• ¹ Baan maiv duqv meih zoux yie nyei gorx,
• se juangc maa hopv nyorx nyei muoz-doic.
• Se gorngv hnangv naaic yie yiem ga'nyiec maengx buangh meih,
• yie ziouc zom meih,
• yaac maiv maaih haaix dauh mangc piex yie.
• ² Yie ziouc dorh meih,
• dorh meih bieqc yie nyei maa nyei biauv,
• se dorh mingh taux njaaux yie wuov dauh. * Fai “dorh yie mingh taux yungz yie daaih wuov dauh”.
• Yie oix bun meih hopv ndaang nyei ga'naaiv peux daaih nyei diuv,
• bun meih hopv yie nyei ziqc liouh biouv nyei diuv.
• ³ Ninh nyei zaaix jieqv buoz yiem yie nyei m'nqorngv ga'ndiev.
• Ninh nyei mbiaauc jieqv buoz qam jienv yie.
• ⁴ O Ye^lu^saa^lem nyei zuangx sieqv aac,
• yie kuinx meih mbuo,
• maiv dungx la'nyauv yie mbuo,
• sueih yie mbuo hnamv taux buangv hnyouv.

Da'luoqc Diuh Nzung

• ⁵ Haaix dauh bueic jienv ninh hnamv nyei mienh
• yiem deic-bung-huaang faaux daaih?

• Yie yiem ba'jaauh * Fai aa^benh. ndiangx ga'ndiev heuc meih nyie.
• Yiem wuov meih nyei maa weic meih mun kouv,
• yiem wuov meih nyei maa yungz meih daaih.
• ⁶ Tov bun yie yiem meih nyei hnyouv hnangv mborqv jienv yienx nor,
• hnangv yienx yiem meih nyei buoz zoux norm jangx-hoc,
• weic zuqc hnamv nyei jauv ndongc daic nyei jauv henv,
• mueic jieqv hanc ndongc yiemh gen ciouv.
• Ninh njopc cuotv hnangv douz-mbietc,
• hnangv hiaangx haic nyei douz. * Fai Ziouv nyei douz-mbietc.
• ⁷ Wuom camv maiv haih mietc hnamv nyei hnyouv,
• wuom yiemx yaac maiv haih ziemx daic.
• Se gorngv haaix dauh dorh ninh nyei jaa-dingh ga'naaiv yietc zungv
• oix yienc hnamv nyei hnyouv,
• wuov dauh ziouc zuqc zuangx mienh mangc piex taux daauh.

• ⁸ Yie mbuo maaih dauh muoc-faix,
• ninh nyei nyorx maiv gaengh hlo,
• mienh daaih tov ninh wuov hnoi,
• yie mbuo weic yie mbuo nyei muoc oix zuqc hnangv haaix nor zoux?
• ⁹ Se gorngv ninh benx zingh laatc,
• yie mbuo ziouc yiem gu'nguaaic ceix nyaanh laauh.
• Se gorngv ninh benx gaengh,
• yie mbuo longc si^ndaa zongh ndiangx-benv weih jienv.

• ¹⁰ Yie se zingh laatc,
• yie nyei nyorx yaac hnangv laauh.
• Weic naaiv, ziux yie hnamv nyei mienh nyei m'zing mangc,
• yie bun ninh duqv baengh orn.

• ¹¹ Saa^lo^morn maaih nzong a'ngunc huingx yiem Mbaa^an Haamon.
• Ninh zorqv ninh nyei a'ngunc huingx bun mienh gouv.
• Huingx-gu'nyuoz nyei biouv,
• dauh dauh goux huingx nyei mienh oix zuqc cuotv yietc cin norm zinh * Hipv^lu waac gorngv 1,000 se^kenx. Se leih maiv go 11.5 gilo nyaanh. bun ninh.
• ¹² Mv baac yie ganh maaih yie ganh nyei a'ngunc huingx
• yiem yie nyei nza'hmien.
• O Saa^lo^morn aac, wuov deix yietc cin norm zinh se bun meih,
  
• wuov deix nyic baeqv norm bun goux biouv nyei mienh.
• ¹³ O yiem huingx gu'nyuoz nyei sieqv aah!
• Caux yie zoux doic nyei mienh oix muangx meih nyei sing-qiex.
• Tov bun yie muangx haiz meih nyei qiex.

• ¹⁴ Yie hnamv nyei mienh aah! Tov meih siepv-siepv nyei daaih
• hnangv dauh jung,
• fai hnangv dauh njaih gouv lunx
• gan miev ndaang nyei mbong daaih.