Singx Nzung 146

Ceng Ziouv Weic Ninh
Zoux Baengh Fim Nyei Sic

• ¹ Oix zuqc ceng Ziouv. * Hipv^lu waac gorngv Haa^le^lu Yaa. Yiem 146:10 fih hnangv nyei.
• Yie nyei hnyouv aac, oix zuqc ceng Ziouv.
• ² Da'faanh yie ziangh jienv nyei hnoi-nyieqc yie oix ceng Ziouv.
• Yie yietc seix oix baaux nzung ceng yie nyei Tin-Hungh.
• ³ Meih mbuo maiv dungx kaux zoux hlo nyei mienh,
• maiv dungx kaux baamh mienh,
• weic zuqc ninh mbuo maiv haih tengx maiv duqv.
• ⁴ Ninh yietv dangx qiex ziouc nzuonx benx nie.
• Dongh wuov hnoi ninh daav nyei za'eix zuqc mietc nzengc mi'aqv.
• ⁵ Maaih Yaakopv nyei Tin-Hungh tengx wuov dauh maaih orn-lorqc,
• se kaux Ziouv, ninh nyei Tin-Hungh, maaih lamh hnamv dorngx,
• ⁶ dongh zeix lungh zeix ndau zeix koiv,
• caux yiem naaiv deix gu'nyuoz nyei maanc muotc,
• ninh yietc liuz ziepc zuoqv ei jienv ninh nyei waac zoux. * Gong-Zoh 4:24 ; 14:15 ; Laauc Yaangh 14:7
• ⁷ Ninh baengh fim nyei siemv tengx zuqc zeix nyei mienh
• yaac ceix nyanc hopv bun hnyouv sie nyei mienh nyanc.
• Ziouv bun zuqc wuonx nyei mienh duqv bungx nqoi.
• ⁸ Ziouv bun m'zing maengh nyei mienh haih mangc duqv buatc.
• Zuqc kouv * Hipv^lu waac gorngv ndoqv njiec. nyei mienh, Ziouv yaac liepc jiez.
• Ziouv hnamv kuv mienh.
• ⁹ Ziouv goux jienv yiem deic-bung nyei ganh fingx mienh,
• ninh tengx guh hanh fu'jueiv caux auv-guaav,
• mv baac ninh bun orqv mienh nyei za'eix hoic ninh mbuo zuqc baaic.
• ¹⁰ Ziouv yietc liuz zoux hungh.
• O Si^on aah! Meih nyei Tin-Hungh duqv gunv taux maanc gouv maanc doic.
• Oix zuqc ceng Ziouv.