Singx Nzung 61

Kaux Tin-Hungh Beu Jienv

Jiu bun dorh nzung nyei mienh.
Longc patv nyei jaa-sic.
Ndaawitv zoc nyei singx nzung.

• ¹ Tin-Hungh aah! Tov muangx yie heuc nyei qiex.
• Tov muangx yie daux gaux nyei waac.
• ² Yie nyei hnyouv maiv lamh hnamv nyei ziangh hoc,
• yie yiem jomc lungh ndiev heuc meih.
• Tov dorh yie mingh taux gauh hlang jiex yie nyei la'bieiv.
• ³ Weic zuqc meih zoux yie ndaauh kaux nyei dorngx,
• zoux yie wuonv haic nyei laauh weic biaux ndutv win-wangv.
• ⁴ Tov bun yie yietc liuz yiem meih nyei ndopv-liuh.
• Tov bun yie yiem meih nyei ndaatv ga'ndiev bingx jienv. Selaa
• ⁵ O Tin-Hungh aah! Meih muangx haiz yie laengz nyei ngaengc waac.
• Meih zorqv dongh taaih meih nyei mienh nzipc nyei buonc ceix bun yie.
• ⁶ Tov jaa hungh diex nyei siouc nyuonh ndaauv,
• bun ninh nyei hnyangx-jeiv
• ziangh duqv maanc doic.
• ⁷ Tov bun ninh yietc liuz zueiz weic yiem Tin-Hungh nyei nza'hmien.
• Tov meih hnyouv zingx caux ziepc zuoqv hnamv nyei jauv beu jienv ninh.
• ⁸ Hnangv naaic, yie oix yietc liuz baaux nzung ceng meih nyei mengh,
• yaac hnoi jiex hnoi jaauv sung yie laengz nyei ngaengc waac.