Singx Nzung 3

Lungh Ndorm Daux Gaux
Jouh Ziouv

Ndaawitv biaux ninh nyei dorn, Apc^saa^lom, nyei ziangh hoc zoc nyei singx nzung. * 2 Saa^mu^en 15:13-17:22

• ¹ O Ziouv aac, yie nyei win-wangv ndongc naaiv camv!
• Oix hoic yie wuov deix jaa camv jienv faaux.
• ² Maaih mienh camv hnangv naaiv gorngv yie,
• “Tin-Hungh maiv tengx ninh aqv.” Selaa
• ³ Mv baac Ziouv aac, meih zoux yie nyei torngv-baaih weih gormx yie.
• Meih zoux yie nyei njang-laangc, tengx yie cau duqv m'nqorngv jiez.
• ⁴ Yie heuc jienv tov Ziouv.
• Ninh yaac yiem ninh nyei cing-nzengc mbong dau yie. Selaa
• ⁵ Yie bueix njiec m'njormh mingh,
• yie aengx nyie daaih, weic zuqc Ziouv beu jienv yie.
• ⁶ Maiv gunv maaih waanc-waanc dauh win-wangv weih gormx yie,
• yie yaac maiv gamh nziex.
• ⁷ O Ziouv aah! Daaih maah!
• O yie nyei Tin-Hungh aah! Njoux yie maah!
• Weic zuqc meih mbaix yie nyei yietc zungv win-wangv nyei kamx-bui,
• mborqv orqv mienh nyei nyaah nauv.
• ⁸ Njoux en se yiem Ziouv daaih,
• tov ceix fuqv bun meih nyei baeqc fingx. Selaa