Singx Nzung 11

Ziouv Zoux
Ndaauh Kaux Nyei Dorngx

Jiu bun dorh nzung nyei mienh.
Ndaawitv zoc nyei nzung.

• ¹ Yie ndaauh kaux Ziouv,
• wuov nyungc, meih mbuo hnangv haaix nor haih gorngv mbuox yie,
• “Meih oix zuqc hnangv norm norqc biaux mingh taux meih nyei mbong.”
• ² Mangc maah! Orqv mienh baeng juang-zinx,
• zorqv forng paanx jienv hlaang, oix yiem hmuangx nyei dorngx,
• buonv hnyouv zingx nyei mienh.
• ³ Se gorngv gorn-ndoqv zuqc baaic waaic,
• kuv mienh haih zoux haaix nyungc?”
• ⁴ Ziouv yiem ninh nyei cing-nzengc biauv gu'nyuoz,
• Ziouv nyei weic yiem gu'nguaaic lungh.
• Ninh nyei m'zing zaah mangc baamh mienh,
• ziouc hiuv duqv ninh mbuo zoux nyei sic.
• ⁵ Ziouv kauv kuv mienh caux orqv mienh,
• ninh nzorng haic a'hneiv zoux doqc nyei mienh.
• ⁶ Ninh oix zorqv zieqc jienv nyei douz-taanx caux hungh * hungh se peux fiu wuov nyungc hungh. Beiv mangc Tin Deic Douh 19:24 . bungx njiec mienh waaic mienh gu'nguaaic,
• yaac bun nziaaux-jorm benx ninh mbuo nyei buonc.
• ⁷ Weic zuqc Ziouv zoux duqv horpc,
• ninh yaac a'hneiv mienh zoux horpc nyei sic.
• Hnyouv zingx nyei mienh ziouc duqv buatc ninh nyei hmien.