×
Singx Nzung 25
Singx Nzung 25
Daux Gaux Tov Ziouv
Dorh
Yaac Beu Jienv
Ndaawitv zoc nyei singx nzung.
-
1 O Ziouv
aac, yie bungx dingc hnyouv kaux meih.
-
2 O yie nyei Tin-Hungh aac, yie kaux meih.
- Tov maiv dungx bun yie zuqc nyaiv,
- yaac maiv dungx bun yie nyei win-wangv hingh jiex yie.
-
3 Da'faanh zuov jienv meih nyei mienh
- yietc liuz maiv zuqc nyaiv.
- Mv baac ngaengc jienv meih yaac maiv maaih gorn-baengx wuov deix
- zungv oix zuqc nyaiv aqv.
-
4 O Ziouv
aac, tov bun yie hiuv duqv meih nyei za'eix
- yaac njaaux yie hiuv duqv meih nyei jauv.
-
5 Tov meih dorh yie gan meih nyei zien leiz yaac njaaux yie,
- weic zuqc meih zoux njoux yie wuov dauh Tin-Hungh.
- Yie ziangh hnoi ziangh muonz zuov meih.
-
6 O Ziouv
aac, tov meih jangx jienv meih korv-lienh mienh yaac ziepc zuoqv nyei hnamv mienh,
- weic zuqc loz-hnoi m'daaih hnangv naaic.
-
7 Maiv dungx jangx yie lunx nyei ziangh hoc zoux dorngc, baamz nyei zuiz.
- O Ziouv
aac, ziux meih ziepc zuoqv nyei hnamv mienh tov meih jangx yie,
- weic zuqc meih se longx haic.
-
8 Ziouv
se longx nyei, baengh fim nyei,
- ninh ziouc njaaux zuiz-mienh yangh horpc nyei jauv.
-
9 Ninh dorh nyiemc ganh zoux faix nyei mienh zoux horpc nyei sic,
- yaac njaaux ninh mbuo hiuv duqv ninh nyei jauv.
-
10 Da'faanh ei jienv Ziouv
nyei ngaengc waac caux ninh gorngv nyei waac nyei mienh
- ninh hnamv yaac ziepc zuoqv nyei dorh.
-
11 O Ziouv
aah! Weic meih ganh nyei mengh
- tov guangc yie nyei zuiz,
weic zuqc yie nyei zuiz hlo haic.
-
12 Haaix dauh taaih Ziouv,
- ninh oix njaaux wuov dauh ginv yangh horpc nyei jauv.
-
13 Yiem ninh nyei seix zeiv ninh duqv siouc fuqv-loqc,
- ninh nyei hoz doic yaac duqv nzipc naaiv norm deic-bung.
-
14 Ziouv
caux taaih ninh wuov deix zoux doic.
- Ninh bun ninh mbuo hiuv duqv ninh laengz nyei ngaengc waac.
-
15 Yie nyei m'zing zanc-zanc mangc Ziouv,
- weic zuqc kungx ninh ganh haih tengx yie nyei zaux leih ndutv, maiv zuqc mungz nzenc.
-
16 Tov meih huin nzuonx daaih mangc yie, korv-lienh yie,
- weic zuqc yie ndoqc yaac kuonx naanh.
-
17 Yie nyei hnyouv nzauh duqv kouv haic.
- Tov tengx yie biaux ndutv yie nyei kouv naanc.
-
18 Tov meih tengx corngh yie nyei kouv naanc caux naanc zingh,
- aengx guangc yie nyei yietc zungv zuiz.
-
19 Tov meih hnamv mangc gaax,
yie nyei win-wangv ndongc haaix camv,
- yaac mangc gaax ninh mbuo nzorng duqv yie doqc haic.
-
20 Tov meih beu jienv yie nyei maengc aengx njoux yie,
- bun yie maiv zuqc nyaiv,
- weic zuqc yie ndaauh kaux meih.
-
21 Meih hnyouv zaqc hnyouv zingx nyei ziouc tov meih beu jienv yie,
- weic zuqc yie zuov jienv meih.
-
22 O Tin-Hungh aah! Tov meih njoux I^saa^laa^en mienh
- biaux ndutv ninh mbuo nyei yietc zungv kouv naanc.
