Beiv Kuv Mienh Caux Orqv Mienh

¹ Naaiv se Saa^lo^morn nyei cong-mengh waac.

• Cong-mengh nyei dorn bun die duqv njien-youh,
• mv baac hngongx nyei dorn hoic maa nzauh.
• ² Zoux maiv zingx duqv daaih nyei zinh zoih maiv lamh longc,
• mv baac zoux duqv horpc nyei sic haih njoux mienh maiv zuqc daic.
• ³ Ziouv maiv bun kuv mienh ngorc,
• mv baac ninh dangv jienv maiv bun orqv mienh duqv ninh mbuo cei nyei.
• ⁴ Buoz lueic bun mienh zuqc jomc,
• mv baac buoz jienh bun mienh butv zoih.
• ⁵ Guai nyei dorn taux nqaai gorng siou cun-gaeng,
• mv baac gaatv nyei ziangh hoc bueix m'njormh nyei dorn se zuqc nyaiv nyei dorn.
• ⁶ Kuv mienh duqv fuqv-loqc, * Hipv^lu waac gorngv “Fuqv-loqc yiem kuv mienh nyei m'nqorngv”.
• mv baac orqv mienh nyei nzuih bingx jienv oix zoux doqc nyei sic.
• ⁷ Jangx kuv mienh haiz hnangv duqv fuqv,
• mv baac orqv mienh nyei mbuox mienh la'kuqv, hnangv benx ga'naaiv-huv nor.
• ⁸ Hnyouv cong-mengh nyei mienh oix ei jienv leiz-latc,
• mv baac la'guaih gorngv hngongx nyei jauv wuov deix, oix zuqc baaic.
• ⁹ Yangh ziepc zuoqv nyei jauv wuov deix duqv baengh orn nyei yangh,
• gan ngau njuotv nyei jauv wuov deix ziouc biux mengh cuotv daaih aqv.
• ¹⁰ Mienh nyapc m'zing zoux cuotv sic,
• mv baac bungx laangc nyei kuinx mienh wuov deix, liepc baengh orn.
• ¹¹ Kuv mienh nyei nzuih benx ziangh maengc nyei wuom-zingv,
• mv baac orqv mienh nyei nzuih bingx oix zoux doqc nyei sic.
• ¹² Nzorng nyei jauv coqv cuotv nzaeng jaax nyei sic,
• mv baac se gorngv hnamv mienh ziouc guangc * Hipv^lu waac gorngv buang jienv. yietc zungv zoux dorngc nyei sic. * Yaagorpc 5:20 ; 1 Bide 4:8
• ¹³ Mengh baeqc nyei mienh nyei nzuih maaih wuonh zaang,
• mv baac maiv hiuv haaix nyungc nyei mienh puix duqv biaav mborqv diqc daanz.
• ¹⁴ Cong-mengh mienh siou jienv wuonh zaang,
• mv baac mienh hngongx mienh gorngv nyei waac bun baaic waaic nyei sic taux fatv.
• ¹⁵ Butv-zoih mienh nyei zinh zoih benx ninh wuonv nyei zingh.
• Mv baac mienh jomc mienh jomc nyei jauv bun ninh mbuo zuqc baaic waaic.
• ¹⁶ Kuv mienh nyei fin-kouv dorh mienh duqv maengc ziangh,
• mv baac orqv mienh duqv nyei buonc se dorh mienh baamz zuiz.
• ¹⁷ Ei jienv njaaux nyei waac wuov deix yiem ziangh maengc nyei jauv.
• Mv baac haaix dauh ngaengc jienv gorngv-njaaux nyei waac ziouc mingh dorngc jauv aqv.
• ¹⁸ Haaix dauh bingx jienv nzorng nyei sic maaih gorngv-baeqc nyei nzuih.
• Haaix dauh cuotv nzuih gorngv waac-huv benx mienh hngongx mienh.
• ¹⁹ Gorngv camv waac camv, simv maiv ndutv baamz zuiz nyei jauv,
• mv baac mienh guai mienh nyienz duqv ganh nyei nzuih.
• ²⁰ Kuv mienh nyei waac hnangv zien nyaanh,
• orqv mienh nyei hnyouv hnamv nyei jauv maiv zic zinh.
• ²¹ Kuv mienh nyei nzuih gorngv nyei waac yungz mienh camv,
• mv baac mienh hngongx mienh zuqc daic laaix maiv hiuv haaix nyungc.
• ²² Se Ziouv ceix fuqv bun mienh butv zoih,
• ninh yaac maiv jaa you-nzauh. * Fai “Mienh laauh luic zoux yaac maiv jaa tipv haaix nyungc”.
• ²³ Mienh hngongx mienh zoux dorngc ninh mbuo haiz oix nyei,
• mv baac mengh baeqc nyei mienh a'hneiv cong-mengh nyei jauv.
• ²⁴ Orqv mienh gamh nziex nyei zungv oix zunc zaaic ninh,
• mv baac kuv mienh oix duqv nyei zungv duqv aqv.
• ²⁵ Nziaaux-jieqv jiex mingh, ziouc maiv maaih orqv mienh aqv,
• mv baac kuv mienh duqv liepc wuonv taux yietc liuz.
• ²⁶ Paaiv mienh lueic mienh mingh zoux haaix nyungc,
• weic paaiv ninh wuov deix ninh se hnangv wuom-sui bun nyaah njienz,
• yaac hnangv douz-sioux bieqc m'zing.
• ²⁷ Mienh taaih Ziouv bun ziangh nyei hnoi-nyieqc jaa ndaauv,
• mv baac orqv mienh nyei hnyangx-soux nangv njiec.
• ²⁸ Kuv mienh maaih lamh hnamv nyei setv mueiz se njien-youh,
• mv baac orqv mienh hnamv oix duqv nyei, setv mueiz maiv duqv haaix nyungc aqv.
• ²⁹ Ziouv zoux hnyouv zingx nyei mienh kaux wuonv nyei dorngx,
• mv baac bun zoux orqv sic nyei mienh zuqc mietc.
• ³⁰ Kuv mienh yietc liuz maiv zuqc tuix cuotv,
• mv baac orqv mienh zungv maiv duqv yiem deic-bung.
• ³¹ Kuv mienh nyei nzuih gorngv cuotv cong-mengh nyei waac,
• mv baac buv longh buv dangv mienh nyei mbietc zungv oix gaatv guangc.
• ³² Kuv mienh nyei nzuih gorngv waac longx,
• mv baac orqv mienh nyei nzuih kungx gorngv gorngv-baeqc nyei waac hnangv.