หฮงง เญย เจ๊า ธ้วด เญย สี่

• ¹ มู์ง ไต่ โหฒว ปุน ดาง เญย โย่ว เหฒวย มี่ง.
• ติ๊ เตียน หฮงง เญย เจ๊า หย่า ไฮ่ โหฒว หว่าย ธง-เม่ง เหธา ฌัง-หล่าง.
• ² ธง-เม่ง เมี่ยน เญย เฮญี้ยว ต้อ นิ่น อ๋อย โหฒว หอบ.
• เมี่ยน หฮงง เมี่ยน เญย เฮญี้ยว ต้อ นิ่น มี่ง โหฒว ต่อง.
• ³ เมี่ยน หฮงง เมี่ยน ยั่ง กัน เจี๊ยน เจ๊า มี่ง, นิ่น ไม้ จั๋ง หาย หญู่ง.
• นิ่น กั้น ฒู้ง ปุน หฒวัง เมี่ยน เฒียะ ตุ๊ นิ่น เซ เมี่ยน หฮงง เมี่ยน.
• ⁴ สี ก๊อง กุ๊น เม่ย วั้ว เต้า เฉีย เจี์ย เม่ย, ไม้ ตู๋ง ธ้วด เม่ย เญย ต๋อง,
• เหว่ย หฒุ เฮญี้ยว เญี์ยน ตุ๊, ไฮ่ เถง ซิ้ม ฆอย, ไม้ เป๋น สี่ โฮล.
• ⁵ เยีย ปวัด เยียม เสย หฒั่ง ม่าย เหยียด หญู่ง เอ๊าะ สี่,
• เซ เป๋น เหยียด หญู่ง ต่อง เญย สี่ เยียม โหฒว โฮล กุ๊น สี่ เมี่ยน ธ้วด ต้าย,
• ⁶ เซ ตุ๊ เหลียบ เมี่ยน หฮงง เมี่ยน ฝาว ฮลัง เญย เหว่ย,
• ปุ๊ด-ฒ่อย เมี่ยน เฒว์ย ไอ๊ เญย เหว่ย.
• ⁷ เยีย ปวัด โหฒว โน่ว เญย เมี่ยน เก้ ม์า,
• หย่า ปวัด โหฒว โฮล เญย เมี่ยน ยั่ง เจ๊า ฮนั้ง โน่ว นอ.
• ⁸ หาย เต้า เว้ด ค้วด, เหฑีย นิ่น หฒุ ด๊อด ค้วด กะญั์ว.
• หาย เต้า เบ๊าะ ทง หลาด, เหฑีย นาง ไฮ่ เญาะ นิ่น. * สีง ฑูง 7:15 ; ธง-เม่ง หว่า 26:27
• ⁹ หาย เต้า หฒุ หละเปย๊ย, เหฑีย หละเปย๊ย ไฮ่ ห่อย นิ่น มุน.
• หาย เต้า พิ เดี๋ยง-ด้ง, เหฑีย หฒุ เดี๋ยง ห่อย นิ่น.

• ¹⁰ สี ก๊อง โป๊ว ด๊อง มี่ง, เมี่ยน หย่า ไม้ เหฑียว ไหล่,
• นิ่น อ๋อย หฒุ หล่ง ชะ ธั้ม.
• มป่า ธง-เม่ง ไฮ่ เถง เมี่ยน โหฒว ตุ๊ ธ้วด.
• ¹¹ ไม้ แก้ง โหฒว ฟ้าด ปุน นาง ฯฒฯ หฒุ นาง เญาะ ด่าง,
• ฆะฮ้า โหฒว ฟ้าด ปุน นาง เญย เมี่ยน ไม้ ตุ๊ หาย หญู่ง อ๊ะ.
• ¹² ธง-เม่ง เมี่ยน เญย ฑุ่ย ก๊อง ธ้วด ม่าย เอน-ฒี่ง เญย หว่า,
• มป่า เมี่ยน หฮงง เมี่ยน เญย ฑุ่ย ไฮ่ เหมียด กั้น.
• ¹³ เมี่ยน หฮงง เมี่ยน เญย ฑุ่ย เจี์ย กอน ก๊อง เป๋น หฮงง เญย หว่า,
• เซ้ด เมว์ย หว่า เป๋น เอ๊าะ เญย
  ปู๊ ล่ง ปู๊ ตั๊ง หว่า.
• ¹⁴ เมี่ยน หฮงง เมี่ยน ก๊อง หว่า ธั้ม.
• ไม้ ม่าย เมี่ยน ฮิ้ว ตุ๊
• อ๋อย ม่าย หาย หญู่ง สี่ ธ้วด,
• ไม้ ม่าย หาย เต้า ไฮ่ บั๋ว นิ่น,
• นิ่น ไต่ มี่ง ฆะฮ้า ม่าย หาย หญู่ง สี่.
• ¹⁵ เมี่ยน หฮงง เมี่ยน ล่าว หลุ่ย ปุน กั้น โค้ว,
• นิ่น ฒู้ง ล์อ ไม้ ปวัด เจ๊า เปียะ ฒี่ง.
• ¹⁶ โอ เต่ย-ปูง อ่า, สี ก๊อง เม่ย เญย ฮู่ง เป๋น หฮญัง-เจ๊ย หลุน เญย เมี่ยน,
• เม่ย เญย เจียน ลู่ง ดอม เบ่น หญั่น เบ่น ฮบ โหฒว เหน่า หญิด,
• เม่ย หฒุ โค้ว อ๊ะ.
• ¹⁷ โอ เต่ย-ปูง อ่า, สี ก๊อง เม่ย เญย ฮู่ง เตี๋ย เป๋น โหฒว โฮล เญย เมี่ยน เญย ตอน,
• เม่ย เญย เจียน หย่า หฒิว หอบ เญย เฒี่ยง โห่ เบ่น หฮนาง,
• หย่า หญั่น เหว่ย ตุ๊ ชะ, ไม้ เฒ์ย เหว่ย ฮบ ติ๊ว ฆวิน,
• เม่ย ฯฒฯ ม่าย ออน-เหลาะ.
• ¹⁸ หลาย เมี่ยน เหลว่ย, เปย๊า-ง่อ ปยบ เหฌี่ย,
• หลาย ปั์ว เหลว่ย, เปย๊า เดี๊ยบ บยู่ง.
• ¹⁹ เบ่น หฮนาง โฮล เญย เซ เหว่ย ปุน เมี่ยน โหฒว จอม, จั๊ด,
• อะหงุ่น ติ๊ว ปุน เมี่ยน เญย แหม่ง เฌียน-โย่ว.
• ญ่าน หย่า ไฮ่ ปุน เมี่ยน โหฒว ตุ๊ หญู่งๆ.
• ²⁰ ไม้ ตู๋ง เหฒียว ฮู่ง เตี๋ย
• เลี่ยม ไม้ ตู๋ง เยียม เฮญี้ยว เหฒียว,
• หย่า ไม้ ตู๋ง เยียม เกน เหฒียว ปุ๊ด-ฒ่อย เมี่ยน.
• เหฑีย ด๊าม-ลู่ง เญย เหนาะ ไฮ่ ดาม เม่ย เญย หว่า มี่ง,
• ม่าย ด๊าด เญย กะน้าย ไฮ่ ฒุ่น เม่ย ก๊อง เญย หว่า.