Singx Nzung 24

Njang-Laangc Nyei Hungh Diex

Ndaawitv zoc nyei singx nzung.

• ¹ Ndau-beih caux yiem ndau-beih nyei maanc muotc benx Ziouv nyei.
• Lungh ndiev caux lungh ndiev nyei maanc mienh yaac ninh nyei. * 1 Ko^lin^to 10:26
• ² Ninh ceix baamh gen jiez daaih yiem koiv gu'nguaaic,
• se liepc jienv yiem wuom gu'nguaaic.
• ³ Haaix dauh maaih leiz faaux Ziouv nyei mbong?
• Haaix dauh haih souv jienv yiem ninh nyei cing-nzengc dorngx?
• ⁴ Se dongh zoux nyei sic caux hnamv nyei jauv cing-nzengc nyei mienh, * Faan zaqc Hipv^lu waac gorngv “buoz nzengc, hnyouv cing-nzengc nyei mienh”.
• dongh maiv jiez hnyouv zoux jaav nyei sic, * Fai baaix miuc-fangx.
• yaac maiv la'guaih houv jaav waac. * Matv^taai 5:8
• ⁵ Ninh oix duqv Ziouv ceix fuqv.
• Njoux ninh wuov dauh Tin-Hungh yaac oix bun cing ninh zoux duqv horpc.
• ⁶ Se dongh naaiv nyungc mienh daaih lorz ninh,
• daaih yiem Yaakopv nyei Tin-Hungh nyei nza'hmien. Selaa
• ⁷ Koi nqoi laatc gaengh maah!
• Koi nqoi loz-hnoi nyei gaengh.
• Maaih njang-laangc nyei Hungh oix bieqc daaih.
• ⁸ Naaiv dauh njang-laangc nyei Hungh dongh haaix dauh?
• Se dongh maaih qaqv henv haic nyei Ziouv,
• dongh mborqv jaax henv nyei Ziouv.
• ⁹ Koi nqoi laatc gaengh maah!
• Koi nqoi loz-hnoi nyei gaengh.
• Maaih njang-laangc nyei Hungh oix bieqc daaih.
• ¹⁰ Naaiv dauh njang-laangc nyei Hungh dongh haaix dauh?
• Se Nernh Jiex nyei Ziouv.
• Dongh naaiv dauh zoux njang-laangc nyei Hungh. Selaa