Singx Nzung 58

Tov Tin-Hungh Dingc
Zoux Orqv Mienh Nyei Zuiz

Jiu bun dorh nzung nyei mienh. Longc “Maiv Dungx Mietc”nyei pou.
Ndaawitv zoc nyei mikv^taam nzung.

• ¹ Meih mbuo zoux hlo nyei mienh * Fai zienh. aah! Meih mbuo baengh fim nyei gorngv fai?
• Meih mbuo hnyouv zingx nyei siemv baamh mienh fai?
• ² Zungv maiv zeiz! Meih mbuo nyei hnyouv kungx hnamv zoux orqv nyei sic hnangv.
• Meih mbuo yiem ndau-beih longc buoz zoux cuotv doqc haic nyei sic.
• ³ Zoux orqv nyei mienh cuotv seix daaih m'daaih yangh orqv nyei jauv.
• Yiem ninh mbuo cuotv seix daaih ninh mbuo kungx gorngv-baeqc hnangv.
• ⁴ Ninh mbuo nyei doqc qiex hnangv naang nyei ndie-doqc.
• Ninh mbuo zotv jienv m'normh hnangv m'normh ndung nyei naang-jieqv,
• ⁵ ninh mbuo ziouc muangx maiv haiz zoux faatv bun naang hngongx nyei mienh nyei qiex
• maiv gunv zoux faatv ndongc haaix guv guaix.
• ⁶ O Tin-Hungh aah! Tov mborqv nquaqv ninh mbuo nyei nzuih nyei nyaah.
• O Ziouv aac, tov baeng naaiv deix sienh lunx nyei nyaah ngau cuotv.
• ⁷ Tov bun ninh mbuo zutc nzengc hnangv wuom liouc mingh nzengc nor.
• Ninh mbuo baeng jienv juang-zinx oix buonv wuov zanc,
• tov bun ninh mbuo nyei forng-cang nauv ndutv. * Maaih deix sou gorngv, “Tov bun ninh mbuo hnangv miev nor, zuqc caaiv muonc nzengc”.
• ⁸ Tov bun ninh mbuo hnangv korng gueiv manc-manc huv yuqc nzengc.
• Yaac bun ninh mbuo hnangv gu'nguaaz-mbaang nor, maiv duqv buatc mba'hnoi.
• ⁹ Longc njimv buov douz, maiv gunv njimv nyiemz fai nqaai,
• caeng zungv maiv gaengh haiz jorm,
• ninh ziouc guaatv orqv mienh mingh nzengc mi'aqv. * Naaiv yiemc Hipv^lu waac se maiv nangc mengh.
• ¹⁰ Kuv mienh buatc orqv mienh zuqc jaauv win, ninh mbuo a'hneiv.
• Ninh mbuo yaac longc orqv mienh nyei nziaamv nzaaux zaux.
• ¹¹ Mienh ziouc gorngv, “Kuv mienh ndongc haaix zungv oix duqv zingh nyeic.
• Ndongc haaix zungv maaih dauh Tin-Hungh siemv lungh ndiev.” * Fai yiem lungh ndiev siemv.