Singx Nzung 95

Ceng Ziouv Nyei Nzung

• ¹ Daaih maah! Mbuo oix zuqc daaih baaux nzung ceng Ziouv.
• Mbuo njien-youh nyei heuc jienv ceng njoux yie mbuo nyei La'bieiv.
• ² Mbuo oix zuqc daaih yiem ninh nyei nza'hmien dor-ziec ninh,
• yaac oix zuqc njien-youh nyei heuc jienv baaux nzung ceng ninh.
• ³ Weic zuqc Ziouv se hlo haic nyei Tin-Hungh,
• yaac zoux domh Hungh Diex, gauh hlo jiex maanc zienh.
• ⁴ Ndau-ndiev ndo jiex nyei dorngx yiem ninh nyei buoz gu'nyuoz.
• Hlang jiex nyei mbong yaac benx ninh nyei.
• ⁵ Koiv benx ninh nyei, weic zuqc ninh ganh zeix daaih.
• Ninh nyei buoz zeix cuotv ndau-beih.
• ⁶ Daaih maah! Mbuo oix zuqc puoqv njiec baaix ninh.
• Mbuo oix zuqc gueic njiec Zeix Mbuo Daaih Wuov Dauh Ziouv nyei nza'hmien.
• ⁷ Weic zuqc ninh benx mbuo nyei Tin-Hungh.
• Mbuo se ninh nyei miev-ciangv nyei baeqc fingx,
• yiem ninh nyei buoz-ndiev nyei ba'gi yungh. * Hipv^lu 3:7-11 , 15; 4:7
• Tov meih mbuo ih hnoi muangx ninh nyei qiex.
• ⁸ Maiv dungx zoux hnyouv ngaengc hnangv zinh ndaangc yiem
  Me^li^mbaa, * Me^li^mbaa nyei eix leiz se nzaeng fai ngopv.
• yaac hnangv yiem deic-bung-huaang, Matv^saax, * Matv^saax nyei eix leiz se
  seix gaax.
  wuov hnoi nor. * Cuotv I^yipv 17:1-7 ; Saauv Mienh 20:2-13
  
• ⁹ Wuov zanc meih mbuo nyei ong-taaix seix yie yaac cuoqv
  yie,
• maiv gunv ninh mbuo buatc yie zoux nyei sic.
• ¹⁰ Feix ziepc hnyangx gu'nyuoz yie nouz haic naaic doic mienh.
• Yie gorngv, “Ninh mbuo benx yietc fingx hnyouv maiv zingx nyei mienh.
• Ninh mbuo yaac maiv bieqc hnyouv yie nyei jauv.”
• ¹¹ Weic naaiv yie qiex jiez ziouc houv jienv gorngv,
• “Ninh mbuo yietc liuz maiv duqv bieqc yie nyei hitv kuonx dorngx.” * Saauv Mienh 14:20-23 ; Nzamc Leiz-Latc 1:34-36 ; Hipv^lu 4:3 , 5