Ziouv Oix Goux Yu^ndaa

• ¹ Yiem cun gueix meih mbuo oix zuqc gan Ziouv tov mbiungc,
• oix zuqc tov zeix mbuonx-jieqv nyei Ziouv.
• Ninh bun mbiungc-gorng duih njiec,
• bun dauh dauh mienh nyei lingh deic cuotv gaeng-zuangx.
• ² Weic zuqc an biauv nyei miuc-fangx dau maiv lamh longc nyei jauv.
• Mbouv guaax mienh gorngv gorngv-baeqc nyei waac.
• Mbeix mbeix mienh gorngv nyei mbeix se jaav nyei,
• ninh mbuo orn mienh nyei hnyouv benx kungx-waac.
• Weic naaiv baeqc fingx nzaanx hnangv ba'gi yungh,
• yaac zuqc kouv weic zuqc maiv maaih bieiv zeiv goux. * Naaiv beiv taux goux ba'gi yungh nyei mienh goux yungh. * Matv^taai 9:36 ; Maako 6:34
• ³ Ziouv gorngv, “Yie qiex jiez! haic gunv baeqc fingx wuov deix, * Faan zaqc gorngv “Goux ba'gi yungh nyei mienh”.
• yie oix dingc bieiv zeiv nyei zuiz. * Faan zaqc gorngv yungh gouv.
• Weic zuqc Nernh Jiex nyei Ziouv goux ninh nyei mienh, * Faan zaqc gorngv “goux ninh nyei ba'gi yungh guanh” mv baac beiv zuqc ninh nyei mienh.
  se Yu^ndaa nyei zeiv-fun,
• yaac bun ninh mbuo hnangv yie nyei mborqv jaax henv nyei maaz.
• ⁴ An biauv-gorqv longc jienv jiex nyei la'bieiv oix yiem Yu^ndaa cuotv.
• Mborng ndau corng ndopv-liuh nyei dongc yaac oix yiem ninh cuotv,
• mborqv jaax nyei juang-zinx oix yiem ninh cuotv,
• yietc zungv zoux bieiv nyei mienh oix yiem ninh cuotv.
• ⁵ Ninh mbuo lomh nzoih oix hnangv mborqv jaax nyei mienh henv mienh
• caaiv win-wangv njiec * Hipv^lu waac maiv maaih win-wangv wuov joux. jaai-horngc nyei wuom-bamc.
• Ninh mbuo mborqv jaax weic zuqc Ziouv caux ninh mbuo yiem,
• ninh mbuo ziouc mborqv hingh win-wangv nyei geh maaz baeng.
• ⁶ Yie oix tengx Yu^ndaa nyei zeiv-fun henv,
• yaac oix njoux Yosepv nyei zeiv-fun.
• Yie oix dorh ninh mbuo nzuonx weic zuqc yie korv-lienh ninh mbuo,
• ninh mbuo ziouc hnangv yie maiv guangc ninh mbuo nor,
• weic zuqc yie se Ziouv,
  ninh mbuo nyei Tin-Hungh.
  Yie oix dau ninh mbuo.
• ⁷ E^faa^im Mienh oix hnangv henv haic nyei baeng,
• ninh mbuo nyei hnyouv orn-lorqc hnangv hopv a'ngunc diuv.
• Ninh mbuo nyei naamh nyouz duqv buatc ziouc orn-lorqc,
• ninh mbuo nyei hnyouv yaac a'hneiv haic Ziouv.
• ⁸ Yie oix heuc * Hipv^lu waac gorngv fiuv hnangv goux ba'gi yungh mienh fiuv ninh nyei ba'gi yungh daaih zunv. ninh mbuo yaac siou ninh mbuo zunv,
• weic zuqc yie zuoqc ninh mbuo nzuonx.
• Ninh mbuo nyei mienh soux ziouc jaa ndongc zinh ndaangc camv.
• ⁹ Maiv gunv yie bun ninh mbuo faatv nzaanx yiem ziex guoqv mbu'ndongx,
• mv baac yiem go nyei deic-bung ninh mbuo corc oix jangx yie,
• ninh mbuo ziouc caux ninh mbuo nyei fu'jueiv fun-faqv yiem jienv aengx duqv nzuonx daaih.
• ¹⁰ Yie oix dorh ninh mbuo yiem I^yipv Deic-Bung nzuonx daaih,
• bun yiem Atc^si^lie cuotv daaih gapv zunv
• ziouc dorh ninh mbuo mingh yiem Gi^le^aatc caux Le^mbaa^norn,
• taux naaiv deix dorngx zungv maiv gaux ninh mbuo yiem.
• ¹¹ Ninh mbuo oix jiex I^yipv * Hipv^lu waac gorngv kouv naanc. nyei koiv,
• yaac mborqv koiv nyei wuom-laangc,
• Nai^aa Ndaaih yietc zungv ndo nyei dorngx yaac oix nqaai nzengc.
• Zoux maux nyei Atc^si^lie Mienh oix zuqc baaic hmien,
• I^yipv nyei hungh lingc * Hipv^lu waac gorngv hungh biaav. Naaiv beiv hungh diex nyei lingc caux qaqv. yaac oix jiex mi'aqv.
• ¹² Yie oix bun yie nyei baeqc fingx kaux yie, Ziouv, henv jiez daaih,
• ninh mbuo ziouc dengv yie nyei mengh ei jienv zoux.”
• Naaiv se Ziouv gorngv.