Singx Nzung 97

Ziouv Zoux Hungh
Yaac Maaih Domh Qaqv

• ¹ Ziouv zoux hungh, bun lungh ndiev ndau-beih njien-youh,
• bun zuangx koiv-nzou * Fai “nitv koiv-nzou nyei deic-bung”. a'hneiv.
• ² Maaih mbuonx caux hmatv jieqv nyei hmuangx weih gormx ninh,
• zoux horpc nyei jauv caux baengh fim nyei jauv zoux ninh nyei weic nyei gorn-ndoqv.
• ³ Maaih douz yiem ninh nyei wuov ndaangc maengx
• buov qui weih gormx ninh wuov deix win-wangv.
• ⁴ Ninh nyei mba'lingc bun lungh ndiev njang nzengc.
• Ndau-beih buatc ziouc dongz nzengc.
• ⁵ Mbong yiem Ziouv nyei nza'hmien yuqc hnangv mueiz-nzing nor,
• se yiem lungh ndiev nyei Ziouv nyei nza'hmien.
• ⁶ Lungh bun cing Tin-Hungh se baengh fim nyei,
• maanc fingx yaac buatc ninh nyei njang-laangc.
• ⁷ Bun yietc zungv baaix miuc-fangx nyei mienh zuqc nyaiv,
• dongh ceng maiv lamh longc nyei miuc-fangx nyei mienh.
• Bun maanc zienh puoqv njiec Tin-Hungh nyei nza'hmien.
• ⁸ O Tin-Hungh aac, Si^on muangx haiz meih dunx nyei sic ziouc a'hneiv.
• Yu^ndaa Mienh * Hipv^lu waac gorngv Yu^ndaa nyei sieqv. yaac orn-lorqc.
• ⁹ O Ziouv aac, meih se Yiem Hlang Jiex, gunv lungh ndiev Wuov Dauh.
• Meih yaac yiem gauh hlang jiex maanc zienh.
• ¹⁰ Meih mbuo hnamv Ziouv nyei mienh oix zuqc nzorng orqv nyei sic. * Fai “Ziouv hnamv dongh nzorng orqv wuov deix”.
• Ninh beu jienv ninh nyei cing-nzengc mienh nyei maengc.
• Ninh njoux ninh mbuo biaux ndutv orqv mienh nyei buoz-ndiev.
• ¹¹ Njang ziux jienv kuv mienh, * Naaiv norm dorngx Hipv^lu waac aqc duqv mengh baeqc. Faan zaqc gorngv “Weic kuv mienh zuangx njang hnangv zuangx nyim nor”.
• hnyouv zingx nyei mienh maaih njien-youh.
• ¹² Meih mbuo kuv mienh aah! Oix zuqc kaux Ziouv njien-youh,
• yaac oix zuqc dor-ziec ninh nyei cing-nzengc mengh.