Singx Nzung 4

Lungh Maanz-Hmuangx
Daux Gaux Jouh Ziouv

Jiu bun dorh nzung nyei mienh.
Oix zuqc longc patv nyei jaa-sic.
Ndaawitv zoc nyei singx nzung.

• ¹ O yie nyei baengh fim nyei Tin-Hungh aah!
• Yie heuc nyei ziangh hoc tov meih dau yie.
• Yie buangh zuqc kuonx naanh nyei ziangh hoc,
• meih bun yie maaih jauv cuotv.
• Tov korv-lienh yie, muangx yie daux gaux nyei waac.
• ² O meih mbuo naaiv deix mienh aah!
• Meih mbuo oix mangc piex bun yie zuqc nyaiv taux haaix zanc?
• Meih mbuo oix longc maiv lamh longc nyei waac
• yaac lorz gorngv-baeqc nyei jauv taux haaix zanc? Selaa
• ³ Oix zuqc hiuv duqv Ziouv ginv cuotv gan longx Tin-Hungh nyei mienh weic ninh ganh.
• Yie heuc Ziouv nyei ziangh hoc, ninh yaac muangx yie.
• ⁴ Qiex jiez * Fai gamh nziex. nyei ziangh hoc maiv dungx baamz zuiz. * E^fe^so 4:26
• Bueix jienv coux sekv nzieqc nyei, yiem hnyouv longx-longx nyei hnamv. Selaa
• ⁵ Oix zuqc fongc horc dongh horpc zuqc fongc horc ziec nyei ga'naaiv,
• yaac sienx kaux Ziouv.
• ⁶ Maaih mienh camv gorngv, “Haaix dauh haih bun yie mbuo buatc haaix nyungc longx?”
• O Ziouv, tov bun meih nyei hmien nyei njang ziux yie mbuo.
• ⁷ Meih bun yie nyei hnyouv orn-lorqc gauh camv
• duqv mbiauh caux siang-a'ngunc diuv camv nyei mienh.
• ⁸ Yie oix baengh orn nyei bueix njiec m'njormh
• weic zuqc Ziouv aac, kungx meih ganh bun yie duqv yiem longx.