ธง-เม่ง เมี่ยน โหฒว เญย สี่

• ¹ เฒาะ เม่ย เญย ล่าง หฒิ ฮ์า เหฌี่ย ววม-หมิ่น,
• เหว่ย หฒุ ฆะฮ้า เหฒีย ฮนอย เม่ย ฯฒฯ แอ๋ง ล์อ ปวัด ต้าย.
• ² เฒาะ ป่วน ปุน เสี่ย เต้า เมี่ยน,
• ฒู้ง ปุน เถา เหฮยียด เต้า,
• เหว่ย หฒุ เม่ย ไม้ ฮิ้ว ตุ๊
• เยียม น้าย ลู่ง เดี๊ย อ๋อย ม่าย หาย หญู่ง เหฒะ หน่าน.
• ³ สี ก๊อง บ๋วน ม่าย ววม ปวั๊ง,
• นิ่น ฯฒฯ โต๋ เหฌี่ย เดา-เป้ย อ๊ะ.
• ไม้ กุ๊น เดี๋ยง เน้า มี่ง น่าม ปูง ไฟ ป๊ะ ปูง,
• เน้า เหฌี่ย หาย นอม ต๋อง ฯฒฯ เยียม
  วั้ว อ๊ะ.
• ⁴ หาย เต้า หมั่ง หฑยาว
  ฯฒฯ ไม้ ฮ์า ญิม,
• หาย เต้า หมั่ง บ๋วน
  ไม้ ตุ๊ ก๊าด เบย้า.
• ⁵ ฮนั้ง เม่ย ไม้ ฮิ้ว ตุ๊ หฑยาว * น้าย โจ๋ว ฮิบ^ลู หว่า ไฮ่ ฟาน เป๋น หฑยาว ไฟ เฉีย ไฟ ลี่ง ว่วน. เยียม หาย ติ่ว เจ๊า ต้าย,
• ไฟ เยียม มา เญย กะเซีย, กู้งว์า เญย บู๊ง ฮนั้ง หาย นอ ไฮ่ เป๋น ต้าย,
• ฟี่ ฮนั้ง เญย เม่ย ไม้ ไฮ่ เม่ง แปะ ทิน-ฮู่ง,
• ต้ง เหฒย หม่าน หมวด วั้ว เต้า,
  โหฒว เญย กง.
• ⁶ ลู่ง ดอม เม่ย อ๋อย หฒุ ฮ์า เม่ย เญย ญิม,
• ลู่ง ม์าน-หฮมวัง หย่า ไม้ ตู๋ง ปุน เม่ย เญย ปั์ว ตี้ง,
• เหว่ย หฒุ เม่ย ไม้ ฮิ้ว ตุ๊ หาย หญู่ง ธ้วด ต้าย หลง,
• ลู่ง ดอม ฮ์า เญย ไฟ ลู่ง ม์วน ฮ์า เญย,
• ไฟ อี หญู่ง ฒู้ง ฟี่ ฮนั้ง หลง เญย.
• ⁷ ฌัง มต้าย หลง เญย,
• มฒีง ปวัด บะฮนอย ฯฒฯ ไฮ์ อะเฮน้ย เญย.
• ⁸ สี ก๊อง เมี่ยน เฒี่ยง ตุ๊ ธั้ม-หฮญัง,
• กุ๊น ปุน เมี่ยน อะเฮน้ย น้าย เต๋ย เหยียด ฒู้ง หฮญัง-ต้าว,
• มป่า ปุน นิ่น จั๋ง เถา หฮมวัง เญย ฮนอย-เหญียะ
• เหว่ย หฒุ น้าย เต๋ย ฮนอย-เหญียะ ฒู้ง ม่าย ธั้ม.
• หญู่งๆ ธ้วด ต้าย เญย สี่ เซ ขูง-ม่อง.

ขวิน เมี่ยน หลุน เมี่ยน

• ⁹ เมี่ยน หลุน เมี่ยน อ่า, เยียม เม่ย หฮญัง-เจ๊ย หลุน เญย เฒี่ยง โห่ กุ๊น ออน-เหลาะ.
• เยียม เม่ย หลุน เญย ฮนอย-เหญียะ กุ๊น ปุน เม่ย เญย เฮญี้ยว เฌียน-โย่ว.
• เม่ย เญย เฮญี้ยว อ๋อย โหฒว เญย กุ๊น โหฒว,
• เม่ย เญย มฒีง ปวัด หาย หญู่ง กุ๊น หมั่ง อ๊ะ.
• มป่า อ๋อย หฒุ ฮิ้ว ตุ๊ หฒิว เม่ย โหฒว เญย น้าย เต๋ย เหยียด ฒู้ง สี่,
• ทิน-ฮู่ง อ๋อย เซี้ยม.
• ¹⁰ ฮนั้ง หน่าย, อ๋อย หฒุ เยียม เฮญี้ยว เฒาะ ธ้วด เฑ่า ฟ่าน เญย สี่,
• หย่า ซิ้ม ฆอย หาย หญู่ง ห่อย เม่ย เญย ซิน หฒุ โค้ว,
• เหว่ย หฒุ นิน ตอง เหฒียบ เป๊ด เญย เฒี่ยง โห่ เซ ขูง-ม่อง เญย สี่.