม่าย ดุ ล่าน เมี่ยน กั้น เยียม ฮนั้ง.
• นิ่น ไม้ ม่าย ฝุเจว๊ย,
  ไม้ ม่าย มั์ว-ต่อย,
• มป่า นิ่น ไม้ ตี้ง ฮิด เญย ล่าว หลุ่ย โหฒว.
• นิ่น เญย มฒีง หมั่ง นิ่น เญย ฒิ่น ฒ่อย หาย หฒั่น หย่า ไม้ เก๋า.
• นิ่น ไม้ หน่าย กั้น, ``เยีย เหว่ย หาย เต้า ล่าว หลุ่ย โหฒว กง,
• ห่อย กั้น ไม้ ตุ๊ เฌียน-โย่ว?''
• น้าย หย่า ขูง-ม่อง,
• เซ โค้ว เจี๊ยน เยียม ฮนั้ง.
• ⁹ อี ล่าน เมี่ยน เซ เก้า หลง เหยียด ล่าน
• เหว่ย หฒุ อี ล่าน ล่าว หลุ่ย โหฒว,
  นิ่น บัว เก้า ตุ๊ หลง.
• ¹⁰ สี ก๊อง เหยียด ล่าน ดอบ,
• นิ่น เญย ต่อย ไฮ่ เคน นิ่น เจี์ย ซิน ต้าย.
• มป่า เหยียด ล่าน เมี่ยน กั้น เยียม,
• นิ่น ดอบ เหฌี่ย, ไม้ ม่าย เมี่ยน เคน นิ่น เจี์ย ซิน,
• นิ่น ฯฒฯ โค้ว อ๊ะ.
• ¹¹ แอ๋ง ม่าย หญู่ง. สี ก๊อง อี ล่าน จวั่ง เจี๊ยน เปว๋ย, นิ่น บัว ไฮ่ เซี้ยว.
• มป่า เหยียด ล่าน เมี่ยน กั้น เปว๋ย,
  ฮนั้ง หาย นอ ไฮ่ เซี้ยว?
• ¹² ไม้ กุ๊น เหยียด ล่าน เมี่ยน ไฮ่ เบ๊าะ ตุ๊ ฮี่ง เหยียด ล่าน,
• อี ล่าน ด่ง หาย ฒู้ง ไฮ่ เบ๊าะ ตุ๊ ฮี่ง นิ่น.
• ปัว โก๊ว กิ๊ด ต้าย เญย ฮลาง-เซี้ยด,
• ไม้ ฮู่ง เห่ ตั๋ง.

¹³ จ่ม มป่า ม่าย ธง-เม่ง เญย เมี่ยน หลุน เมี่ยน เซ เก้า หลง โก๋ เญย, หฮงง เญย ฮู่ง เตี๋ย, ต้ง อี้ หฒั่น ไม้ คั้ง หมวัง เมี่ยน ขวิน เญย หว่า, ¹⁴ ไม้ กุ๊น นิ่น เยียม โล่ ธ้วด ต้าย ฝาว เหว่ย โหฒว ฮู่ง ไฟ เยียม นิ่น กั้น เญย กั๊วะ ธ้วด เสย เป๋น เมี่ยน จ่ม เมี่ยน. ¹⁵ เยีย ปวัด เยียม เสย หฒั่ง เจี๋ย มี่ง เจี๋ย ต้าย เญย เมี่ยน, หย่า ปวัด หฑิบ เจี๊ยน โหฒว ฮู่ง วั้ว เต้า เมี่ยน หลุน เมี่ยน. ¹⁶ นิ่น กุ๊น เญย หฒวัง เมี่ยน ธั้ม, ฒู้ง ไม้ ม่าย โสว โหม่ว. มป่า เยียม นิ่น ฆะฮ้า ต้าย เญย เมี่ยน, ไม้ ม่าย หาย เต้า อะเฮน้ย นิ่น. หฒะเก้ง เฒียน เญย, น้าย เซ ขูง-ม่อง. เซ ขูง ปุน หฑยาว สาว ฮนั้ง.