Weih Gormx I^saa^laa^en
Nyei Guoqv Zuqc Dingc Zuiz

¹ Naaiv se Ziouv nyei waac.

• Ziouv gorngv Hatc^laakv Deic,
• aengx gorngv Ndaa^matv^gatc Zingh,
• weic zuqc baamh mienh caux fingx-fingx I^saa^laa^en Mienh mangc jienv Ziouv. * Fai “Ziouv nyei m'zing mangc jienv baamh mienh caux fingx-fingx I^saa^laa^en Mienh”. * I^saa^yaa 17:1-3 ; 23:1-18 ; Ye^le^mi 49:23-27 ;
  E^se^ken 26:1-28:26 ; Yo^en 3:4-8 ; Aamotv 1:3-5 ; 9-10 Matv^taai 11:21-22 ; Lugaa 10:13-14
  
• ² Ninh yaac mangc nitv gapv-jaaix nyei Haamatv Zingh,
• liemh Tailaqv caux Sai^ndorn Zingh
• maiv gunv naaiv deix baeqc fingx benx mienh guai mienh.
• ³ Tailaqv weic ganh ceix weih wuonv nyei zingh laatc,
• yaac siou nyaanh ndui jienv hnangv nie-mbung,
• aengx siou jiem ndongc jaai-horngc nyei wuom-bamc camv.
• ⁴ Mv baac mangc maah! Ziouv oix zorqv Tailaqv maaih nyei ga'naaiv mingh,
• yaac mborqv baaic Tailaqv yiem koiv maaih nyei lingc, * Fai “zorqv ninh maaih nyei zinh zoih zoi njiec koiv”.
• naaiv norm zingh zungv oix zuqc douz buov qui.
• ⁵ Atc^ke^lon Zingh buatc ziouc gamh nziex,
• Gaasaa Zingh duqv buatc ziouc za'gengh haiz kouv.
• E^ko^lon yaac fih hnangv nyei.
• Ninh mbuo maaih lamh hnamv nyei dorngx
• zuqc baaic waaic mi'aqv.
• Gaasaa nyei hungh oix zuqc mietc,
• Atc^ke^lon zungv maiv maaih mienh yiem. * I^saa^yaa 14:29-31 ; Ye^le^mi 47:1-7 ; E^se^ken 25:15-17 ; Yo^en 3:4-8 ; Aamotv 1:6-8 ; Se^fan^yaa 2:4-7
• ⁶ Maaih lorpc zorpc buonv nyei mienh * Fai ziex fingx mienh. oix yiem Atc^ndotc.
• Yie, Ziouv, oix bun Fi^li^saa^die Mienh zoux maux nyei jauv zutc nzengc.
• ⁷ Yie oix zorqv cuotv yiem ninh mbuo nyei nzuih nyei nziaamv,
• zorqv nqoi yiem ninh mbuo nyei nyaah qangx, gamh nziev nyei ga'naaiv. * Naaiv deix i nyungc beiv maaih uix nyei ga'naaiv.
• Naaiv deix zengc njiec nyei mienh duqv benx yie mbuo nyei Tin-Hungh nyei mi'aqv,
• benx Yu^ndaa Fingx gu'nyuoz nyei yietc fingx, * Maaih deix sou gorngv “yiem Yu^ndaa duqv zoux bieiv zeiv”.
• E^ko^lon Mienh yaac oix hnangv Ye^mbutc Mienh.
• ⁸ Wuov zanc yie oix liepc ciangv weih gormx yie nyei biauv * Fai deic-bung. weic beu jienv,
• maiv bun win-wangv sueih eix bieqc bieqc cuotv-cuotv,
• maiv maaih haaix dauh aengx haih bieqc daaih zeix ninh mbuo,
• weic zuqc ih zanc yie ganh nyei m'zing mangc jienv nyei.

Nqa'haav Oix Daaih Nyei
Hungh Diex

• ⁹ O Si^on nyei mienh aah! * Hipv^lu waac gorngv Si^on nyei Sieqv.
  Meih mbuo oix zuqc njien-youh orn-lorqc.
• Ye^lu^saa^lem nyei mienh aah! * Hipv^lu waac gorngv Ye^lu^saa^lem nyei Sieqv. Oix zuqc heuc mbui nyei.
• Mangc maah! Meih mbuo nyei hungh daaih meih mbuo naaiv,
• ninh baengh fim nyei yaac duqv hingh jiex. * Maaih deix sou gorngv maaih njoux en.
• Ninh hnyouv suonc nyei, geh jienv maaz-li daaih,
• geh jienv maaz-li nyei dorn. * Matv^taai 21:5 ; Yo^han 12:15
• ¹⁰ Yie oix mietc yiem E^faa^im mborqv jaax nyei maaz-cie,
• caux yiem Ye^lu^saa^lem longc mborqv jaax nyei maaz.
• Mborqv jaax nyei juang-zinx oix zuqc mietc,
• ninh zungv oix gorngv bun maanc guoqv duqv baengh orn.
• Ninh nyei lingc oix yiem naaiv bung koiv mingh taux wuov bung koiv,
• yiem Yu^fe^ditc Ndaaih mingh taux jomc lungh ndiev. * Singx Nzung 72:8

Tin-Hungh Nyei Baeqc Fingx
Oix Duqv Longx Hnangv Loz Nor

• ¹¹ Si^on Mienh aah! Yie, weic longc ziec nyei saeng-kuv nziaamv caux meih mbuo liepc jiez ngaengc waac, * Faan zaqc gorngv “Weic caux meih mbuo liepc laengz ngaengc waac nyei nziaamv”.
• oix bungx meih mbuo zuqc guaatv mingh nyei mienh cuotv wuom-kuotv-nqaai.
• ¹² Zuqc guaatv mingh corc maaih lamh hnamv nyei mienh aah!
• Nzuonx meih mbuo weih wuonv nyei dorngx daaih.
• Ih hnoi yie gorngv yie oix jaa buih bun meih mbuo duqv longx i gouv.
• ¹³ Yie wuotv Yu^ndaa ngau zoux yie nyei juang-zinx,
• longc E^faa^im zoux juang-zinx nyei forng.
• O Si^on aah! Yie coqv * Fai fengx. meih nyei dorn mbuo,
• mingh mborqv Janx-Gikc nyei dorn,
• yaac bun meih hnangv henv nyei
• mborqv jaax baeng nyei nzuqc ndaauv.
• ¹⁴ Ziouv oix yiem ninh mbuo gu'nguaaic hinc cuotv,
• ninh nyei forng zungv cuotv mingh hnangv borngz mba'lingc nor,
• Ziouv Tin-Hungh oix biomv jorng,
• yaac yiem naamh bung nyei nziaaux-zunc cuotv mingh.
• ¹⁵ Nernh Jiex nyei Ziouv oix beu jienv ninh mbuo,
• ninh mbuo ziouc mietc win-wangv
• yaac caaiv njiec longc ndopv-hlaang * Beiv mangc Domh Jien 20:16 . bungx la'bieiv nyei mienh.
• Ninh mbuo oix heuc hnangv hopv diuv nquin nyei mienh, * Maaih deix sou gan Gikc waac faan daaih gorngv “yaac hopv ninh mbuo nyei nziaamv hnangv diuv”.
• ninh mbuo ziouc hnangv zaangh nziaamv buangv nyei nzormc,
• yaac hnangv ziec-dorngh nyei jorng pietv ndorn nzengc. * Beiv taux longc saeng-kuv ziec bun nziaamv liouc cuotv pietv ziec-dorngh biei norm gorqv nyei jorng.
• ¹⁶ Taux wuov hnoi, Ziouv, ninh mbuo nyei Tin-Hungh, oix njoux ninh mbuo,
• hnangv goux ba'gi yungh nyei mienh njoux ninh nyei ba'gi yungh.
• Ninh mbuo oix yiem deic-bung aengv cuotv njang
• hnangv yiem hungh ningv nyei la'bieiv-jaaix.
• ¹⁷ Ninh mbuo nzueic, njang-laangc haic.
• Maaih laangh ziqc caux siang-a'ngunc diuv
• bun houh saeng, sieqv-dorn henv.