1 หญู่งๆ ม่าย ตี่ง เญย ธุน-เธียว.
9 ล่าว หลุ่ย โหฒว เญย กง-เมี่ยน ตุ๊ หาย หญู่ง หลง? 10 เยีย ปวัด ทิน-ฮู่ง ปุน ป้าม เมี่ยน เต้าๆ ม่าย นิ่น กั้น เญย กง โหฒว. 11 ทิน-ฮู่ง ปุน หม่าน หมวด หฒิว กั้น เญย ธุน-เธียว เหฑว่ย. ทิน-ฮู่ง เฒาะ เหยียด ลิ์ว เญย เจ๊า เฮยี้ยด เจี๊ยน ป้าม เมี่ยน เญย เฮญี้ยว. มป่า ป้าม เมี่ยน หธ่อ ฮิ้ว ไม้ เถา เยียม กอน เถา เซ้ด เมว์ย ทิน-ฮู่ง โหฒว หาย หญู่ง. 12 ป้าม เมี่ยน เฒี่ยง เสย หฒั่ง, ไม้ ม่าย หาย หญู่ง เก้า หลง นิ่น อะเฮน้ย โหฒว หลง หฒิว นิ่น โหฒว ตุ๊ เถา เญย. * 13 ทิน-ฮู่ง เหธย ปุน เต้าๆ ป้าม เมี่ยน ตุ๊ หญั่น ตุ๊ ฮบ หย่า ปวั๊ง เฮญี้ยว นิ่น ล่าว หลุ่ย โหฒว เญย กง. 14 เยีย ฮิ้ว ตุ๊ ทิน-ฮู่ง โหฒว เญย เหยียด ฒู้ง อ๋อย เหยียด ลิ์ว เยียม. ไม้ ไฮ่ ทิบ เต๋ย เปียะ, ไม้ ไฮ่ เฒาะ เต๋ย ธ้วด. ทิน-ฮู่ง ฮนั้ง หน่าย นอ โหฒว เหว่ย อ๋อย เมี่ยน เยียม นิ่น เญย หฑะเฮมียน กั้ม เหฑีย นิ่น, ท่าย นิ่น.
16 เยีย ปวัด เยียม น้าย เสย หฒั่ง แอ๋ง ม่าย เหยียด หญู่ง.
17 เยีย เยียม เฮญี้ยว ฮนั้ม,
18 เยีย เยียม เฮญี้ยว แอ๋ง ฮนั้ม, ``ทิน-ฮู่ง เสย ป้าม เมี่ยน เหว่ย ปุน นิ่น บัว เฒียะ ตุ๊ นิ่น บัว เซ ฮนั้ง แซง-คู้. 19 เหว่ย หฒุ ป้าม เมี่ยน ปวั้ง เญย เหธา แซง-คู้ ปวั้ง เญย, อี หญู่ง ฒู้ง ฟี่ ฮนั้ง เญย. เหยียด หญู่ง ฮนั้ง หาย นอ ไต่, วั้ว หญู่ง หย่า ฮนั้ง วั้ว นอ ไต่. อี หญู่ง ฒู้ง ฟี่ ฮนั้ง เญย เท้า เฉีย. ป้าม เมี่ยน ไม้ ม่าย หาย หญู่ง เก้า หลง แซง-คู้ เหว่ย หฒุ เหยียด ฒู้ง เซ ขูง-ม่อง เญย สี่. 20 อี หญู่ง ฒู้ง มี่ง เหยียด นอม ต๋อง. เหยียด ฒู้ง เยียม เนีย-บูง เป๋น ธ้วด ต้าย. เหยียด ฒู้ง แอ๋ง หฑวน เป๋น เนีย-บูง. 21 หาย เต้า ไฮ่ ฮิ้ว ตุ๊ ป้าม เมี่ยน เญย ว่วน ฝาว กู้ หงว่าย ไฟ ฮิ้ว ตุ๊ แซง-คู้ เญย ว่วน เปียะ เดา?''
22 เหว่ย น้าย เยีย ปวัด ไม้ ม่าย เหยียด หญู่ง เก้า หลง เจี๋ย ป้าม เมี่ยน อะเฮน้ย นิ่น โหฒว เญย ป่วน กง, เหว่ย หฒุ เป๋น นิ่น กั้น เญย ป่วน. หาย เต้า ไฮ่ ต้อ นิ่น เฒียะ ตุ๊ นิ่น เกวย เสย ลิ์ว, อ๋อย ม่าย หาย หญู่ง สี่ ธ้วด ต้าย?