Singx Nzung 145 * Naaiv diuh nzung longc Hipv^lu waac nyei yietc norm jiex yietc norm nzaangc-maac zoux yietc yiemc yietc yiemc nyei nzaangc-gorn.

Ceng Ziouv Weic Ninh Nyei En
Caux Njang-Laangc

Ceng Tin-Hungh nyei singx nzung.
Ndaawitv zoc nyei nzung.

• ¹ Yie nyei Tin-Hungh, yie nyei Hungh Diex aac,
• yie oix ceng meih weih hlo.
• Yie oix yietc liuz ceng meih nyei mengh
• taux maanc gouv maanc doic.
• ² Yie oix hnoi-hnoi ceng meih.
• Yie oix ceng meih nyei mengh yietc liuz yietc seix.
• ³ Ziouv za'gengh hlo haic, horpc zuqc camv-camv nyei ceng.
• Ninh gengh! hlo haic, zungv hnamv maiv zaaic aqv.
• ⁴ Naaiv doic oix ceng meih zoux nyei sic bun wuov doic muangx,
• yaac oix zunh yaangh meih nyei domh qaqv zoux nyei sic.
• ⁵ Yie oix fei-fangv meih domh njang-laangc nyei haangh daauh
• caux zoux mbuoqc horngh nyei jauv.
• ⁶ Mienh oix zunh gorngv Ziouv zoux mbuoqc horngh, gamh nziex nyei sic,
• yaac zunh yaangh Ziouv za'gengh hlo haic.
• ⁷ Ninh mbuo oix zunh gorngv meih longx haic nyei jauv,
• yaac oix cuotv qiex baaux nzung gorngv meih se baengh fim nyei.
• ⁸ Ziouv ceix en yaac korv-lienh mienh.
• Ninh maiv qiex jiez siepv yaac maaih hnamv mienh nyei hnyouv buangv nzengc.
• ⁹ Ziouv zoux longx bun maanc mienh.
• Ninh yaac korv-lienh ninh zeix daaih nyei yietc zungv.
• ¹⁰ O Ziouv aac, meih zeix daaih nyei maanc muotc zungv oix dor-ziec meih.
• Meih nyei yietc zungv baeqc fingx yaac oix ceng meih.
• ¹¹ Ninh mbuo oix zunh gorngv meih nyei guoqv nyei njang-laangc,
• yaac gorngv taux meih nyei domh qaqv,
• ¹² weic bun zuangx mienh hiuv duqv meih zoux henv haic nyei sic,
• caux meih nyei guoqv nyei domh njang-laangc.
• ¹³ Meih nyei guoqv se yietc liuz nyei guoqv.
• Meih yietc liuz duqv gunv taux maanc gouv maanc doic.
• Ziouv ziepc zuoqv ei jienv ninh yietc zungv laengz nyei waac zoux.
• Yiem ninh zoux nyei yietc zungv sic ninh korv-lienh. * Nqa'haav naaiv deix i liouz waac, kungx maaih yietc buonv loz-hnoi Hipv^lu
  waac nyei sou fiev, yaac maaih Gikc caux Silie waac nyei sou fiev hnangv.
• ¹⁴ Ziouv oix baav jienv yietc zungv zuqc ndorpc nyei mienh.
• Zuqc kouv * Faan zaqc gorngv ndoqv njiec. nyei mienh ninh yaac liepc jiez daaih.
• ¹⁵ Da'faanh maaih maengc nyei ga'naaiv mangc jienv meih,
• ziux horpc zuqc bun nyei ziangh hoc meih yaac bun nyanc hopv ninh mbuo.
• ¹⁶ Meih zoux hnyouv jangv * Faan zaqc Hipv^lu waac gorngv sung buoz.
• bun nyungc-nyungc maaih maengc nyei ga'naaiv duqv nyanc beuv.
• ¹⁷ Ziouv yiem ninh zoux nyei diuc-diuc jauv baengh fim nyei.
• Yiem ninh zoux nyei yietc zungv sic ninh yaac korv-lienh.
• ¹⁸ Ziouv yiem nitv fatv dauh dauh heuc jienv jouh ninh nyei mienh,
• dongh yietc zungv longc hnyouv zingx nyei heuc wuov deix.
• ¹⁹ Ninh oix ei jienv taaih ninh wuov deix nyei hnyouv oix nyei zoux ziangx.
• Ninh yaac muangx haiz ninh mbuo heuc jienv tov ziouc njoux ninh mbuo.
• ²⁰ Ziouv beu jienv yietc zungv hnamv ninh nyei mienh,
• mv baac da'faanh orqv mienh ninh oix mietc nzengc.
• ²¹ Yie nyei nzuih oix gorngv cuotv ceng Ziouv nyei waac.
• Zuangx mienh oix zuqc lomh nzoih yietc liuz ceng ninh nyei cing-nzengc mengh taux yietc liuz.