Cong-Mengh Mbenc Nyanc Hopv

• ¹ Cong-mengh gomv ninh nyei biauv mi'aqv.
• Ninh liepc * liepc se gan Gikc waac faan. Hipv^lu waac gorngv zuqc. ninh nyei siec norm ndiouh.
• ² Ninh daix ninh nyei saeng-kuv yaac peux ninh nyei a'ngunc diuv,
• aengx mbenc ninh nyei dieh.
• ³ Ninh paaiv ninh nyei m'sieqv bou cuotv mingh,
• yaac yiem zingh gu'nyuoz hlang jiex nyei dorngx heuc gorngv,
• ⁴ “Maiv hiuv haaix nyungc nyei mienh aah! Bieqc yie naaiv daaih maah!”
• Ninh aengx gorngv mbuox mienh hngongx mienh,
• ⁵ “Daaih maah! Daaih nyanc yie nyei hnaangx,
• hopv yie peux nyei a'ngunc diuv.
• ⁶ Oix zuqc guangc nqoi meih mbuo maiv hiuv haaix nyungc nyei jauv, * Naaiv se gan Gikc waac faan. Hipv^lu waac gorngv
  “Oix zuqc guangc nqoi maiv hiuv haaix nyungc wuov deix”.
• meih mbuo ziouc duqv ziangh jienv,
• gan mengh baeqc nyei jauv yangh.
• ⁷ “Haaix dauh gorngv-hemx zoux maux, huotv mienh nyei mienh,
• ninh ganh oix zuqc mienh mangc piex.
• Haaix dauh kuinx orqv mienh, ninh ganh oix zuqc mun aqv.
• ⁸ Maiv dungx kuinx zoux maux, huotv mienh nyei mienh,
• ninh ziouc nzorng meih.
• Mv baac kuinx cong-mengh mienh nor,
• ninh ziouc hnamv meih.
• ⁹ Njaaux cong-mengh mienh
• ninh ziouc jaa maaih cong-mengh,
• njaaux zoux horpc nyei mienh
• ninh ziouc duqv hoqc hiuv camv jienv faaux.
• ¹⁰ “Cong-mengh nyei gorn se
• oix zuqc taaih Ziouv.
• Mienh zieqv duqv Cing-Nzengc Wuov Dauh
• ziouc haih jaa mengh baeqc. * Yopv 28:28 ; Singx Nzung 111:10 ; Cong-Mengh Waac 1:7
• ¹¹ Se gorngv meih kaux yie, meih nyei hnoi-nyieqc ziouc jaa camv,
• meih nyei hnyangx-soux aengx jaa tipv duqv siouc nyuonh ndaauv.
• ¹² Se gorngv meih maaih cong-mengh, se weic meih ganh maaih lamh longc.
• Se gorngv meih huotv mienh, meih ganh oix zuqc ndaam-dorng.”
• ¹³ Hngongx nyei jauv beiv dauh qiex mbui, liaa haic,
• maiv hiuv duqv nyaiv nyei m'sieqv dorn.
• ¹⁴ Ninh zueiz jienv ninh nyei biauv nyei gaengh ndaangc,
• zueiz jienv zingh gu'nyuoz hlang nyei dorngx,
• ¹⁵ heuc jienv jiex jauv nyei mienh,
• dongh baeng zaqc gan ninh mbuo ganh nyei jauv nyei mienh gorngv,
• ¹⁶ “Maiv hiuv haaix nyungc nyei mienh aah!
• Gunv bieqc yie naaiv daaih maah!”
• Ninh aengx gorngv mbuox mienh hngongx mienh,
• ¹⁷ “Nimc daaih nyei wuom se gaam nyei,
• bingx jienv nyanc nyei njuov maaih mueix doc.”
• ¹⁸ Mv baac mienh * Hipv^lu waac gorngv ninh mv baac gorngv zuqc dongh zuqc wuov dauh m'sieqv dorn nduov nyei mienh. maiv hiuv duqv zuqc daic nyei mienh yiem naaic.
• Ninh nyei kaeqv mienh yiem yiemh gen ndo nyei dorngx.